Welcome to Meriduniya11.Com

Horoscope  

 

 

 

 

 

Cancer and Aries

(Burj Sartan aur Burj Hamal)

Cancer woman(Sartan Aurat ) is looks like a sensitive and elegant, but cancer woman in reality condition is different. Cancer woman behave very kindly with aries man, make delicious food for him and give happiness to aries man. Aries man lives like independently. Cancer woman thinks “ Can’t purchase the Money from Happiness ” and Aries man thinks “ Can’t purchase the Happiness from Money ”. Cancer woman and Aries man ( Hamal Mard) both are very fond of the Children, they have lots of love for the Children. In this page you will find Cancer and Aries Star women and men relationship in urdu and Roman Hindi.

Burj Sartan aur Burj Hamal

Mard aur Aurat

Cancer Woman and Aries Man In Urdu

Aries and canser Image

Hamal mard (Aries Man) pehle pehal Sartan aurat (cancer woman) ki taraf is liye raghib hota hai, kyun ke woh dekhne mein barhi nazuk, niswaniyat se bharpoor aur pur kashish nazar aati hain. ( Yad rakhiye sartan aurat sirf dekhne mein nazuk nazar aati hain. Haqiqat haal is se mukhtalif hai. Pur kashish aur niswaniyat se bharpoor burj sartan aurat beharhal hoti hain. Is mein koi kalaam nahi ). Inhe dekh kar hamal mard (Aries Man) ko aesa lagta hai ke zindagi ki sangulakh rahon par chalne ke liye unhe choi mooi si ladki ko is ke mazboot kandhe ke sahare ki zaroorat parhegi.

Jab sartan aurat hamal mard ko bila shirkat ghere apni tawajja se nawazti hain. To wo khushi se phoole nahi samatey. sartan aurat doin ke naaz uthati hain, in ke liye lazeez khane pakati hain, in ke mashaghil mein dilchaspi leti hain. In ke shana bashana chalne ki koshish karti hain. Qissa mukhtasir in ki zindagi ko pur bahaar bana deti hain. Lekin phir ahista ahista khush numaai ke parat utarne lagte hain aur hamal ko mehsoos hota hai ke jaise un ke peron mein zanjeeren dalne ki koshish ki ja rahi hai. Yeh baat to aap jaan he chuke hain ke hamal hudood-o-qaid bilkul pasand nahi karta chahe wo mohabbat he ki kyun na ho. Jahan un ki azaadi par koi qadghan lagi, wo bharhak uthte hain. Lekin is ka kya ilaaj ke cancer aurat ko apne rafeeq hayat ki azaadi salb karne ka chska hota hai aur wo yeh kaam itne pyar, itni mohabbat aur itni narmi se anjaam deti hai ke aksar shikar hone wale ko pata he nahi lagta ke wo cancer aurat ko pehnaai hui reshmi zanjeeron ka qaidi ban chuka hai.

Hum cancer aurat ko barhe pur zoor alfaz mein khabardar karna chahenge ke hamal mard par ye gar aazmane ki koshish na karen. Kisi shaiyr ne kaha hai ke, Tark-e-talluqat ko ik lamha chahiye, aur hamal mard ke liye yeh aik lamha bhi zaroorat se ziyada hota hai. Jahan tak baat rahi cancer aurat ki niswani nazakat ki to hamal mard jald he jaan leta hai ke ye nazakat mehaz nazar ka dhoka hai. sartan aurat ( Cancer woman) ki posheeda salahiyaton ko daryaft karne mein inhe ziyada waqt nahi lagta. Yad rakhiye ke cancer ek munqalib burj hai aur munqalib burj ke hamil afraad mein zabardast quwwat aur stamena paya jata hai. Hamal mard sartan aurat ki quwwat se hasad mein mubtila nahi hota, bal ke wo use sarhata hai. Yeh un mardon mein se nahi jo apni rafeeqa hayat ki zehni ya jismani salahiyaton se khofzada ho kar aehsaas-e-kamtari mein mubtila ho jaen. In ki mehbooba jitni ziyada mazboot hogi, hamal mard ka pyar un ke sath utna he gehra hoga. Inhe aese he sathi ki khuwahish aur zaroorat hoti hai jo zindagi ki jang mein un ke shana bashana larh saken.

Yeh to hum ne bata dia ke cancer aurat hamal mard ko apna paband banane ki koshish karengi to in ka bandhan ziyada dair tak barqarar nahi reh sakega. Is ke ilawa baaz shakhsi tazadaat aese hain jo in ke talluqaat kasheeda kar sakte hain. Maslan rupey, paise ko lijiye. Cancer aurat ( cancer woman) mali tahaffua chahti hai. Is liye jibli taur par wo paisa jamaa karne taraf raghib hoti hai. Cancer aurat ke nazdeek jazbati tahaffuz aur mali tahaffuz aik he sikke ke 2 rukh hain. Yun kehiye ke inhe paisa pasand hota hai, paisa hamal mard ko bhi pasand hota hai lekin bachane ke liye nahi lutane ke liye. Hamal ka moto yeh hota hai ke “ Paise se khushi nahi khareedi ja sakti ”, aur in ke muqabley mein cancer aurat ka moto hota hai ke “ Khushi se paisa nahi khareeda ja sakta ”. nuqta nazar ka farq aa gaya na... is liye hum hamal mard ko mashwara dete hain ke agar is chand si hasina ko apna banae rakhna hai to paise ke muamley mein ise apni adaat par aik gehri nazar sani karna hogi. ( yehi mashwara cancer aurat ke liye bhi hai ).

