This is Meriduniya11 Header
Home>Entertainment  

 

 

Bollywood Sardars

Which actor would make the most talented role of Sardar in Bollywood film Industry ???
Sunny Deol looks is very perfect for Sardar role, he got the best role in Sardar performance in film “ Border ”, “ Gadar ”, “ Jo Bole Sonihaal ” and “ Yamla Pagla Deewana ”.
Akshay Kumar looks awsum in Sardar role, he got the best role in Sardar performance in film “ Singh Is King ”.
Saif Ali Khan got the best role in Sardar performance in film “ Love Aaj Kal ” with Rishi Kapoor. In this Page you will read Bollywood Sardars in Hindi.

Bollywood Sardars Photos

Bollywood Sardars In Hindi

Bollywood ke top star Ajay Devgan ne apni new film “ Son Of Sardar ” bante he yeh sawal utha diya hai ke “ agar duniya mein Sardar na hote to kya hota ??? ”. ab yeh to hum nahi bata sakte, lekin aap ko yeh zaroor bata sakte hain ke agar Bollywood mein Sardar ka kirdar nahi hota to kya hota ???

Jab bhi filmon mein Sardar ki baat hoti hai. Sab se oper naam 2.5 kg ke hath wale Sani Deol ka ata hai. Jis ke agar aik hath mein Hand Pump aa jae to pori fauj mar kha jati hai. Sunny Deol sab se pehle film “ Border ” mein Sardar bane, yeh film to mutanazey thi. Lekin Sunny ka kirdar logon ko bohat pasand aya. Phir aai “ Gadar ” jis mein Sunny Deol na itni bharken lagai, ke hamari Punjabi filmon ke Heroes bhi sharma ke reh gae. Is propaganda film mein aik Sunny pori fauj par bhari parh gaya.

Lekin ab dil to kisi par bhi aa jata hai. Logon ne yeh film itni baar dekhi ke yeh film Sardar ke kirdar banne wali kamiyab tareen film ban gai. “ Border ” aur “ Gadar ” ke record business ke bad Sunny Deol ki aik aur film “ Jo Bole Sonihaal ” aai. Is mein Sunny sidhe sadhe Sardar sipahi ke roop mein nazar aae. Jo aik dehshat gard ko pakarhne ke liye American FBI se bhi takra jata hai. Lekin yeh baat dekhne walon ko bhi hazam nahi hui aur box office par yeh film dabba sabit hui. Kamiyabi ki hatrik banane mein nakaam Sunny Deol aik baar phir “ Yamla Pagla Deewana ” mein apne pasandeeda role mein nazar aae. Is bar in ke bhai Bobby Deol aur Dharmindra Papa ne bhi sath kirdar nibhaya. Jo film dekhne walon ko itna pasand aya ke film to super hit hui he, bal ke is ka 2nd part bhi tayyar hai. Jo next year release kiya jaega.

Ab ap ko milwate hain Punjab ke aik aur Singh se, Akshay Kumar jinho ne Singh ko King banaya. In ki comedy action film “ Singh is King ” zabardast hit hui. Is film ki direction karne wale Anees Bazmi the. Film mein Akshay Kumar ne aik bhole bhale Sardar ka role nibhaya tha. Jo achanak apni bewaqoofi ki wajah se mafiya ka Don ban jata hai. Lekin yeh kirdar itna behtrren tha ke pore Gang ko sudhar diya jata hai. Singh is King ka bhi sequel banane ki khabren aai thin. Lekin abhi tak is par kaam shuru nahi ho saka.

Ab baat karte hain bollywood ke nawab Saif Ali Khan ki, Akshay koi kaam karen aur Saif un ki naqal na karen, aisa ho sakta hai kya. Saif Ali Khan “ Love aaj Kal ” mein aik lower boy ke roop main bhi nazar aae. Film apne songs ki wajah se kamiyab hui. Film mein Saif Ali Khan ke bhurapey ka role bollywood ki Tingo Ji Rishi Kapoor ne kiya tha. Jo apni jawani ki shakal wale Saif ko mohabbat mein jeetne ka kamiyab mashware dete the. “ Love Aaj Kal ” mein to Rishi Kapoor nae daur ke taqazon se hum aahang nazar aya. Lekin “ Patiyala House ” mein yehi Rishi Kapoor apni marzi dosron par thopney wala, aik sakht geer Sardar ban kar samne aae.

Cricket ke mauzoon par banne wali film Akshay Kumar ke hote hue bhi box office par buri tarha nakaam hui. Tingo Ji yani Rishi Kapoor to silver screen par Sardar dair se bane, lekin in ke bete Ranbir Kapoor bohat tez nikle aur apne career ke aaghaz mein he hath mein Karha aur sir par Pagrhi bandh li, “ Rocket Singh ” film mein apne maqsad mein kamiyab ho jate hain, magar boxoffice par yeh film bilkul nahi chali. bollywood ke shehansha Big B yani Amitabh Bachan ne apne 40 sala career mein mukhtalif kirdar kiye, lekin Sardar ban kar wo bhi kamiyab na ho sake. In ki film “ Ab Tumhare Hawale Hai Watan Sathiyon ” bhi propaganda film sabit hui.

Film “ Dabbang ” mein Salman Khan narm mizaj mein nazar aae, magar film “ Heroes ” mein fauji Sardar ke roop mein nazar aae. Lekin yeh film bhi paise banane mein na kamiyab rahi. Bal ke bohat se logon ko to is film ke aane jane ka bhi pata na chala. Is pori film ki kahani se pata chalta hai, ke Sardar banna itna aasaan nahi. Sirf Sunny Deol, Akshay Kumar aur Saif Ali Khan he screen par Sardar ke roop mein kamiyab hue hain. Baqi sare heroes is kirdar mein pheeke pheeke nazar aae hain.

Ajay Devgan ki film “ Son Of Sardar ” Dewali ke mauqe par release hui hai, ab tak to sunne mein aya hai ke film dekhne walon ko kafi pasand aai hai aur ab tak business bhi acha chal raha hai. Is film mein kamiyabi ke sare formula maujood hain. Zabardast dialogue, maqbool music, super stars ki shan, sath mein Salman Khan bataur mehman aur rukawat sirf aik bani “ Jab Tak Hain Jaan ” ka Shahrukh Khan. Ajay Devgan ko agar Sunny Deol ka Sardar banna hai, to unhe apni film ke samne Shahrukh Khan ki film ko harana ho ga.

 

 

More Links

 

Copy Right 2012-2014 www.Meriduniya11.com