Welcome to Meriduniya11

 

Fruits Vegetables  

 

 

 

 

Cherry Benefits

Cherry is a little red fruit like small red balls. Cherry has many kinds some of these are prunus avium, prunus cerasus and prunus serotina. It is cultivated in Asia, Europe, Australia and South America. The annual production of cherry is about 2 million tons. The pulp of cherry has lots of water and carbohydrates, dietary fibers, fats, proteins, vitamin C, folic acid and iron. Cherries are good for controlling cholesterol and obesity. So if you want to be healthy then add vegetables and fresh fruits in your dite. In this page, you will find Cherry benefits in Urdu (Cherry Ke Faide) In Roman Hindi.

Cherry Benefits In Urdu (Cherry Ke Faide)

Cherry Image

Allah taa'la ne arz e Pak Ko dosri nematon ke elawa phalon ki dolat se bhi mala mal kia hai. Pakistan Ki Zameen ki munfarid mitti mein panapne wale ye phal (fruit) zaiqe aur ghizaiyat ke atebar se pori duniya mein apna sani nahi rakhte. Ye mukhtalif anwa phal madani namkiyat, hayateen aur degar aham ghizai ijza ka anmol khazana hain. Yehi wajah hai ke phal (fruit) sehat aur tandrusti ke zamin bhi hain aur mutadid amraz se shifa o nijat ka zarya bhi. Qudrati ilaj ke tamam tarikqon mein phalon (fruits) ke istemal ko shuru hi se ahmiyat de jati hai.

Pakistan ke sehat bakhsh aur rasile phalon (fruits) mein cherry bhi shamil hai, jise agar phari elaqon mein phalon ka badshah kaha jaye to baja na ho ga. Cherry ke darakht ka taluq gulab ke khandan (rosaceae) se hai, ese genus (prunus) mein rakha gaya hai. Is genus se taluq rakhne wale kai darakhton ke phalon ko cherry kehte hain. Chun ke is genus mein aalocha, khubani aur aaro wagherah bhi shamil hain, is leye is genus ke tamam podon ke phal ko chery nai kaha ja sakta.duniya bhar mein pai jane wali cherry ki mukhtalif anwa (species) ki tadad kafi ziyadah hai in mein se darj zel anwa qabil e zikar hain:

1- Jangli ya methi cherry (prunus avium)

2- Tursh cherry (prunus cerasus)

3- Kali cherry - Black Cherry (prunus serotina)

Cherry Asia, Europe, Australia aur shumali America samet duniya ke beshtar hisson mein pai jati hai. 2997 ke aik muhtat andaze ke mutabiq duniya bhar mein cherry ki salana pedawar taqreban 2 million ton hai. Is pedawar ka 40 fisad hissa Europe se aur 13 fisad America se hasil hota hai. Cherry shumali America ke bashtar hisson aur Pakistan ke pahari elaqon bilkhosos gilgit aur baltistan mein sab se phele pakne wale darakht ke phalon mein se aik hai.
Ajza e tarkibi ke lihaz se cherry ka guda ziyadah tar pani par mushtamil hai. Is ke elawa is mein anthocyanins nami aik surkh mawad, sakriyat, lehmiyat, hiyateen, namkiyat, namiyati tezab, phenolic murakabat, boiflavonoids, melatonin wagherah paye jate hain.

100 Gram Cherry Mein Aham Ghizai Ijza Ki Miqdar Hasbe Zail Hain:

1- Sakriyat (carbohydrates) 13g

2- Ghizai reshe (dietary fibers) 2g

3- Chiknai (fats) 2g

4- Lehmiyat (proteins) 1.1 g

5- Hayateen (vitamin C) 7 mg

6- Folad (iron) 4mg

Cherry mein mujod surkh mawad ki ahmiyat ko wazae karne ke leye jism mein peda hone wale in kimiyai takhrib karon ka zikar zarori hai, jihan sciensi zaban mein azad asliya (free radical) ke naam se mosom kia jata hai.agar inhan azad chor diya jaye to ye jism ke bafton ko nuqsan pohancha kar mukhtalif muzi aur jan lewa amraz ka mujib ban jate hain. In gheir mari takhrib karon se na nimatne ki sorat mein sartan, ziyabatis aur dil o sharyan ki bemariyan peda hoti hain ye kam iz kam borhape ke amal mein tezi lane ka sabab ban jate hain. Cherry mein mujod surkh mawad in free radicals ka khilaf lar kar inhan khatam kar deta hai. Ya inhan khalyat ya bafton ko nuqsan pohanchane se rok leta hai. Free radicals ke khilaf kaam karne wali esi kimiyai ashya ko mana e takseed (antioxidants) kahate hain.

Cherry mein mujod shakriyat mein glucose aur fructose wafer miqdar mein paye jaye hain, yehi wakah hai ke cherry tawanai ke fori hosol ka zarya hai. Cherry ke mosam mein agar koi shakhs jismani ya zehni kaam ki badolat thakawat mehsos kar raha ho to chand adad cherry ese tazgi bakhsh sakti hain.

