Header
Home>Entertainment  

 

 

 

 

Sanjeeda And Amir Wedding

Sanjeeda Sheikh was born on December 20, 1984 . She lives in India. She worked in Television industry in India. She is very talented actress. She is a very beautiful Woman. Aamir Ali was born on September 1, 1979 . He lives in India also and worked in Television industry. He is very smart and handsome personality. In past, They were friends, but they both were participated in Nach Bailey season 3, then both were fell in Love between the show. Now they have married on 2nd of March.In this Page you will read Sajeeda and Amir wedding ceremony in Urdu and Hindi.

Aamir Ali and Sanjeeda Sheikh Love Story

Aaghaz-e-Mohabbat

Sanjeeda and aamir wedding photo

Filmi sitaron ki dekha dekhi ab TV stars mein bhi aapas ki shadiyon (wedding) ka riwaj zoor pakarhta ja raha hai. haal he mein television industry mein aik shadi barhi dhoom dham se anjaam pai gai hai. ji haan, hamara ishara TV screen ki khobsurat adakara Sanjeeda Sheikh aur smart adakar Aamir Ali ki janib hai. jo 6 saal tak Love Story ke bad 2 March ko rishta-e-azdawaj mein munsalik ho gae. ye mukammal arrange marriage thi, jis mein fariqen ke waldain, rishtedaron aur qareebi doston ne shirkat ki. Is taqreeb ka mukammal aehwal bama tasaveer ap ki khidmat mein pesh kiya ja raha hai.

Sanjeeda aur Aamir ke darmiyan mohabbat ka aaghaz us waqt hua. jab in dono ne as a couple dance reality show Nach Baliye 3 mein hissa liya, go ke woh dono show shuru hone se pehle he apni dosti ka aaghaaz kar chuke the, lekin show ke dauran in dono ko aik dosre ko achi tarha se samajhne aur janne ka mauqa mila. iss show mein in dono ki performance top par he rahi aur iss jorhe ko show ka fateh qarar diya gaya. yehi se in dono ke darmiyan mohabbat parwaan charhi aur woh aik jaan do qalib ban gae. in ke bech ye relationship 6 saal tak he chalta raha jo ke aik record hai. Showbiz ki field mein amoman koi bhi relationship itne taweel arse tak qaiym nahi rehta aur chand maah bad he apne ikhtetam ko pohanch jata hai. Sanjeeda aur Aamir ko bhi iss taweel arsey ke dauran mukhtalif aazmaishon se guzarna parha. Kae bar in ka talluq khatam hone ki khabar phelaai gai aur baaz auqat yahan tak keh diya gaya ke Aamir ke ghar wale iss rishte par raazi nahi hai aur yehi wajah hai ke Aamir ki janib se shadi (wedding) 9 mein taal matol ho rahi hai. Aamir aur Sanjeeda dono ke liye he ye soorat-e-haal kafi takleef dey thi. Woh aik dosre se mukhlis the aur chahte the ke jald az jald aik ho jae. Warna log yun he baten banate rahenge.
Proposal.

Phir aik roz himmat kar ke Aamir ne Sanjeeda ko propose kar diya, woh iss achanak aqdaam ke liye zehni tor par tayyar na thi. Lehaza us ka heran hona fitri amal tha. Is bare mein Sanjeeda ka kehna hai, Main “Piya ka ghar piyara lage” ki shooting se bahir aai to Aamir ko apna munazir paya, ye koi nae baat nahi thi. Wo rozana he meri shooting khatam hone ke intezar mein bahar khara hota tha. Main jese he bahar aai woh achanak he mere samne aa gaya aur ghutno ke bal jhuk kar shadi ka proposal de diya. Ye meri zindagi ka sab se haran kun lamha tha aur mere pas apne jazbaat beyan karne ke liye alfaz nahi the. Mere liye iss se ziada khushi ki baat kya ho sakti thi ke hamara talluq shadi ke roop mein tabdeel ho raha tha. Aamir bhi iss mauqe par kam excited nahi tha, us ne proposal ke hawale se apne tasuraat beyan karte hue kaha. Main kae dinon se iss ke bare mein soch raha tha, humen dating karte hue 6 saal se aiada ka arsa ho chuka tha aur iss dauran hum aik dosre ko achi tarha samajh gae the, bazahir aesi koi rukawat nazar nahi aa rahi thi aur mujhe yaqeen tha. Ke Sanjeeda aur iss ke Ghar walon ko iss rishtey par koi aiteraz na hoga. Is ke bawajood na jane kyun aik dharka sa laga rehta tha. Phir main en himmat kar ke pehal karne ka faisla kar he liya aur Heerey ki angoothi le kar raaste mein khara ho gaya. Wo meri iss jasarat par heran to hui, lekin phir us ne muskurate hue angoothi qabool kar li. Is ke bad main use dinner ke liye le gaya. Us pore wqt woh khamosh rahi, shayad us waqt un lamhat se pori tarha enjoy karna chah rahi thi. Main samajhta hoon ke ye hamari zindagi ke yaadgar lamhat the, hamari zabanen khamosh thi aur aankhon mein khushi ke aansoo teyr rahe the.

