Header
Home>Entertainment  

 

 

 

 

Most Expensive Wedding of the World

Wedding is a most important day for those people who are getting the marriage. Many people’s think that our wedding ceremony should be a memorable day. They celebrates their weddings with full of celebrations and very expensive. Here we are talking about the very expensive wedding of the World. Prince Charles and Lady Diana was a first wedding, which were very famous and expensive in the Whole World in 1981. The full expense of this wedding is 48 million dollars. Prince William the Son of Prince Charles and Kate Middle was a third wedding, which cost is 34 million dollars in 2011. Vanisha Mittal and Amit Bhatia was second wedding, which cost is 66 million dollars in 2005 in Paris. Semanto rai and Chandni Toro + Shashantu Rai and Richa Rai wedding expenses was 123 million dollars in 2004 in Lukhnow. Sheikh Mohammed Bin Rashid ul Makhtom and Sheikha Hind Bint e Makhtom wedding cost was 137 million dollars in 1979. Chalsi Clinton the daughter of Bill Clinton and Hilary Clinton and Mark Miszonski wedding cost was 5 million dollars. Elizabeth Taylor and Larry Fortenski wedding cost was 3.8 million dollars in 1991 in California. This wedding was arranged in the farm house of Michael Jackson. Venn Ronny and Collin wedding cost was 15 million dollars in 2008 in Italy. Liza Manali and David Gest wedding cost was 4.3 million dollars in March 2002. Vikram Chatwal and Priya Sachdev wedding expenses was 20 million dollars in 2006. In this page, you can see the information about the most expensive weddings of the World. Wedding in Urdu and Roman Hindi.

Duniya Ki Sabse Mehangi Shadiyan

Shadi kisi bhi fard ki zindagi ka sab se khas din tasawwur kiya jata hai. Is aik din ko yadgaar banane ke liye aam se aam insaan bhi kuch na kcuh khas zaroor karta hai. Kyun ke yeh din us ki zindagi mein tabdeeli ka baiys banta hai. Yeh to rahi aam insaan ki baat, lekin agar baat kisi namwar shakhsiyat ya phir showbiz he ki kisi celebrity ki shaid ho to wo use har mumkin tareeqe se bohat se bhi ziyada khas banane ki koshish karti hai. Is zaman mein shadi par kiye jane wale beshumar akhrajaat ki bhi parwah nahi ki jati. In ki yeh koshish hoti hai ke in ki shadi har lihaz se na sirf yadgaar ho, bal ke mehangi tareen bhi ho ta ke log us shadi ko is ki infaradiyat ki bina par hamesha yaad rakhen.

Duniya ki mashoor aur mehangi tareen shadiyon ka zikar ho to zehan mein sab se pehle Prince Charles aur lady Diana ki shadi ka tasawwur aata hai. 30 baras qabal hone wali is shadi ke akhrajaat 110 million dollar se bhi ziyada rahe the aur isi liye yeh aaj bhi duniya ki mehangi tareen shadi hone ka aezaaz rakhti hai. Is khandan mein mehangi shadiyon ki dastaan shayad kabhi khatam na ho. Kyun ke is jorhe ke bete Prince William bhi apne baap aur maa ki dagar par chalne ka iradah rakhte hain aur Kate se in ki shadi ka mumkina takhmeena 34 million dollar lagaya gaya hai. Yeh duniya ki teesri mehangi tareen shadi ho gi.

Lady Diana and Prince Charles : 1981 mein hone wali is shadi ko har lihaz se yadgaar qarar diya ja sakta hai. Duniya bhar ke TV channels ne is marriage ko live coverage di thi. Us waqt ke mutabiq shadi ke akhrajaat 48 million dollars jab ke aaj ke hisab se is ka takhmeena 110 million dollars banta hai. Diana Golden balon wali aik mutawassit tabqey ki school teacher thin. Jinho ne shayad kabhi khuwab mein bhi na dekha tha ke wo aik din England ki Princess banegi. Dulha British ki Elizabeth 2nd ka beta Prince Charles ne inhe yani Diana ko in ke khuwabon ki tabeer bakhshi. Charles se shadi ke bad Diana bohat jald Global icon ban kar ubhri. Saint Hall Cathedral mein hone wali is shadi mein kae darjan royals families ne shirkat kit hi. 2 million tamashbeen ne is shadi ko live dekha tha. Jab ke 750 million Tv audience ne ise live Tv par dekha tha. Apni shadi par Diana ne Victorian andaaz ka bohat taweel Gown pehna tha. Jis ki lagat ka takhmeena 115000 million dollars se 150,000 million dollars tak lagaya tha. Mukammal taur par khalis silk se tayyar kiye gaey is gown par 250 gaz ki lace lagai gai thi. Is ke ilawa 10,000 se bhi ziyada moti aur diamonds tanke gaey the. Is gown ke pichle hisse, jise train kaha jata hai, us ki lambai 25 ft thi. Diana ka head cover bhi 12 million dollar ka tha aur us par bhi diamonds tanke gaey the. Us waqt us ki qeemat 9000 million dollars thi. Sarkari taur par takhmeena manzar e aam par laaya gaya, wo 115,000 se 150,000 dollar tak tha. Is shadi ke khas baat yeh bhi thi. 27 wedding cake ke ilawa aik barha aur main cake ki tayyari 14 weeks mein mukammal ki gai thi.

Kate Middleton and Prince William : Kate Middleton and Prince William ki shadi 2011 mein hui thi aur is shadi ke akhrajaat ka takhmeena 78 million dollars lagaya gaya tha. Jis mein sirf security par 11 se 25 million dollars kharch kiye gaey. Dulhan Kate ke uroosi gown ki qeemat 47,000 million dollars thi. Shadi se aik roze qabal West Minster Shear ki safai par 63,000 million dollars kharch kiye gaey the. Is se qabal Diana ki tadfeen ke liye is street ki safai suthrai ka kaam kiya gaya tha aur us waqt ke hisab se is par sab se ziyada akhrajaat yani 469,000 million dollars kharch hue the.

