Header
Home>  

 

 

 

 

Harrison Ford

Harrison Ford was born on 13th July 1942 in Chicago,Illinois, United States. He is 71 years old. Harrison Ford in an American actor and producer. His Father Christopher Ford was also a former actor and after that he worked as an advertiser and his Mother Dorothy was a famous radio Actress. Harrison Ford’s Grandfather John Fitzgerald Ford and Grandmother Florence Veronica Niehaus were Irish and German descent. His Maternal Grandparents Harry Nidelman and Anna Lifschutz were Jewish. When asked from Harrison that which religion you are raised, so Ford said that “ Democratric ”. Harrison participated in the Boy Scouts of America and won the second highest rank. He worked at Napowan Adventure Base scout camp as a counselor of the Reptile study merit badge.

In 1960, Harrison Ford graduated from Maine East High School. He selected as a first student voice caster on a new radio station in his school. Harrison Ford started his career from the film “A Time for Killing” in 1967. He also worked in the TV series of Universal Studios, such as Love, Gun Smoke, Inside, The Virginian, The FBI, American Style and Kung Fu. Harrison nominated for the Academy Award, BAFTA and Golden Globe Award of best actor from the film “Wants”. In 2000, he won the AFI life achievement award. In 2003, he received the award of Hollywood walk of Fame. Harrison Ford won the First Ever Hero Award for the role of Indiana Johns and Han Solo in 2007. In this page, you can see the information about the very talented and famous actor of Hollywood, Harrison Ford.

Hollywood Actor Harrison Ford

Hollywood film industry mien aik se barh kar aik filmy hero hain, jo awaam ke dilon par raaj karte hain, magar aise bohat kam hainn jinhe log un ke asal naam se kam aur role se ziyada pehchante hain. Harrison Ford ka shumar bhi aise he Hollywood filmy heroes mien hota hai. Jinho ne job hi role adaa kiya wo awaaz ke dil o dimagh mien bas gaya. Khas taur par star war series mien Indiana ka role, Blood runner mien Rick Decord ka record ka role aur Wants mien John Bik ka role adaa karte hue inho ne in mien haqiqat ka rang bhar diya. Khas taur par Indiana Johns mien in ki Cleverness, Tezi, phurti, Zahanat aur dushmano ke chungal se bach nikalne ki salahiyat film beeno mien bohat maqbool hui aur boat se ladke junior Indiana Johns ki copy karte bhi dikhai diye.

Harrison Ford 13 July 1942 ko American estate Illinois ke shehar Chicago mien peyda hue. In ki Mother Dorothy, apne zamane ki famous radio actress thin. In ke walid bhi jawani mien actor rahe, bad mien advertising ke profession se wabasta ho gaey. Goya acting Harrison Ford ko virasat mien mili. Harrison ke Grandfather aur Grandmother Irish Catholic aur German nasaad the, jab ke Nana aur Nani Yahoodi the. Jab Harrison Ford se pocha jata ke in ki tarbiyat kis mazhab ke tehat hui to wo muskura kar kehte “ Democratic ”. aik Tv interview mien jab in se pocha gaya ke bataur artist aur bataur insaan inho ne khud ko hamesha Irish mehsoos kiya, jab ke bataur actor inho ne khud ko hamesha Yahoodi mehsoos kiya. Larhakpan mien Harrison Ford ne boy scouts of America mien hissa liya aur is tanzeem ke dosre barhe auhdey life scouts tak pohanche. Isi tarah inho ne Napowan Adventure Base scout camp mien Reptile study merit badge mien bataur counselor kaam kiya.

1960 mien Harrison Ford ne Maine East High School se graduation kia, inhe school mien qaiym hone wale new radio station ka sab se pehla student voice caster chuna gaya. Senior class mien inhe sports caster ke taur par bhi kaam karne ka mauqa mila. College ke zamane mien Harrison students ki aik tanzeem Sigma Nu ke member bhi bane. Inhe apne shyness ka shuru he se ehsaas tha, is liye inho ne is par qaboo pane ke liye drama classes mien bhi hissa liya.

