Header
Home>Entertainment

 

 

 

 

Meera Film

Meera is working in Pashto film and she said that it is a very nice experience to participate in Pashto movie. In Pakistan, everyone says that comedy is not acting, but Meera said comedy is a very difficult role. She started also her own project, which script almost complete and very soon it will be show on the screens. In this page, you can see the information about Meera Pashto film Orbal and Meera Ki Shadi in Urdu and Roman Hindi.

Lollywood Actress Meera Ki Pashto Film "Orbal" Mein

Kaam Karne Ka Experience

Meera Film Orbal

Pashto film mein kaam karna aik khushgawar tajurba (experience) hai, fankar ki koi zuban aur koi sarhad nahi hoti. Lollywood jald he apne paao par khari ho jaegi. In khayalat ka izhaar lollywood actress Meera ne kiya. Meera ne kaha ke tanqeed karna barha aasaan aur amli taur par kaam karna mmushkil hai. Wo siyasat ho ya sports, showbiz samet zindagi ke har shobey mein tanqeed barae tanqeed hamare ham fashion ban chukka hai. Tanqeed karne walon se pocha jaey. To in ke paas koi jawab nahi ho ga. Meera ne kaha ke taqriban pori duniya ghoom chuki hon. Magar wahan tanqeed ke bajae is ke hal par zor diya jata hai. Is liye aaj Bangladesh jaisa mulk bhi maeishat samet har shobey mein aage nikal chuka hai aur hum aaj bhi wahin par khare hain, jahan se safar ka aaghaz kiya tha. Meera ne kaha ke Pakistan film industry ke bohran ki wajohaat sab he jante hain, magar is ke hal ke liye haqiqi maeyno mein koshishen he nahi ki gai. Yeh bohran koi aur nahi hum he laey hain. Koi aik film hit hui to isi tarha he ki films banne lagi.

Film making mein aane wali tabdiliyon ka idraak nahi kiya gaya. Electronic media ki taraqqi ne awaam par tafreeh ke new darwaze khol diye, jis par hamen chahiye tha ke hum jaded film making aur achote maozoaat par ben ul aqwami meyar ki films banate, lekin noshta dewaar parhne ke bawajood hum apni dagar se nahi hate. Khushi ki baat to yeh hai ke nae log industry ki bahali ke liye meydan mei aa chuke hain. Jinho ne apni khudadad salahiyaton se aakhri sansen leti film industry mein aik nae rooh phonk di hai. Pakistani film ka Oscar awards mein namzadgi barha karnama hai, jis se yeh baat sabit hoti hai. Ke film dekhne wale achi aur meyari film dekhna chahte hain.

Film trade mein basalahiyat log maujood hain, jinhe wasaiyl aur jaded technology se aarasta karne ki zarorat hai, jis par tawajja nahi di ja sakti. Hukomati satah par abhi tak sirf zabani jama kharch he ho raha hai aur future mein bhi humen is se koi ziyada umeeden wabasta nahi karni chahiye. Pashto film Orbal aik achi film hai, is waqt Pashto films he hain jo bollywood films ke muqabley mein acha business kar rahi hain. Yeh film Eid ul Azha par meri taraf se film viewers ke liye khubsorat tohfa hai. Meera ne kaha ke sasti shohrat ka koi shauq nahi hai. Mujhe is ki koi parwah nahi hai ke mere hawale se kaun kya keh raha hai. Kyun ke agar aap kamm kar rahe hote hain, to is tarha ki baton ke liye tayyar rehne chahiye. Meera Ki Shadi ke sawal par Meera ne kaha ke Shadi ke barey mein filhal koyi aisa iradah nahi hai. Kyun ke Shadi ke jorhey to aasmano par bante hain. Is liye jab meri Shadi ki bari aa jaegi to Shadi kar longi.

Bollywood ke hawale se Meera ne kaha hai ke, mere dekha dekhi ab to har actress ne wahan derey daal liye hain aur kaam hasil karne ke liye wo jo kuch kar rahi hain Dhaka chupa nahi kisi se. Main ne wahan jitna bhi kaam kiya us ke liye kisi ki sifarish nahi thi bal ke mujhe kaam merit par mila tha. Abhi bhi 2 se 3 projects mere paas hai, jin ke liye jald he Mumbai jaongi. In dino to Pashto film ki aksbandi mein busy hon. Zaati film banana ke hawale se Meera ne bataya ke unho ne aik project start kiya hua hai. Jis ka script bhi taqreeban complete ho chuka hai. Meera ne kaha ke jald he ise manzar e aam par laya jaega.

http://ivod.co/video/7310/leaked-video-pakistani-actress-meera-nude-mms-scandal-leaked-full-leaked-video/

Meera ne kaha ke comedy role karna easy kaam nahi. Is mein aap ko timing ka bohat khayal rakhna parhta hai aur fitri andaaz apnana hota hai. Zara si over acting comedy ko tabah kar deti hai. Lekin hamare han comedy ko acting tasleem nahi kiya jata aur sanjeeda acting ko he barha mana jata hai. Main ne bahesiyat actress abhi tak jitna kaam bhi kiya, is mein meri performance ko saraha gaya. Abhi tak mujhe comedy role karne ka mauqa nahi mila aur agar kabhi aesi offer hui to mayoos nahi karongi. Hamare han bad qismati yeh hai ke yahan par jo artists jis role mein hit ho gaya to us ke liye bas usi ko makhsoos kar diya jata hai. Mai is chaal ka hissa banne ke bajae mufarid role ka he intekhab karti hon. Fashion industry Pakistan mein tezi se taraqqi kar rahi hai aur is mein kafi talent samne aa raha hai. Pak Bharat talluqat mein behtari pore khittey ki khush hali aur taraqqi ke liye bohat zarori hai. Is liye dono mumalik ke siyasatdano aur hukmarano ko chahiye ke wo masaiyl ko mazakrat ki meyz par beth kar hal Karen. Pakistani actress hone par be had fakhar hai, kyun ke aaj pori duniya mein meri shanakht apne mulk ki wajah se hai aur is ki salmiyat aur taraqqi ke liye hamesha dua go hon.


 

Juhi Chawla

Parineenit Chopra

Karishma Kapoor

Malaika Arora

Reema Khan

Abida Parveen

Shahrukh VS Ajay

Ajay Devgan

Vidya Balan

Amitab Bachchan

 

Copy Right 2012-2014 www.Meriduniya11.com