Header
Home>> Articles  

 

 

 

 

Victim Woman

Mazloom Aurat

Mazloom Aurat Image
Is woman Victim ? Man and woman should be most sincere with each other and should n’t be tolerate. Don’t use abuse and violence against woman to man and man to woman. Both respect each other. Good Man and woman does affect the entire of your marriage. Both should be accept their qualities and live life happily. In this page you will read a article of Victim Woman (Mazloom Aurat) in Urdu and Roman Hindi.

Gharelu Larai Jhagre ka Zimmedar Kon

Aurat Ya Mard?

Hamari aik saheli jab bhi milti hai apne shohar ke gusse ka shikwa kerti hai. Iss ko shikayat hai ke mousoof zara zara si baat per apey se bahar ho jate hain. Woh iss Surat hall se kafi pareeshan thein. Aysi shikayaton per app sabar ki talqeen ke sewa aur kiya ker sakte hain. Aik din to inteha ho gaye woh hamare yahan aaker bohat roye kehne lagi ajj to mere shohar ne mujh se bohat laraye ki hai aur kahte hain ke batao tum chahti kiya ho tum hi batao bal bachchon wali Aurat iss surat hal mien kiya ker sakti hai. Hum ne usse kuch dair apne pas roke liya aur kaha ke ajj tum khana hamare sath khao aur thori dair tak ghar mat jao iss dauran un se kuch tafseeli baat cheet bhi huye iss dauran ghar ka kam kaj chalta raha ghar ki safaie kerne ke baad hum ne kitchen ka rukh kiya aur unhein wahein kursi per baitha liya woh baithe baithe jamayan leane lagein puchne per bataya ke asal mein yeh waqt un ke sone ka hai. Yeh koi subah 11 baje ka waqt hoga unhon ne tafseel batani shuru ki ke shawher aur bachche 8 baje tak school aur office ke liye rawana ho jate hain aur woh unke jane ke baad so jati hoon 2 baje bachche school se ghar ate hain bachchon ko madrasa bhejne ke bad woh TV ke age baithna pasand karti hain. abb hamein unke gharelo kashedgi ke kuch asbab samajh mein ana shuru huye.

Bunyadi taur per woh kam ka waqt sone mein guzar deti thi aur sone ka waqt TV ke samne guzar jati thi. Inn mashagal ke baad din bhar ke kam kis tara sametne mein nahein atey hongein shohar aur bachchon ki ghar wapsi tak ghar ki bhagdar dekhne se taluq rakhti hogi mujhe dili afsos huwa kiya yeh daur e jaded ki Aurat hai aur kiya yeh hai uski zimmadari ke bachchon ko school, madrasa aur tuition bhejna aur bas ?

Nahein dar asal ye apne waqt aur umar ko zaya karna hai. Har kam ka aik waqt hota hai aur use usi waqt per anjam dena hota hai warna bohat se masail aur uljhanein sar uthati hain. Amm tour per auratan mard hazrat ke rawaiyon ki shikayat to karti hain lakin apne tarz e amal per nazar sani kerne ke liyeh taiyar nazar nahien atein unka beshter waqt ghair zaroori masroofyat ki nazar ker ne ke baad akhri waqt mein din bhar ke tamam amoor anjam dete huye gossa aur jhunjlahat ka shikar ho jati hain. Iss tarah ghar ki faza mein kashedgi paida ho jati hai.

Iss badmazgi ke baad amooman auratan khud ko mazloom tasawar karti hain aur sari zimamadari dosron ke sar per rakh di jati hai. yeh rawaiya zindagi ko nakami aur rishton ki kamzori ki rah per dal deta hai.Aisi surat mein khair andaish aur mukhlis aziz rishtedaron ya saheliyon ko koi mashwara dene ya raye qaim kerne se pehle tasweer ke dono rukh dekhne chahiye tabhi koyi behtar rasta tajweez kiya ja sakta hai. Amm taur per shohar ho ya bivi gharelo badmazgi ka zimmadar aik doosre ko tharate hain aur unhien mashwara dene wale unke baton per apni raie qaim ker lete hain baz martaba doosron ke samne apne gharelo halat ka tazkera kerne ka maqsad hi khud ko mazloom sabit karna hota hai iss liye apne kisi aziz ko mashwara dene ya koyi raie qaim kerne se pehle pori surat e haal ka jayeza lena chahiye. Hamein yaad rakhna chahiye ke shadi ka rishta bunyadi taur per rafaqat ka rishta hai usse app dosti ka lejea jis tarah hum apne doston ya saheliyon ki bohat si khamiyon ko nazar andaz ker jate hain lakin unse taluq khuloos aur dard mandi ke sahare unki kaie na pasandeeda batein bhi jhail jate hain to kiya jis ke sath zindagi guzarni hai usse atni bhi rayat nahein di ja sakti kisi dareena dost ya saheliyon ke muamlah mein barti jati hai?

Mard aur Aurat dono ko aik dosre ki khubiyon ke sath khamiyan bhi qabool kerni chahiye aur inn khamiyon per gusse ka izhar kerne ke bajaye apni aur dosre ki islah ki koyi rah talash kerein chahea wabistagi qurbani mangti hai aur hum iss qurbani ki tawaqqa dosron se hi kerte hain iss liyeh behter yeh hai ke khud ko mazloom sabit kerne ke bajaye apne mamulat aur rawaiyon ka bhi munsifana jayeza liya jaye jab hi mian biwi taluq ki ye kashti par lage gi.

Abida Perveen Alhaj Muhammad Siddiqui Ismail Exersice Tips

 

More Links

 

Copy Right 2012-2014 www.Meriduniya11.com Contact Us