Header
Home>Entertainment  

 

 

Asha Posley

Asha Posley was born on 1927 in Jhalandar East Punjab. She was the first Heroin of Pakistani film “ Teri Yaad ” and she worked in all India Radio in Dehli. Her real name is Khursheed Begum. Asha is the daughter of the Music Composer Inayat Ali Nath and the sister of Kauser Parveen. Asha Posley died on 25th March 1998 in Lahore. In this page you will find the information about Asha Posley In Urdu.

Pakistani Actress Asha Posley

Pakistani Actress Asha Posley Photo

Asha Posley Pakistan mein banne wali pehli film " Teri Yaad " ki heroin hone ka aezaaz hasil hai. Asha Posley ne Radio aur Film ki screen par aik taweel arsey tak apni salahiyaton ka loha manwaya. Sathi actress, heroin aur comedy role inho ne adaa kiye aur baad mein old age character bhi adaa karti rahin. Asha Posley ka asli naam Khursheed begum tha aur Asha Master Inayat Ali Nath jo aik music composer bhi the, in ke han Jhalandar (Mashriqi Punjab) mein 1927 ko peyda hui. Master Inayat Ali Nath ki 3 betiyan aur aik Beta, jin mein Khursheed Begum Manjhli thin. Master Inayat Ali Nath Shoba Mauseeqi se wabasta the. Is liye wo hunar Master Vice recording company Dehli mein organizer muqarrer ho gaey. Khursheed aur un ki behno ne fan e mauseeqi apne ghar he se seekhi aur tarbiyat ke sath sath riyaz bhi hota gaya aur phir Khursheed begum all India Radio Dehli se Bachon ke programs mein “ Asha ” ke naam se hissa lene lagi.

Radio ke is program se Asha Posley ko bohat shohrat mili aur songs ke sath sath awaz ke utar charhao ke sath sadakari ke bhi mauqey mile. Asha jab 11 saal ki thin, Master Inayat Ali apne biwi bachon ko le kar Lahore aae, jahan seyr ke dauran in logon ko Pancholi Studios Muslim Town jane ka bhi ittefaq hua. Wahan in dino Maheshwari ki Punjabi film “ Gawandhi ” ki shooting chal rahi thi. Is film mein Veena, Shaan, Manorma, Narang kaam kar rahe the. Film ke director Shankar Mehta the. Us roze jo scene filmaya ja raha tha. Is mein heroin veena ke sath in ki kuch saheliyon ko use gherey hue dikhana tha.

Shankar Mehta ne Master Inayat Ali ki ijazat se saheliyon ka sath Asha ko khara kar diya. Film “ Gawandhi ” 1942 mein release hui thi aur 1944 mein Master Inayat Ali ka tabadla Lahore ho gaya. Un he dino British information films ne aik film Bharat Ke Bahadur banai. Jis mein Asha ne aik kirdar adaa kiya. Is film ka kuch hissa roop ke shoraa ke studio Maclord road Lahore mein filmaya gaya tha. Jahan Asha Posley ko roop ke shoraa ne dekha to apni films mein kaam karne ki peshkash kar di aur Master Inayat Ali ne apne dost Sultan Khoosat ke zariye ise filmi duniya se rooshanaas karaya. Asha Posley ki pehli film “ Panchi ” nigar production ke banner par filmai gai thi. Aakhri umar mein in ki khuwahish thi ke unhe koi sarkari award mil jae, lekin wo yeh hasrat dil mein liye 25 March 1998 ko mulk adam sadhar gai.

 

 

Copy Right 2012-2014 www.Meriduniya11.com