Meriduniya11 Header
Home> Articles  

 

 

 

 

Marriage Problems

There are so many problems in our surroundings. Among them one of the important problem is the marriage problem of the highly qualified maiden girls. most of the country is based on them, in easy language they are called “Sinf e Nazuk” and are considered weak. a nation is like a body. In this page, you will find information about Marriage Problems maiden girls In Urdu.

Rishton Ka Masla

Rishtona Ka Masla Image

Roz marra zindagi mein jahan charon taraf masley masaiyl he bikhre parhe hain. Wahan aik bohat aeham masla aala taleem yafta kunwari ladkiyon ke rishton ka bhi hai. Mulk ki ziyada se ziyada aabadi us sanaf par mushtamil hai, jise aam lafzon mein sanaf nazuk kaha jata hai aur kamzor samjha jata hai.

Qaum aik jism ki tarha hoti hai. Jis ka seedha ya right side sanaf nazuk aur left side sanaf qawa par mushtamil hota hai. Magar hamara muashra ab tak pori tarha aurton ki taleem-o-arbiyat ke haq mein nahi. Yun samjhen ke adha hissa maflooj kiya hua hai. Sochen ke aik qaum jo zehni aur jismani taur par mazoor aur maflooj ho, wok is tarha duniya mein apna naam roshan kar sakti hai. Jab ke in mein aese aese nayab heere hain. Jinhe tarasha jae ya sahi guide line di jae to wo apne mulk ke liye kya kuch nahi kar sakte.

Maze ki baat to yeh hai ke sanaf qawa par mulk ki zimedariyon ka bojh, magar wo 80 % na aehal ( Taleem se le kar har shobey aur har meydan mein ) zahir hai jo be aqal naqal kar ke paas ho kar office ya koi bhi auhda sambhalenge. Un ki qabliyat kya hogi. Jab ke sanaf nazuk jin ko taleemi meydan mein peche rakha jata hai, magar wohi taleemi meydan mein ladkiyon ki nisbat bohat aage hain. Lekin ladkon ko qabil aur parhi likhi samajhdar ladkiyon ke bajae, fashion zada sajeeli, sirf choriyon, mehndi aur makeup, dressing ki had tak zehan rakhne wali ladkiyan he pasand aati hain. Kyun ke wo khud bhi taleem se bhagte hain aur ladkiyon ko khud se ziyada taleem yafta hona unhe bardasht nahi.

Aam lafzon mein hum yon keh sakte hain ke unhe sirf aur sirf bani sanwri ghayab dimagh naukraniyan chahiyen, jo in ke dimagh se hi sare kaam anjam den. Ab chahe wo kitne he anari hon, shaoor na rakhte hon, magar sab apni marzi ke mutabiq chalana chahte hain. Ladkon ki aksaryat ladkiyon ko sirf aur sirf chabi ke khilone ki tarha chalana chahti hai. Ta ke un ke zehan khul he na pae, na mard ki chalen samajh saken. Na kisi qisam ka shaoor beydar ho ke mard ki fitrat ko aur khud ko bhi mukammal taur par samajh saken. Lekin har jagah sirf mard he qasoorwar nahi hote bal ke khud aala taleem yafta ladkiyon aur un ke maa baap ka bhi qasoor hota hai ke wo betiyon ke ache se cahe rishte ki talash mein munasib umar mein aae hue munasib rishton ko bhi thukra dete hain. Nateeja yeh nikalta hai ke aik umar ke bad rishte aana band ho jate hain.

Aala taleem hasil kar ke ladkiyon ke dimagh bhi satwen aasman par pohanch jata hai. Bohat nakhreeli, bad dimagh ho jati hain aur apne awwaleen faraiyz yani ghar ke tamam zimmedariyon aur kaam ko pas-e-pusht daal deti hain. Jab ke aurat khuwa khatoon-e-awwal ho ya kisi bhi barhe auhdey par faiyz, ghar ki zimmedariyan har haal mein us par lago hoti hain, warna pora khandan shaded mutasir hota hai. Ghar aurat se he jannat banta hai. Agar mard pori tarha bashaoor, samajhdar, pyar karne wala aur khayal rakhne wala ho to jahan mard ka apni biwi ke sath rawaiyya kharab hota hai, wahin aurat bhi mutasir hoti hai, sath pori family bhi.

Ladkiyon ko chahiye kea ala taleem ke sath haqeeqi shaoor aur khobsurti ko apnea, jo makeup se nahi, bal ke rohaniyat aur taleem-o-tarbiyat se aati hai. Aksar ladkiyan aala taleem hasil kar ke apni pasand bohat buland kar leti hain. Is ki wajah se aane wale kae rishton ko thukra deti hain. Yun munasib rishtey bhi hath se nikal jate hain aur wo kunwari he bhurapey ki umar tak pohanch jati hain. Jin se ghar ke baqi afraad bhi mutasir hote hain, is liye wo apni soch ko badlen. Jab ladke aala taleem yafta aur mohazzib ladkiyon ko awwaleen tarjeeh denge aur khud bhi aala taleem hasil karenge to yeh muaashra khud ba khud he sanwar jaega, kyun ke har haal mein mard ko awwaleen tarjeeh hasil hai. Aurat wohi rukh apnati hai jo wo muaashrey se chunti hai. Mard khud ko badlega to aurat bhi khud ba khud badal jaegi. Jab tak dono ka meyar aala taleem aur shaoor tak nahi pohnchega, rishton samet tamam masaiyl jon ke ton rahenge.

Ladkiyon ko bhi chahiye ke apni pasand ka meyar itna buland bhi na kar len ke shadi ki sahi umar he nikal jae. Ladke ki taleem aur qabliyat zaroori dekhna chahiye, baqi paisa to dimagh ko sahi jagah istemaal karne aur mehnat karne se jitna PAK RAB ne nasib mein likha hota hai, milta hai.

Abida Perveen Alhaj Muhammad Siddiqui Ismail Exersice Tips

 

 

More Links

 

Copy Right 2012-2014 www.Meriduniya11.com Contact Us