Header
Home>Entertainment

 

 

 

Esha Deol

Esha Deol was born on November 2nd , 1981 in Mumbai. She is 31 years old. She belongs to “ Theth Punjabi ” family. Esha Deol is the daughter of the most famous actress Hema Malini ( who also known as Dream Girl )and the most famous actor Dharmendra Deol. Esha Deol is the sister of Sunny Deol and Bobby Deol. Esha appears in Bollywood films, she is very talented actress. Esha Deol married with a Businessman, Bharat Takhtani. In this page you will read bollywood actress Esha Deol Latest News in Urdu and Roman Hindi.

Esha Deol Photo

Esha Deol In Urdu

Bollywood ki actress Esha Deol ne kaha hai ke ab sirf muntakhib filmon mein he kaam karongi. Esha ka kehna hai ke ab wo sirf aese kirdar karengi jo meri family ko pasand honge aur un ke meyar par bhi pora utrongi. Bharat Takhtani se shadi ke bad meri tarjeehat change ho chuki hain. Ab mein “ Dhoom ” tarz ke kirdar nahi karongi. Ba izzat tareeqe se jo acha kirdar milega, us par kaam zaroor karongi. Business man se shadi ke baad Esha Deol ne apne funny career ke hawale se bataya, ke unho ne plan tarteeb de diya hai. Home production ki 2 films mein kaam kar rahi hoon aur aisa he kirdar ki jahan se bhi offer hui, use nibhane ke liye dair nahi karongi. Magar jo kirdar meri family ke liye munasib nahi honge, unhe kisi sorat nahi karongi.

Esha koi bhi kirdar qabil-e-qabool nahi hoga jo meri family ke liye na pasandeeda qarar paega. Esha ne bataya ke unho ne TV production ka bhi kaam shuru kar diya hai aur yeh silsila jari rahega. Meri classical dance ke hawale se bhi barhi masrofiyaat hain. Tahum un projects ke bad Pipe Line mein koi film nahi hai. Unho ne kaha meri film “ Koi mere Dil se Poche ” ke abhi tak charhce hain. Unho ne kaha ke 12 saal tak film industry mein bohat masroof zindagi guzari hai. Is hawale se kuch kamiyabiyan hain aur main un kamiyabiyon par bohat khush hoon.

Esha Deol ne mazeed kaha ke zindagi mein har kisi ko nasheb-o-faraz ka samna karna parhta hai aur yeh talkh haqeeqat hai ke barhe barhe fankaron ko bhi bure dinon se pala zaroor parha hai. Career mein up and down chalti rehti hain. Koi bhi fankar in ke bina ache aur bure kaam ki tafreeq bhi nahi kar sakta. Halaat he har fankar ko nae rastey dikhate hain aur aage nikalne ki tadap bhi peyda karte hain. Unho ne kaha bollywood ke stars Hema Malini aur Dharmendra ki beti hone ki wajah se mujh par ziyada zimedari ho gai thi. Kyun ke jab main ne career shuru kiya, to is background ke hawale se mujh se ziyada tawaqquaat wabasta kar li thin. Waldain ki bhi yehi khuwahish thi. Jis par mere pas ziyada mehnat karne ke ilawa koi dosra option nahi tha. Jab main ne pehli film ki to mera maqabil mere waldain ki 100 filmon se kiya jane laga. Is hawale se mujh par bila wasta aik dabao raha. Tahum is ke bawajood mere liye yeh bohat aezaaz aur fakhar ki baat hai ke main aese gharane mein peyda hui.

Mera talluq “ Theth Punjabi ” family se hai. Ghar ke sare kaam karna janti hoon. Esha ne aik sawal ke jawab mein kaha ke shadi ke bad meri zimedariyon mein izafa hua hai. Un zimedariyon ko pori tarha nibha rahi hoon. Hamare darmiyan mukammal hum aahangi hai aur aik dosre ko samajhte hain. Unho ne kaha ke shadi ke bad kisi actress ka bold scene filmane ka tajurbah mere liye abhi tak naya ho ga. Tahum main is hawale se Madhuri Dixit aur Kajol ki zaroor hausla afzai karongi, jinho ne isi muaashrey mein rehte hue shadi ke bad bhi kaam kiya. Un ke hausle qabil-e-tareef hain. Unho ne kaha ke wo South Indian tarz ki he shadi pasand karti thin, jis mein beti ko baap ki godh mein bithane ki rasam hoti hai. Main to bachpan se yehi chahti hoon aur mujhe baap ki qurbat aur shafqat naseeb rahi. Unho ne kaha ke mustaqbil mein bhi showbiz ki sargarmiyan jari rakhongi.


 

 

More Links

Veena Malik

Priyanka Chopra

Karishma Kapoor

Malaika Arora

Reema Khan

Abida Parveen

Shahrukh VS Ajay

Ajay Devgan

Vidya Balan

Amitab Bachchan

 

Copy Right 2012-2013 www.Meriduniya11.com