Taleem se farigh hone ke bad Harrison ki tawajja ab apne career ki taraf thi. Inho ne 1964 mien Los Angeles, California ke aik radio station mien voice overs ki mulazmat ke liye koshish ki, magar inhe mustarid kar diya gaya. Inho ne dil bardashta hone ke bajae halaat ka muqabla karne ki thani aur wahin thehar gaey, ta ke mutabadil mulazmat talaash ki ja sake. Bil aakhir Columbia pictures ne new talent programs ke tehat inhe 150 dollars per week ke contract par chote chote kirdar adaa karne ki nokri mil gai. In roles mien in ki aehmiyat mehaz khamosh actor ki thi. Chand second ke yeh roles goo aeham to na the, magar is se Harrison ko acting seekhne mien bohat madad mili aur jaise taise jaib ke akhrajaat bhi pore hone lage. Isi dauran inho ne aik picture film mien bell boy ka role ada kiya, jis mien inho ne kuch saman kisi ghar mien pohnchana hota hai. Producer ka kehna tha ke is chote se role ko Harrison ne aise nibhaya jaise wo koi film star ho. Yun 3 saal tak bataur khamosh actor ke kaam karne ke bad 1967 mien inhe aik film A Time For Killing mien kaam karne ka mauqa mila, jis mien credit list mien in ka naam Harrison J. Ford shamil kiya gaya. J naam mien shamil karne ki yeh wajah batai gai ke Harrison se qabal bhi isi naam ke aik famous actor ho guzre the, is liye naam mien J ka izafa kiya gaya tha, ta ke naam se in ka mughalta na ho, magar bad mien J khatam kar diya gaya. Maze ki baat yeh hai ke Harrison ko kafi arset bad tak ilm nahi tha ke in se qabal bhi is naam ka koi actor hua hai.

Is ke bad inho ne universal studios ki banai hui Tv series mien kaam karna shuru kar diya. 1960 ki dehai ka aakhri aur 1970 ki dehai ka ibtedai dour tha. Is dauran Harrison Ford ne Gun Smoke, Inside, The Virginia, The FBI, Love, American Style, aur Kung Fu mien chote mote roles adaa kiye. Harrison acting ke is kathin daur mien thore dilbardashta bhi hue, kyun ke inhe abhi tak koi barha role adaa karne ka mauqa nahi mila tha. Tab inho ne gharelo akhrajaat pore karne ke liye ke liye films ke set lagane walon ke sath kaam shuru kiya aur slow slow is mien itni maharat peyda kar li ke wo mukammal barhai ka kaam karne lage. Is kaam ne in ki zindagi mien barha aeham role adaa kiya.

Harrison Ford ke career ko urooj us waqt mila, jab George Locus ne inhe apni film Star war mien Han Solo ka role karne ke liye muntakhib kiya. Yeh film series duniya bhar mien hamesha se pasandeeda rahi hain. Han Solo ke role ne Harrison Ford ko super star bana diya. Is ke bad 1981 mien Harrison ko Indiana Johns ke role ke liye muntakhib kiya gaya.

Harrison Ford ki aik khobi yeh bhi hai ke wo airplane aur helicopter bhi urhana jante hain aur inho ne American estate Wyoming mien apne 800 acre ke farm mien bataur khas runway banaya hai. Jahaz urhane ki tarbiyat inho ne 1990 mien us waqt hasil ki, jab inho ne Gulf Stream 2 kharida. In ke jahaz urhane ki yeh salahiyat kae martaba rescue operation karne walon ke kaam aai.

Harrison Ford ne 3 shadiyan ki. Pehli biwi se 2 bete hain. Dosri biwi se bhi 2 bache hain. Inho ne teesri shadi 2010 mien actress Celesta Flock se ki.

Learn More www.Wikipedia.org

More Links

 

 

 

 

Copy Right 2012-2014 www.Meriduniya11.com Contact Us