Header
Home > Entertainment  

 

 

 

 

Zara Shekh

Zara Sheikh started her career as a modle. After modeling Zara Sheikh acted in lollywood films, her films are “tere pyar mein” “chalo ishq laraein” “Laaj” “Commando” “ye wada raha” “salakhein” “tere bin jiya na jaye” “phela phela peyar” “Kabhi pyar na karna.” Now Zara Sheekh is doing another film called “Devdas” she is playing the character of paro in the film. Zara is a singer too. She has sung 3 songs for the film “chalo ishq laraein.” Zara said in an interview that she is doing a film in India named “owner killing” and she is also doing a T.V drama. Zara said that she wants to do different characters in her every project. In this page, you will read Pakistani actress Zara Sheikh.

Pakistani Actress Zara Sheikh

Zara Sheikh Photo

Pakistani modle aur actress Zara Sheikh ne kaha hai ke gaiki mera shok aur acting mera junon hai, T.V par kaam karne se kabhi inkar nahi kia, Affair ke leye waqat nahi, In dinon aik T.V project kar rahi hun. In khayalat ka izhar unhon ne ghuzishta roz aik interview mein kia. Zara Sheikh ne kaha ke kamyabi hamesha aik tawil safar te karne ke bad hi hasil hoti hai aur showbiz industry wase bhi kanton ki sejh ki tarah hai jis par phonk phonk kar qadam rakhna parta hai. Khud ko is lehaz se khush qismat samajhti hun ke modeling ke zarye showbiz mein ayi thi atye hi multinational mobile company ki brand ambassador ban gai jis ne mujhe raaton raat marof modles ki saf mein la kar khara kar deya.

Ye wo dor tha jab hamari film industry uroj par thi aur box office par adakara Rema, Sana, Nargis, Saima, Resham samet degar adakaraon ka tota bol raha tha, is doran mujhe evernew pictures ki Urdu film “tere piyar mein” mil gai jis mein Shan ke muqabil heroin cast hoi, is film ne box office par kamyabi ka naye record qayem kar deye aur mere samne filmon ki lines lag gaein.magar mein ne tamam offers ko qabol karne ke bajaye muntakhib projects ko hi tarjih de, esi leye 13 saala filmi career mein mere credit par chand ginti ki films “chalo ishq laraein” “Laaj” “Commando” “ye wada raha” “salakhein” “tere bin jiya na jaye” “phela phela peyar ” “Kabhi peyar na karna” hain. In sqab films mein riwayati heroin ke bajaye mufarid kirdar keye jis mein meri kirdar nigari ko saraha gaya. Aim film “Devdas” release ke leye bikul tayar hai jis ko Iqbal Kashmiri ne direct kia hai.

Aik sawal ke jawab mein Zara ne kahah ke Devdas aik bangali novel hai jis par mazi mein bahrat aur Pakistan mein mutadid filmein ban chuki hain, bahrat mein sab se phele K.L Sehgal aur legend adkar Dilip Kumar aur phir bollywood king Shahrukh Khan ne ye role kia jab ke paro ka kirdar Jamona Brawa, Suchitra Sen aur Ashwarya Ray ne nibhaye. Pakistan mein bhi mazi mein Devdas banai gaye magar ese pazirai nahi mil saki, leki nai banaye jane wali Devdas har lehaz se aik achi koshish hai jis mein paro ka yadgar kirdar main ne nibhaya hai, jab mujhe is kirdar ki offer ki gai to mein ne phele Suchitra Sen aur Ashwarya Ray ki Devdas filmein dekhein, main chahati thi ke jab log is film ko dekhein to unhan is mein Zara Shekh nahi balke paro hi nazar aye, is baat par main bhi heran hun ke akhir kin wajuhat ki bina par ye film abhi tak cinema gharon ki zenat nahi ban saki. Bharti film “owner killing” ke sawal par unhon ne kaha ke is film mein bhi riwayati heroin ke bajaye aik mufarid role kia hai jis ka muzo gherat ke naam par qatal ki jane wali khawateen han, agar main bhi chahati to mere pas bhi bollywood ki bohat si filmein hotein magar wo sab khuch nahi kar sakti jis ki mujhe mera mazhab aur mashra ijazat nahi deta. Is tarh ki maqboliyat aur shurat se behtar hai ke ghar hi beath jaye kam azkam koi ap par ungli to nahi utha sakta.

Apne mulik mein hi mujhe acting aur moldeing mein itni shurat aur izat mil chuki hai ke apni marzi se kaam ka intekhab kar sakti hun. Bollywood mein kaam karna koi jurm nahi magar jo kuch hamari adakaraein kar rahi hain is ko dekh kar to esa hi lag raha hai. Gaiki ke hawale se Zara Sheikh ne kaha ke gana mera shok hai jo abhi bhi jari hai magar shyad ese profession na banaon kyun ke acting aur modeling mein hi mere pas itna waqat nahi bachta ke ese full time de sakon. Albata film “Chalo ishq laraein” mein Ali Haider ke sath teen gane gaye the jo hum donon par hi filmaye gaye the. Is ke bad audio album par kaam shuru kia jis ke leye aik do gane bhi record kiye hain magar filhal mukamal nahi kar saki. Film meri hamesha pheli option rahi hai is leye shaded buhran ke bawajod film industry se apn anata nahi tora, halan ke main bhi chahati to aaj kisi T.V channel ke kisi program ki comparing kar hai hoti magar main ne esa nahi kia. Albata ab aik mega drama serial sign kia hai jis mein markazi role kar rahi hun is ki aks bandi Lahore mein adhi se ziyadah ho chuki hai. Is ka respons dekhne ke bad hi mazid koi naya project sign karne ke bare mein sochon gi. Affair ke sawal par unhon ne kaha ke is bare mein waqat ane par khud hi bata don gi wese bhi media walon se hamara kuch dhaka chupa nahi hai.


 

More Links

 

Copy Right 2012-2014 www.Meriduniya11.com