Meriduniya11 Header
Home>Entertainment  

 

 

 

 

Wiam Ammar Dahmani

Wiam Ammar Dahmani belongs to Marrakesh. She is an Actress and Model. Wiam Dahmani is working in Lollywood and Bollywood film Industies. Pakistani Film maker Shehzad Rafeeq introduces foreign Girl Wiam Ammar Dahmani. She performed in Pakistani film Ishq Khuda with Shaan, Saima, Meera and Ahsan Khan. She is hosting different programs in Bollywood. Wiam participate in showbiz activities in Dubai and Marrakesh. She is a Singer also. Wiam Dahmani recorded the osng with Indian Singer Bappi Lehri. In this page you will see the Information about the Marrakesh Girl Wiam Ammar Dahmani news in Urdu and Roman .

Marrakesh Se Talluq Rakhne Wali Khobru

Model Wiam Dahmani

Marrakesh model Wiam Dahamani Photo

Marrakesh se talluq rakhne wali khobru actress aur Model Wiam Ammar Dahmani ne kaha hai ke Bollywood aur Lollywood mein bohat ba salahiyat log kaam karte hain, lekin farq sirf budget aur technology ka hai. Pakistani fankaron ka bollywood se muqabla kiya ja sakta hai, magar yahan wasaiyl ki kami hai. Bharat ki maqami zabano mein banne wali films middle east samet duniya ke beshtar mumalik mein numaiysh ke liye pesh ki jati hain, lekin lollywood ke barey mein koi nahi janta. Is ke zimmedar Pakistan film industry ke wo log hain jinho ne apni films ko gher mulki market tak nahi pohnchaya. Pakistan bohat saaf suthra jab ke Bharat ke barhe shehron mein bepanah ghurbat aur gandagi hai. In khayalat ka izhaar Wiam Ammar Dahmani ne Express ko khusoosi interview dete hue kaha. Unho ne kaha ke main bek waqt Pakistan aur Bharat ki showbiz industry mein kaam kar rahi hoon. Meri film Ishq Khuda ki numaiysh jald hone wali hai. Jab ke hidayatkaar Farooq Mengal ki film mein bhi markazi kirdar ke sath sath programs ki mezbani ke faraiyz bhi anjaam de rahi hoon, jis ka zabardast response mil raha hai. Bal ke bohat se nae projects ki offers ka silsila bhi jari hai.

Wiam Dahmani ne bataya ke Pakistani Dramas ke liye bhi mujhe bohat se barhe production house ne rabta kiya hai, lekin mere liye sab se barha masla Urdu bolne ka hai aur dosra dramey ke liye bohat waqt darker hota hai. Jo filhal mumkin nahi. Main bollywood mein bhi bohat se programs mein kaam kar rahi hoon. Jis ki wajah se aksar Mumbai jana parhta hai aur phir Dubai, Marrakesh mein hone wali showbiz sargarmiyon mein bhi hissa leti hoon. Unho ne kaha ke acting, modeling aur mezbani ke sath singing ka silsila bhi jaari hai. Meri haal he mein release hone wali album bohat kamiyab rahi hai. Jis ke 3 songs ki video bhi banai gait hi aur un ko pori duniya mein bohat pasand kiya gaya. Fanon lateefa ke tamam shobey aik dosre se mukhtalif aur mushkil bhi hain, lekin un mein aane se qabal main ne baqaiyda tarbiyat hasil ki. Main ne acting seekhne ke liye 1 saal ka diploma hasil kiya. Jab ke mauseeqi ki bhi tarbiyat hasil ki. Yehi wajah hai ke bollywood ke maroof mauseeqar Bappi lehri ne mere sath geet record kiya. Aik sawal ke jawab mein Wiam Ammar ne bataya ke Pakistan film industry mein kaam karne ke liye un se hidayatkar Shehzad Rafeeq ne rabta kiya aur jab unho ne mujhe film ki kahani aur mere kirdar ke barey mein bataya to main ne kaam karne ki hami bhar li. Pakistan mein film mein kaam karne ka tajurba bohat acha raha. Film star Shaan, Saima, Meera, Ahsan Khan ke sath kaam kar ke bohat acha laga.

Actress Saima aur Shaan ki acting ne mujhe bohat mutasir kiya. Bal ke main samajhti hoon ke Shaan Pakistan film industry ke Robert De Niro aur Shahrukh Khan hain. Unho ne shooting ke dauran bohat rehnumai ki aur un ke sath kaam karne ke lamhat humesha yaad rahenge. Is ke ilawa film ke unit ke tamam logon ka rawaiyya bohat acha tha. Albatta mujhe khane peene ki wajah se kafi mushkilat ka samna karna parha. Jis ki wajah se aksar main bimar rehti thi. Aur wadi Soon mein hone wali shooting ke dauran mera wazan 7 kg kam ho gaya tha. Unho ne mazeed kaha ke Pakistan mein bohat ba salahiyat fankar hain. Agar lollywood films ko benulaqwami market mein le jaya jae, to is ke behtar nataiyj samne aaenge. Pakistani distributors ko mukhtalif mumalik mein rabtey karne honge. Khas taur oar middle east mein jahan Hindi zaban ki film to numaiysh ke liye pesh ki jati hai. Is ke sath sath Malayalam, Bengali, Madrasi, Marathi samet deegqr zabano ki films numaiysh ke liye pesh ki jati hain aur in mein kaam karne wale actors ko bardasht karna har kisi ke bas ki bat nahi. Is liye mujhe umeed hai ke Ishq Khuda ko jab numaiysh ke liye pesh kiya jaega to middle east mein aaiynda bhi is tarha ki films ki demand ho gi. Unho ne interview ke aakhir mein Pakistan ki aur yahan ke logon ki mehman nawazi aur yahan ke lazeez khano ki bohat dil se tareef ki.


 

 

More Links

 

Copy Right 2012-2015 www.Meriduniya11.com