Shadi ki Tayari

Aamir aur Sanjeeda ne tey kar liya tha ke woh iss Aamir aur Sanjeeda ne tey kar liya tha ke woh iss shadi (wedding) ko dhoom dham se celebrate karenge. Jaise he un ke ghar walon ko maloom hua ke dono shadi ke lie tayyar ho gae hai to dono gharon mein josh-o-kharosh urooj par pohanch gaya. aik tarf Aamir ki waldah apne bete ki shadi par dil khol ke armaan pore kar rahi thi to dosri janib Sanjeeda ke ghar walen bhi peche na the. Ye tey paa gaya tha ke Nikah ki taqreeb mein khas logon ko he madoou kiya jaega aur iss ke liye 250 mehmanon ki list tayyar ki gai thi.
Anokha aur Munfarid Shadi Card.

Wese to Shadi (wedding) ki ye taqreeb har lihaz se munfarid aur mukhtalif thi, lekin iss ki sab se khas baat jis ne mehmanon ko chaukney par majboor kar diya. Wo iss shadi ka card tha, jise Aamir aur Sanjeeda ne aam card se bilkul hat kar tayyar kiya. Ye aik frame ki shakal mein tha, jis mein kae tasveeren jurhi hui thi aur un mein Aamir aur Sanjeeda ko apne hath mein play card liye dikhaya gaya tha, jin mein shadi ki tareekh, waqt aur maqam darj tha. Is bare mein Aamir ka kehna hai ke hum iss card ko kuch khas aur munfarid banana chah rahe the. To iss ke liye aik photographer dost ki khidmaat hasil ki gai. Jis ne iss card ke liye hamari khusoosi tasaveer banai.

Mehndi ki Taqreeb

Nikah ke liye pehle 2 March ki tareekh muqarrar ki gai thi, lekin us se pehle Wednesday ke din mumbai ke lower pearl night spot mein mehndi ki rasam ada ki gai, jis mein 80 larkiyon ne hissa liya. Is taqreeb mein Bollywood aur Television industry ki naamwar shakhsiyat ne shirkat ki. Jin mein Ekta Kapoor, Amna Sharif, Jenifer Winget, Kiran Grover, Jai Soni, Kavita koshik, Rahul Mahajin, Bhagiya Shri, Manisha khutwani, Rohit Roy, Mansi Joshi Roy, Samya Tondon, Kritika Kamira, Madhosha, Rajan Shahi, Pooja Bedi, Ramesh Torani aur Ashish Chowdhry ne shirkat ki. Ye taqreeb raat gae jari rahi uar iss mein dono janib se gano aur raqs ka muqabla hua. 1 March ko Dulha dulhan ki janib se apne qareebi doston ke aezaaz mein aik istaqbaliya diya gaya. Jis main Mathan chakarborty, hussain Kawajir Wala, Arshad Warsi, Arjun Bajwa, Pooja Bedi, Shama Sikander, Amna Sharif, Moni Roy, Shilpa Siklani, Siyantani Ghosh, Ayaz Khan, Kehkashan patel, Lucky Morani aur Sohail Khan waghera ne shirkat ki.