Vanisha Mittal and Amit Bhatia : Duniya ki mehangi tareen shadi ka hone ka dosra aezaaz in dono ke pas hai. Is shadi ka takhmeena 60 million dollars se 66 million dollars tak lagaya gaya tha. Yeh shadi 2005 mein hui thi. Bharat ke Lakshmi Mittal jo kharbon jaidaad ke malik hain. Vanisha in ki barhi beti hain. Jab ke dulha Amit Bhatia British citizen aur sword fish investment ke malik hain. 5 din tak jari rehne wali is shadi ke leiye 20 safhaat par mushtamil dawat namey chandi ke pages par tayyar kiye gaey the. Paris ke top class chefs ne 5 dino tak 100 iqsaam ke mukhtalif khane tayyar kiye the. Is shadi ke liye mehmano ko lane aur le jane ke liye 12 chartered Bowing Jet book karae gaey the. In dono ki shadi Paris ke aik five star hotel mein hui. Shadi ke dawat namey chandi ke dabbon mein pack kiye gaey the. In boxes emin shadi cards ke ilawa hotel ke rooms ke cards aur flights tickets bhi the. Mehmano ko shadi ki taqreeb khatam hone ke bad jewelry gift ki gait hi. Is shadi ki sab se aeham baat Paris mein Eiffel Tower ke pas hone wala nihayat khobsurat fire work tha. Jis ne Vanisha aur Amit ki shadi ko mazeed yadgaar bana diya.

Semanto Rai and Chandni Toro + Shashantu Rai and Richa Rai : 2004 mein Lukhnow mein hone wali is double shadi ke akhrajaat 123 million dollars the. Shadi mein 11,000 mehmano ne shirkat kit hi. Jab ke 110 iqsam ki dishes is shadi ke liye khusosi taur par tayyar ki gait hi.

Sheikh Mohammed Bin Rashid ul Makhtom and Sheikha Hind Bint e Makhtom : Muttehda Arab Emirates ke vice president aur prime minister Sheikh Mohammed ki shadi ka shumar bhi mehandgi tareen shadiyon mein hota hai. Yeh shadi 1979 mein hui thi. Is shadi par 137 million dollars kharch kiye the. 20,000 mehmano ke liye khusosi taur par Air conditions hall tayyar kiya gaya tha.

Chalsi Clinton and Mark Miszonski : Sabiq American sadder Bill Clinton aur Hilary Clinton ki beti Chalsi Clinton ki shadi is ke bachpan ke dost Mark ke sath hui. Shadi ke akhrajaat ka takhmeena 5 million dollars lagaya gaya tha. Sirf shadi ke air conditioners tent aur is mein ki jane wali sajawat par 600,000 dollar kharch kiye gaey the. Jab ke security ke liye 200,000 dollar kharch hue the aur shadi ke dawat namey par bhi be inteha paisa lagaya gaya tha.

Elizabeth Taylor And Larry Fortenski : Hollywood ki maqbool actress Elizabeth Taylor jo apni kae shadiyon ke hawale se bhi jani jati hain. In ki shadi 1991 ko Larry ke sath hui. Us waqt Elizabeth ki umer 59 saal aur Larry ki 29 saal thi. Yeh shadi California mein waqey Michael Jackson ke farm house mein hui thi. Shadi par Elizabeth ne Valentino gown pehna tha. Yeh Elizabeth ki 8th shadi thi aur is mein Michael Jackson samet kar naamwar shakhsiyat ne shirkat ki thi. Is shadi par 3.8 million dollars kharch hue the. 5 saal sath rehne ke bad 1996 mein in dono mein divorce ho gai thi.

Venn Ronny and Collin : Football ke naamwar player Venn Ronny aur Tv host Collin ki shadi ka shumar bhi mehangi tareen shadiyon mein kiya jata hai. Yeh shaid 2008 mein Italy mein hui thi aur is shadi ke liye aik launch hire ki gait hi. Jis mein 64 mehmano ke sath 4 din tak qiyam kiya gaya tha. Sirf is par he betahasha akhrajaat kiye gaey the. Jab ke pori shadi par taqriban 15 million dollars yani 92 crore kharch kiye gaey the.

Liza Manali and David Gest : American singer aur actress Liza ki shadi American concert promoter David ke sath March 2002 mein hui. Is shadi par 4.3 million dollar kharch hue the. Jis mein 700,000 dollar sirf flowers ki sajawat aur 40,000 dollar special cake par kharch kiye gaey the. Dulhan ka wedding gown 90,000 dollar ka tha. Badqismati se yeh shadi bhi ziyada arsey tak qaiym na reh saki aur 2003 mein Liza aur David ke darmiyan Divorce ho gai.

Vikram Chatwal and Priya Sachdev : Bharat se talluq rakhne wale Vikran Chatwal jo ke American Citizen rakhte hain aur New York mein in ke kae shandar hotels hain. In ki shaid Priya Sachdev se hui jo ke Indian Model reh chuki hain. Yeh shadi 2006 mein hui aur is shadi mein Shahrukh Khan aur Model Nomi Cambial samet America aur India ke kae naamwar shakhsiyat ne shirkat kit hi. Vikram aur Priya ki shadi ke akhrajaat ka takhmeena 20 million dollars yani 92 crore lagaya gaya tha.

 

 

 

 

Copy Right 2012-2015 www.Meriduniya11.com