Meriduniya 11 Header
Home>

 

 

 

 

Oprah Winfrey

Oprah Winfrey was born on 29 January 1954 in Mississippi, America. She is known as the queen of media. She is a media proprietor, talk show host, an actress, a producer and a social worker. Her show “The Oprah Winfrey Show” run from 1986 to 2011, it was the longest running and watched show in the World. Show won many awards. She got President Award of independence from Barak Obama. Howard University has awarded her the degree of Doctorate.

Oprah Winfrey Biography In Hindi , Urdu

She born in a very poor family, but she struggled a lot to get the place where she is now. Oprah Winfrey has started a channel Oxygen only for women. She has a production company named Harpo productions. Oprah Winfrey is co writer of five books. Oprah Winfrey is the owner of a magazine “O-The Oprah Magazine.” She is running her website and a radio channel. If you want to know whole history of Oprah Winfrey, then you should read this.

29 January 1954 ko America ki riyasat Mississippi ke muzafati aur dehi elaqe Kosciusko mein paida hone wale Africi nasrad Americi khatoon Oprah Winfrey ki shanakht key un to kai hawale hain lekin majmoi tor par unhein media ke medan ki nihayat numayan aur baasar shakhsiyat qarar deya ja sakta hai. Wo media proprietor, talk show ki mezban, adakara, producer aur falahkar hain. Un ki sab se bari wajah e shurat un ka talk show “The Oprah Winfrey show” hai, jo 1986 se 2011 tak jari rehne wala aur duniya bhar mein sab se ziyadah dekha jane wala show tha. Is show ne mutadid awards bhi hasil kiye. Oprah Winfrey ko besswen sadi (20th century) ki ameer tareen “Africi Americi” khatoon bhi qarar diya ja chukka hai jab ke mashhor magazine “Forbes” ki darja bandi ke mutabiq duniya bhar mein dolatmandi aur asar o rashukh ke etebar se banne wali fehrist mein kai saal tak unhein mukhtalif darjat par jagah milti rahi. Is waqat wo shulami America ki wahid siyah farm arab pati khatoon hain. 2013 mein unhein Americi Saddar Barak Obama ne Saddarti tamgha e azadi ata kiya aur Howard University ki janib se bhi Doctorate ki ezazi degree se nawaza gaya.

Oprah Winfrey ne nihayat gurbat mein aankh kholi aur namasaid halat mein parwarish pai. Bachpan mein apni nani ke han kuch arsa guzarne ke doran un ki gurbat ka ye alam tha ke wo aaluon ki bori se bana howa libas bhi pehanten, jis par bache un ka khob mazak urate. Un ke apne eteraf ke mutabiq, 9 saal ki umar mein un ke sath pheli bar ziyadati ki gai. Us ke bad unhein mazid nawara halat ka samna raha. Un ki waldah Vinitali ne unhein noumari mein, shadi ke bagher janam diya tha aur Oprah khud bhi 14 saal ki umar mein shadi ke bagher aik bache ki maa ban gaein. Lekin wo bacha sherkhuwari ki umar mein hi inteqal kar gaya. Is ke bad un ki walda ne unhein apne se dor Warnin Winfrey naami aik shakhs ke pas rehne ke leye bhej diya, jo un dinon peshe ke etebar se hajam tha. Us ne zindagi mein kai peshe ikhtiyar kiye aur moqami municipal council ka member bhi banna. Oprah Winfrey usse hi apna walid qarar deti hain. Wo high school mein hi thein ke unhein radio par mulazimat mil gai. Isi mulazimat ke doran wo 19 saal ki umar mein aik shakhs ke sath mil kar khabron ke aik program ki mezbani karne lagen. Un ke khabaren sunane ke andaz ne us program mein jan dal di aur wo us se behtar aik talk show ka hissa ban gaein. Isi tarah tezi se aage barhte howae unhon ne apni aik production company qaim kar li.

Oprah Winfrey ke program bayak waqat duniya ke kai radio aur TV channels se nashar hone lage. Unhon ne baat cheet aur interview ke ese programs ko aik nai jehat di, jin mein log apne dil ki gehraiyon mein chupe raz, nihayat safaq haqaiq aur apni zindagi ki intehai niji baatein zaban par le aate the. Ese baz programon ke doran nazireen aur shurka be ikhtiyar rone lagte the. Yun unhein is tarah ke shows mein bhi aik inqelab ka bani qarar diya jata hai. 1990 ki dehai ke wast mein unhon ne apne show ke mozoaat ka rukh adab, zati shakhsiyat ki tamir aur rohaniyat ki taraf mor diya. Oprah Winfrey ke shows par tanqed bhi bohat hoi lekin ziyadah tar is ke islahi aur tamiri phelo ka eteraf kiya gaya. 2006 se 2008 ke doran unhon ne jis tarah Saddarti election ke silsile mein Barak Obama ki himayat ki, us ki wajah se aik andaze ke mutabiq ibtedai marhale mein Obama ko 10 lakh izafi vote mile jo shayad Oprah ki himayat ke baghir unhein na milte.

