Header
Fruits Vegetables  

 

 

 

Gooseberry (Amla)

Gooseberry (Amla) is a fruit. It is known as Amla in Urdu. Gooseberry is a pure Indian Fruit. It has rounded circle shape. Gooseberry has much vitamin C more than fruits and vegetables. It has minerals, fats, carbohydrates, fibers, carotene, phosphorus, calcium, iron, thiamine, protein etc. Gooseberries are healthiest fruit. Kindly request to all of you, please first take advice to your Doctor then use any tips. In this page you will Gooseberry Benefits in Hindi (Amla Ke Faide) In Urdu.

Gooseberry Benefits In Hindi

Amla Ke Faide (Amla Benefits In Urdu)

Gooseberry Image

Amla (Gooseberry) khalis Hindustani fruit hai aur jis qadar mufeed hai, usi qadar aam aur arzaan bhi. Jaded tareen tibbi tehqeeqat se yeh amar paya sabot tak pohanch chukka hai. Ke vitamin C wali sari sabziyan aur fruits ke muqabley mein Amla (Gooseberry) mein sab se ziyada vitamin C paya jata hai. Hindustani aaj se hazaron saal peshtar se gooseberries ke fawaiyd se aagah hain aur yeh achaar, murabba, chatni ki soorat mein bakasrat istemal hota hai. Tehzeeb maghrib ne Hindustaniyon ko is mufeed cheez se be niaz kar diya hai.

Amla (Gooseberry) tabaa khushk, zod hazam aur farhat bakhsh hai. Bhook barhata hai. Dil ki dharkan aur bechiani ko taskeen deta hai. Quwwat e baah ki kami, dil o dimagh aur aankhon ki kamzori door kar ke quwwat bakhshta hai. Meyde aur jigar ki kamzori mein bhi bohat mufeed hai. Qadeem Ayurvedic kutub mein Amla (gooseberry) ke aksar murakkabat darj hain aur tarphala, haleela, baleela aur amla ka murakkab to Ayurvedic ki khas dawa hai. Ise raat ko pani mein bhigo kar subha is ke nithre hue pani ke 2 ghoont pina hazma aur maqwi meyda hai. Nez bad hazmi door karta hai. Is ke pani se aankhen dhona aur beenai ke liye faiydemand hai aur aankhon ke kae amraaz door karta hai. Nez is se baal dhone se, baalon ki roots mazboot hati hain, baal barhte hain aur dimagh ko taqwiyat milti hai.

Amla ( Gooseberry) ki sabzi paka kar garmi aur yarqan ke patients ko khilana behad mufeed hai. Hazim aur sehat bakhsh hai. Is ka achaar istemal karna khane ko hazam karne mein madad deta aur bhook barhata hai. Amla ke murabbe se bhi wohi faiyda hasil hota hai. Jo amla se farhat bakhshta aur dil o dimagh, meyde ko taqwiyat pohchata hai. Hamla khawateen ke liye Amla (gooseberry) ka istemal behad faiydemand hai. Is se na sirf hamla khawateen ko taqwiyat milti hai, bal ke bacha bhi sehatmand aur taqatwar peyda hota hai. Amla ka gooda, sabz paudina aur sabz dhanniya mila kar chatni ki soorat mein subha sham khan eke sath khana behad mufeed hai. Is se vitamin C ki tadad jism mein pori ho jati hai aur is kami se jo amraaz lahaq ho sakte hai, insaan us se mehfooz rehta hai.

Kache Amla ko namak laga kar aik subha aik dopehar aur aik sham ko khane se vitamin C kafi miqdar mein hasil ho sakta hai. Dehan se badbo ana aur Pyria aise khatarnak marz ke liye behtreen dawa hai. Jab Hindustan mein gooseberry ka achaar aur murabbey ka aam istemal hota tha. To koi Pyria ke naam tak se waqif nahi tha aur jab se Amla ka istemal kam hua hai. Pyria jaisa mohlik marz Hind o Pak mein phel gaya hai. Doctors is baat par mutaffiq hain ke Pyria ka kam kharch o muassir ilaaj Green Gooseberries hain. Sabz Amla ke istemal se aap ke dant aksar amraaz se mehfooz reh sakte hain. Bache se le kar borhey tak har mard o aurat ise istemal kar sakte hain. Jis mausam mein Amla (Gooseberries) na milen to is ka achaar ya murabba istemal kar sakte hain.

 

More Links

Apple Ke Faide

Grapes Benefits

Mango ( Aam)

Chakotra Fruit

Palak-Spinach

Lehsun

Jamun Ke Fayde

Orange Ke Faide

Tomato Benefits

Karela Benefits

 

Copy Right 2012-2014 www.Meriduniya11.com