Cancer aurat moody hoti hain. Hamal mard ( Aries Man) bhi moody hota hai, lekin apne mood ke badalte rangon ke liye in ke paas koi na koi jawaz hota hai. ( Khuwa wo kitna he mazhaka khez kyun na ho ). Aur inki nazar mein moody qalabaziyan qabil-e-muafi bhi hoti hain. Lekin in ki apni qalabaziyan, cancer aurat ke rang badalte mood ko bardasht karna in ke liye khasa dushwaar hota hai. Is mein hamal mard ka qusoor kuch itna ziyada nahi. In ka mood abhi off hai to on bhi ho jaega. Lekin cancer aurat ka tareek mood roshan hone mein itni dair lagata hai ke hamal mard bor ho jata hai ya jhunjhula uthta hai. Baaz auqat aesa hota hai ke wo masbat soch ke bal par use aazardgi-o-afsurdgi ke bhanwar se nikal lata hai. Lekin bar bar in talatum khez lehron mein koodna inhe nagawaar guzarta hai. Tang aa kar wo cancer aurat ko in ke haal par chor deta hai. Aur in ki mizaaji kefiyaat ko qatai laiq nahi gardanta. Behraal agar wo thori si sabit qadmi ka muzahira karen to kuch arsey baad halaat khud he mutaddil ho jate hain. Waise bhi agar cancer aurat mein kuch khamiyan hain to itni dher sari khoobiyan bhi to hain. Yeh itni narm-o-nazuk hoti hain, itne maze maze ke khane pakati hain, jismani taur par hamal mard ke hum aahang hoti hain, hamal mard ki zindagi ko hattul imkaan khushgawar banane ki koshish karti hain. Aik mard ko aur kya chahiye.

Ab thori si baat bachon ki ho jae. Hamal aur cancer dono bachon ke shaiyq hote hain aur bachon se toot kar pyar karte hain. Magar bachon ki parwarish ke muamley mein dono ka rawaiyya aik dosre se ulat hota hai. Hamal chahta hai ke bachon ko khud mukhtari aur khuddari ka sabaq diya jae, unhe us andaaz mein parwaan charhaya jae ke wo duniya mein apne zoor-e-bazoo par aage barhna seekh len. Agarcha wo bachon par roab bhi jamate hain aur bachon ki zaat se kuch tawaqquaat bhi wabasta karta hai, lekin hamal ka amoomi rawaiyya yehi hota hai ke bachon ki parwarish is nehaj par ho ke un mein khud aitemaadi peyda ho sake.

Dosri taraf cancer aurat is muamley ko kuch ziyada he sanjeedgi se leti hain. Yeh bachon ki har adat aur sar garmi par nazar rakhti hai. Unhe apni marzi ke mutabiq khilati aur pehnati hain. Chahti hain ke bachen un ki pasand ke mutabiq dost banae aur un ki pasand ka career chune. Garz yeh ke wo bachon ki zindagi ke har shobey ko apni marzi ke mutabiq tabey karna chahti hain. Yahan aa kar hamal mard aur cancer aurat dono ki aaraa mutasadim ho jati hain. Hamal kehta hai ke cancer apni ja be ja pabandiyon se bachon ki infaradiyat ko kuchal rahi hain, jab ke cancer kehti hain ke hamal bachon ki taraf se bilkul laparwah hain ya un par zaroorat se ziyada sakhti kar raha hai. Aur bachon ka yeh haal hota hai ke jaise dono taraf se do chattaney unhe dabane ko aage sarak rahi hain.

Hamal mard ko yeh bhi jaan lena chahiye ke jab cancer aurat par afsurdgi-o-udaasi ka daura parhe to us waqt ghabra jana ya jhunjhula jana un ke shan-o-shan nahi. Jab wo roey to unhe bahon mein le kar tasalli den, un ke purse ko khali na hone den, un ki salahiyaton ki tareef karen aur unhe yaqeen dilaen ke sab unhe pyar karte hain kyun ke wo hai he pyar ke qabil. Aur yeh baat kuch aesi ghalat bhi nahi.

Chalte chalte ek aakhri baat ! cancer aurat ko yeh ilm hona chahiye ke hamal mard ko wo jitna pyar aur jitni tawajja dengi, badle mein un se utna he pyar aur tawajja paengi. Hamal mard ki mardangi ko mat lalkaro, un par ulti sidhi pabandiyan mat lagao, un ke khuwabon ke sheesh mehal par pathar na maro aur sada sukhi rahi.

Aries image Tauras image Gemini image Leo Image Libra Image Scorpio Image


 

 

 

 

Copy Right 2012-2015 www.Meriduniya11.com