Oprah ka naam dar haqiqat un ke birth certificate ke mutabiq aik kitabi kirdar ke naam par “Orpa” rakha gaya tha lekin aksar log ghalat talafuz ke sath unhein Oprah keh kar pukarte the, yun un ka yehi naam ho gaya. Jab un ki shurat ka aghaz howa to aik aur shakhs un ka bap hone ka dawedar ho gaya tha, tahum kai tarah ke test hone ke bad Winfrey hi un ke walid qarar pai. Oprah Winfrey ki nani ne un ki kamsini mein hi peshgoi kit hi ke ye larki radio, TV ya stage par kaam kare gi kyun ke wo 4, 5 saal ki umar mein apni gurya ka interview karti thi. Radio TV par maqbol hone, mutadid shows mein hissa lene aur kai shows khud pesh karne ke bad 8 September 1986 se unhon ne “Oprah Winfrey Show” pesh karna shuru kiya, jis ne unhein shohrat ki bulandiyon par pohancha diya. Is show ke elawa unhonne kai TV shows aur filmon mein bator adakara bhi kaam kiya. Un hone shirakat dari mein bator e khas khawateen ke leye aik TV channel “Oxygen” bhi shuru kiya. Un ki apni production company “Harpo productions” ke naam se hai. is mein lafz harpo darhaqiqat Oprah ki spelling ko ulta kar ke banaya gaya hai. May 2011 mein unhon ne “discovery channel” ki shirakat mein “Own” ke naam se TV channel shuru kiya. Ye Oprah Winfrey network ka mukhafaf hai. 25 May 2011 ko unhon ne Oprah Winfrey show ka akhiri program pesh kiya aur phir pori yaksoi se apni zati mansobon ki taraf mutawajah ho gaein. Un ke show mein duniya ki beshtar qabil e zikar shakhsiyat ke interviews ghir rasmi andaz mein pesh kiye gaye. Oprah ne Steven Spell Burge ki film “The Color Purple” mein bhi kaam kiya, jis par wo behtareen mawin adakara ke academy award ke leye naamzad hoein. Unhon ne chan filmen produce bhi kien aur un mein se baz mein kaam bhi iya. Wo HBO channel ke leye dastawezi filmen bhi banati hain.

Oprah Winfrey Showbiz ke elawa likhne likhane aur publishing ke medan mein bhi qadam rakh chuki hain. Wo 5 kitabon ki “sharik musanifa” hain, jin mein se aik ka muawaza wasol karne ke mamle mein unhon ne sabiq American Saddar Bill Clinton ka record tor diya. Clinton ko apni sawanh hayat ka jo mawaza mila tha, Oprah ne us se bhi ziyadah liya. 2004 se 2008 wo “O at home” ke naam se magazine shaya karti rahein jab ke 2002 se wo “O – The Oprah Magazine” nikal rahi hain, jo ab tak kaamyabi se shaya ho raha hai, tahum us ki ashaat ab 27 lakh se ghat kar 24 lakh par aagai hai. Oprah Winfrey ki apni website aur radio channel bhi hai. wo in dinon California ke elaqe Montecito mein apni 24 akar ki jageer par rehti hain, jis ka naam unhon ne “The Promised Land” rakha hai. is ke elawa un ka New Jersey mein aik makan, Chicago mein aik apartment aur Florida mein aik aur jager ya farm house type ki jaidad bhi hai. Colorado, Hawaii aur Antigua mein bhi un ki jaidad hai. falahi kaamon ke leye wo caroron dollar ke atiyat de chuki hain.

School ke zamane mein Ote naami aik larke se Oprah ka masom sa romance raha. University ke zamane mein William Taylor naami aik nojawan se shaded ishq howa. Phir John Tesion naami shakhs se taluq raha. Aik sathi reporter Lied Cramer bhi un ka jazbati saharah raha. Aik aur shadi shuda shakhs se ishq ke bad usse pane mein nakami par Oprah ne khudkhushi ka iradah kar ke akhiri khat bhi likh diya tha, tahum wo khudkhushi se bal bal bach gaein. Un ke mazid do teen mukhtasir romance chale tahum is tamam arse mein wo kisi mard ke sath nahi rahein. Albata 1986 se wo Stedman Graham maani aik shakhs ke sath reh rahi hain. November 1992 mein donon ne shadi ka iradah bhi zahir kiya magar is par amal nahi kiya. 14 saal ki umar mein wo bin chahe maa banne ke bad aaindah unhon ne kabhi maa na banne ka iradah kar liya tha. Shayad is ki wajah wo talkh halat rahe hon jin se unhein bachpan aur larakpan mein wasta para tha.

More Links

 

 

 

 

Copy Right 2012-2014 www.Meriduniya11.com Contact Us