Header
Home>> Articles  

 

 

 

Retirement

Retirement is the end of age 60. You have retired at the age of 60. However, it is not the end of life. The time of after retirement is only for you, you can complete your desire. After retirement, you can do any type of work. In this page you will find a Article about Retirement Ki Tayari In Urdu and Roman Urdu.

Retirement ki Tayari Image

Retirement Ki Tayari

Retirement zindagi ke khatmay ka nam nahi, ye daur apko un bohot si adhori khuwaishat ki takmeel ka mouqa farham karta hai. Jo app ab tak masrofiyat ki wajah se puri nahi kar sake. Mujh se aksar maray dost poucha kartay hain ke kiya ab inhein kam karna chor dena chahiye. Zahir hai ye bohot hi zati noiyat ka faisla hota hai aur iss ka daro madar iss par hota hai ke kisi fard ko apne kaam se kis qadar tamaniyat hasil hoti hai aur iss par bhi ke zindagi mein iss ki dosri dil chaspi kiya hai. Lakin ajeeb baat ye hai ke retirement ka baad aksar naye andaz ki preshaniyan lay kar attay hain. Aaj ke daur ke beshtar Retire afrad khusosan mard apnay kaam ko hi apni shanakht samjhtay hain. Jab woh ye kaam karna band kardete hain to un ki zindagi bay maqsad ban jati hai aur un ki shakhsiyat mein bigar paida hojata hai.

Kuch logon par afsurdagi ( Depression) chah jata hai. Main aisay logo ko bhi janta hon jin hein sari umar koi bara tibbi maslah darpesh nahi aya, Magar retirement ke baad inhein zehni dabao se taluq rakhne wali bemariyan lahuq ho gayein. Ye zaruri nahi ke har shaks 45 saal ki umar ko pouch kar retire hojaye. Mere doston mein bohat se aisay hain jinhone 45 saal ki umar ka hojane ke baad apna behtreen art ka namona takhleeq kiya ya apne sab se ache tamirati design tayar kiye. Ya apne sub se zada munafa baksh mouayde kiye. App ko bhi apna shaqar takhleeq karne ka mouqa milna chahiye, khun ke is tarha app apni zindagi se mutmaein ho sakte hain or khush reh sakte hain.

Jin logo ki zada kaam karne ki addat parjati hai woh Retitement ke baad bhi kaam karne se baz nahi reh sakte, Lakin aise shaks ki masrofiyat un logo ke liye azab ban jati hai jo aise chahate hain khass kar us rafeeqa hayat ke liye jese bachon ko bare ho kar apne apne gharon mein muntaqil hojane ke bais apne umar raseeda, magar intehai masrof rehne wale shohar ke kam per chale jaane ke baad ghar mein aksar tanhan rehna parta hai.. .Main yeahan kuch tajaweez paish kar raha hon jin per amal karne se ghar ka mahol bhi khush gawar rahe ga aur bari umar ke logo ki takhleqi salahiyaton ko phalane pulnay ka mouqa bhi milta rahega.

Retirement ke baad app aisi mulazmat kare jo juz waqti ho ya shawari noiyat ki ho. Aise logon ki bari mang rehti hai jo kisi khas shobe mein takniqi maharat aur tajurba rakhte hon. Agar app apni is maharat aur tajurbe ko juz waqti mulazmat ya shawari noiyaat ki zimedari kabool karne ke liye istemaal karein to app ko apni salaihiyaton se faida uthane ki tamaniyat bhi hasil rahe gi aur apni rafiqa hayat ya dusre ahe le khana ko denne ke liye waqt bhi hoga. Agar app ko apni mulazmat ya peshawarana masrofiyat ke silsele mein safar karna parta ho to app is mouqe se faida uthayein aur mahool ki tabdeeli kay liye apni shareek e hayat ko bhi sath le jayein. Agar mumkin ho to kam khatam karne kay baad kuch din sirf sair o tafree hi mein guzarain. Bivi ke elawa agar khandan ka koi or fard bhi siyasat main dil chapsi rakhta ho to isse sath le lain. Mera aik dost jab bhi kabhi kisi bainul aqwami karobari safar per nikalta hai to apne kisi now umar pote ko sair karanay ka liye sath le jata hai.

Apne walid ke Retirement ke baad unke kam karne ka asal maqsad malom karne ki koshish kare. Agar app ke walid ne mulazmat se retire hojane ke baad dosri mulazmat is liye ki hai ke unhe is kam se jo woh ab kar rahe hai, Gehri dil chapsi hai aur is se wo tasqeen hasil karte hain, to phir thek hai. Inhein ye mulazmat zaror karna chahiye, Lakin agar woh retirement ka baad ki mulazmat makhaz iss khayal se kar rahe hain ke agar woh aisa nahi karein ge to ghar ki amdani kam hojaye gi to app ka farz banta hai ke unhe ghar ane ki maliyat surat e hall se puri tarha agha karein ta ka who apni khawhis ka khalaf ya bila zarorat kam na kartay rahe. Ghar chalane ki zimedari se farig hojane ke baad mulazmat azadana izhar raye ka mouqa faraham karti hain. Zada umar ko pohuch jane ke baad kam karna mulazmat karne wale ko aik aisi azadi aur khud atmadi atta karta hai jo is umar ki mulazmat mein mumkin nahi hota ke jab ghar chalane ki zimedari isi ke kandhoun per hoti hai. Mera aik dost retirement ki umaar ko pouch kar retire ho chuka tha. Phir aik nai qaim hone wali company ne is ki technical maharat se faida uthana chaha aur ise aik bohat ache package ki peshkash kabol karnay ka mashwara deya.

Chand hi dinon baad woh dost mujhe ye batane aya kay issay mulazmat say nikal diya gaya tha. Iss liye kay iss jald hi ye andaza hogaya tha kay company bad intazami ka shikar thi. Mazeed ye kay company ka sarbarah saholyaton say aare bhi tha aur apnay mulazmeen say bad tameeze bhi karta tha. Iss nay mujhe bataya kay iss nay apni iss raweye say company ki sarbarah ko khulay alfaz mein agah kardiya tha, Lakin mera dost apni bartarfi ko shikast kay bajaye fatha tasawaur kar raha tha. Issay apni raye ke sahi hone ka pura yaqeen tha. Iss ki zindagi mein aisa pheli bar howa tha kay woh apne ahle khana ko faqon par majbor hojane kay khouf kay bagair apne khayalat ka puri azadi kay sath izhar kar saka tha. Iss dost nay mera shukriya adda kiya kay mein nay issay aisa mashwara diya tha jis ki wajha say issay azadana izhar-e- khayal ka mouqa mil saka.

 

More Links

 

Copy Right 2012-2014 www.Meriduniya11.com Contact Us