Degar phalon ki tarah cherry mein ghizai reshe bhi paye jate hain, jo na sirf hamare nazam e hazam ko fal rakhte hain balke khai hoi ghiza mein se cholesterol ko jazb kar ke ise jism se bahar nikalne mein madad dete hain. Qabz se mutasira afrad inhi ghizai reshon ki madad se shifayab ho sakte hain. Chunke cherry mein chiknai kam miqdar mein hoti hai is leye ye gheir seir shudah fati acids (charbile tezab) par mushtamil hai, lahaza dil o sharyan ke mariz ise bila khof o khatar api khukar mein shamil kar sakte hain, balke is ke musalsal istemal se khoon mein cholesterol aur chiknai ki miqdar mein kami asakti hai. Cherry mein pai jane wale lehmiyat (proteins) jism ki nashunuma aur shikast o rekht ko thek karne ke leye kam ate hain.

Cherry mein kai hayateen (vitamins) maslan vitamin A, C aur folic acid kafi miqdar mein hote hain. Vitamins A aur vitamin C cherry mein mujod surkh mawad ki tarah mane taksid ke tor par amal karte hain. Is ke elawa vitamin A jild aur aankhon ki benai ke leye zarori hai. Vitamin C danton, hadiyon aur joron ke leye karamad hai. Jahn tak folic acid ka taluq hai ye jiniyati mawad yani DNA ki telif mein madad gar hota hai, is ki kami se khoon ki kami ki bemari ho jati haiaur nashunuma ka amal bhi mutesir ho jata hai. Jinin (embryo) mein asabi nizam ko durust rakhne ke leye bhi folic acid zarori hai, is leye hamal ke abtedai ayam mein doctor sahiban folic acid ki goliyan tajwiz karte hain, lehaza cherry ka munasib istemal hamla khawateen ko degar zarori ijza ke elawa is hayaten ki kafi miqdar muhaiya kar sakta hai. Aur inhan hamal se wabasta kai masail maslan khoon ki kami, qabz aur mutadi amraz se nijat delane ka mujib ban sakta hai.

Cherry mein mujod madni anasir mein folad ke elawa potassium aur magnesium kafi miqdar mein paye jate hain. Folad hemoglobin ka lazmi juz hai, is leye khoon ki kami ki bemari lahaq hone ki sorat mein cherry ko folad ki goliyon par tarjih deni chaheye. Isi tarah potassium aanton ko durust rakhne aur asabi ro ki sorat mein jism ke andar peghamat ki tarsil ke leye darker hoti hai .megnesium tawanai faraham karne wale kimiyai rade amal ko mukamal karne ke kaam ati hai. Cherry ke aik dane mein 4 hararib tawanai mujod hoti hai, jab ke cherry ke piyale mein 74 harare paye jate hain.

Cherry mein dard aur sojan khatam karne wale ajza paye jate hain jo joron ke marz (arthiritis) ke leye mufid gardane jate hain. Bari aant (colon) ke khilaf kaam karne wale kimiyai ijza bhi cherry mein mujod hoye hain.
Cherry ke gude mein (melatonin) name kimiyai shy bhi mujod hoti hai jo borahpe ke amal mein susti peda karne ke sath sath yadasht ki kami ko rokne aur achi nennd ke leye mufid hai.

America ki Michigan University ki aik haliya tehqiq se ye inkishaf howa hai ke cherry dil ki sehat barqar rakhne ke leye bohat mufid hai aur jism ki faltu charbi tehlil karne mein moasar kirdar ada karti hai. American heart association ke mutabiq esa motapa jis mein zaid charbi jism ke darmiyane hisse mein jama hoti hai, dil ke arze ka aham sabab hai, cherry jism ke in hisson se charbi ko khatam kar ke dil ke amraz se bachne mein madad deti hai. Science tehqiq se ye baat samne ayi hai ke cherry mein mujod surkh mawad ke ijza ziyabaties ke marizon ke khoon mein sakar ki miqdar kam kar dete hain, lekin is ka harkiz ye matlab nahi ke ziyabaties ke mariz bila khuf o khatar cherry ka istemal shuru kar den, kyun ke cherry ke andar aik taraf sakaryat hain jo ziyabaties ke marizon ke leye muzir hain to dosri taraf insulin harmon ki pedawar barhane wale ijza bhi shamil hain, magar ye mumkin hai ke mustaqbil mein ziyabities ke ilaj ke leye istemal hone wali goloyon mein cherry mein mujod surkh mawad ke ijza bhi shamil keye jayein.

Marathon dor mein hissa lene walon ko sciencdanon ne haliya barson mein ye mashwarah deya hai ke wo cherry ke mashrob ka istemal ziyadah karein, kyun ke is se inhan jism ke azlat mein shikast o rekhat se jald sehatyabi mil sakti haiaur in ki khoi hoi taqat bahal ho sakti hai. Apni khurak mein tazah sabziyon aur phalon ka istemal barhaiye, is se ap kai bemariyon se ba asani chutkara pa sakte hain. Phalon ke istemal se qabl inhan saf pani se zaroro dhoein aur ese phalon aur sabziyon ke istemal se ghurez karein jo naqis ya gale sare hon ya in ki abyari aalodah aur muzir e sehat pani se ki gai ho.

 

 

 

 

Copy Right 2012-2015 www.Meriduniya11.com