Taqreeb-e-Nikah

Aamir Ali aur Sanjeeda Sheikh ki taqreeb-e-nikah Mumbai ke Kharjim Khana mein 7 baje sham adaa ki gae. Aamir ne iss mauqe par Siyah Sherwani pehan rakhi thi. Jab ke Sanjeeda ne Bottle Green colour ka pakeeza style suit zeb tan kar rakha tha, jis par chandi ke taron se karhai ki gai thi. Nikah ke jorhe aur jewellery ka intekhab Sanjeeda ki Waldah ne khud kiya tha. Nikah ke bad Aamir Ali ne apne tasuraat beyan karte hue kaha. Mere paas kehne ke liye kuch nahi hai, lagta hai ke lafz kam parh gae hai. Guzishta kae dino se loog hamari shadi ko le kar tarha tarha ki baten kar rahe the, baaz auqat to mujhe bhi khauf ane lagta tha ke Khuda jane ye shadi ho sakegi bhi ya nahi, lekin ab pata bhi nahi chala ke kab nikah ho gaya. Ye mere liye bohat khas lamha hai jise mein kabhi faramosh nahi kar sakonga. Khas tor par woh alfaz mere kanon mein gonjtey rahenge, jab main ne Sanjeeda ki zuban se qubool hai suna. Is se pehle main Sanjeeda ke sath khoob hansi mazaq kar raha tha, lekin jese he Qazi Sahab ne nikah parhana shuru kiya to mere hont khamosh ho gae.

Shadi ki iss taqreeb mein Bollywood aur TV industry ke naamwar shakhsiyat ne shirkat ki, jis mein Amna Sharif, Mohini Roy, Shabir Aahlowaliya, Kanchi Kaul, Sohail Khan, Rakhshanda Khan, Herman Bajwa, Shilpa Saklani, Ronit Roy, Rajan Shahi aur deegar naamwar fankar shamil the.
Rukhsati

Rukhsati

Rukhsati ke muaqe par barhe jazbati manazir dekhne ko aae. Sanjeeda Sheikh ko un ki Cousins aur Saheliyon ne gher rakha tha aur un ke liye apni aziz dost ko alwidah kehna mushkil ho raha tha. Is mauqe par Sanjeeda ne Aamir se aik ajeeb-o-ghareeb farmaish ki aur woh ye ke aamir haftey mein use kam az kam 3 din un ke waldain se milane le jaya karega. Filhal to Aamir ne sar-e-tasleem kham kar diya tha. Ab dekhna ye hai ke woh apne iss wadeh par kahan tak qaiym rehte hai.

Jab Aamir se pocha gaya ke Sanjeeda shadi ke bad bhi acting jaari rakhengi, to unho ne sar hilate hue jawb diya ke iss ka sahi jawab to Sanjeeda he behtar tor par de sakengi, albatta meri janib se koi pabandi nahi hai. Sanjeeda ki marzi ke woh acting jaari rakhe ya chor de. Jab yehi sawal Sanjeeda se pocha gaya to us ne kaha ke filhaal main iss bare mein kuch nahi keh sakti. Hum dono bahmi mashawraat se iss ka faisla karenge. Hum dono ke darmiyan bohat achi understanding hai, to hamare liye koi bhi aesa faisla karna mushkil nahi jo hamari zindagi se jurha ho. Aur hum apni zindagi ko dekhte hue har faisla karenge. Ta ke hum aik khushgawar zindagi guzaar saken. Aur jo log hamare relationship ko le kar tarha tarha ki afwahen phelate rehte the to yaqeenan ab un ko sukoon mil gaya ho ga.

Sanjeeda Sheikh aur Aamir Ali ki shadi (wedding) ke bad un afwahon ka khatma ho gaya hai, jo aaye din un ki relationship khatam hone ke hawale se phelaai jati thi. Dekha jae to iss mein qasoor Sanjeeda aur Aamir ka bhi tha, in dono ne gher zaroori tor par apne rishtey ka tawalat di aur darmiyan mein chand aese mawaqe bhi aae, jab yun laga ke in ka rishta apne anjaam se do chaar hone wala hai. Sanjeeda ki aik saheli ne naam na zahir karne ki shart par bataya ke Shadi (wedding) mein takheer ki wajah Aamir ki waldah thi. Jinhe aakhri waqt tak ye rishta qabool nahi tha, lekin Aamir ki zid ke aage unhe hathiyar dalna parh gae aur yun Mohabbat ki jeet ho gai.


 

 

More Links
Veena Malik
Kareena Kapoor
Karishma Kapoor
Reema Khan
Malaika Arora
Emran Hashmi
Priyanka Chopra

 

Copy Right 2012-2015 www.Meriduniya11.com