Header
Home>Interview  

 

 

 

 

Amina Sheikh

Amina sheikh was born on 29 August in Newyork. She is a Pakistani actress and model. She is a very talented actress. Amina Sheikh is married with Mohib Mirza. Amina had known Mohib since when she was doing theatre with Rahat Kazmi, then she met Mohib Mirza on the set of “ Bachey Man k Sachay ”, Amina Sheikh was directing and Mohib Mirza was hosting. In this page you will read Amina Sheikh Interview details in Urdu and Roman Hindi.

Amina Sheikh Interview

Pakistani Model Amina Sheikh Photo

Kuch log bohot piyare hote hain. Halan ke unhein haseeno mah jabeeno mein shumar nahi kiya jata aur kuch chehre bane banaye kirdar hote hain. Amina Sheikh inhe jaise tasawuraat par pori utarti hain. Fashion photography aur modeling mein bhi numaya nazar aane wali Amina sheikh apni milansaari ki wajah se dil mein jagah banaleti hain. Pakistan ke niji TV channels ke sath masla ye hai ke ya to aik he adakara chaar jagah mukhtalif kirdar ada karti milein gi ya phir ghayab hogi to maheeno nazar nahein aayeingi. Amina se mulaqat ka humein yehi waqt munasib jaan kar hum ne riwayati sawal pocha.

Question : Showbiz mein career ka aaghaz kaise huwa ?

Amina Sheikh : Main ne film and TV production mein America se Bachelors kiya aur wahan kuch arsa aik production house mein kaam bhi kiya. School aur college ke zamane mein bhi theatre kiya. Karachi mein Rahat Kazmi ke sath theatre wale aur mukhtalif khelon mein kaam kiya aur un se bohat kuch seekha.

Question : Bahar ki duniya mein inferadi pehchan karna bohat kathin hota hai, aap ne wahan kya seekha, kaise tajurbe kiye ?
Amina Sheikh : Wo log salahiyaton ke nikhar par pori tawajjah dete hain, aap mein kaam karne ki umang paida karte hain, lekin muqabla bohat sakht aur karha hota hai. Mujhe bhi ye tajurbah huwa ke mein agar America mein kaam karti rahi to apni pehchan banane mein barson lag sakte hain, phir bhi wasooq se nahi keh sakte ke ye main Amina Sheikh hoon. Apne watan ki baat he kuch aur hai. Phir yahan rishtedaar aur mohabbat karne wale log hai. Jo barhawa dete hain aur taraqqi ke imkanaat bhi roshan hain, is liye laut aai. Kuch log bhi jo wahan mile, unho ne bhi electronic Media ki batein batai. Pakistani Media industry beshak naya hai lekin yahan parhe likhe aur tajurba karne wale logon ki zaroorat hai, lihaza technique maharten seekh kar main apnon ke darmiyan laut aai. Yahan kaam karne ka lutf he kuch aur hai.

Question : Dramas production kahan behtar ho rahi hai Karachi mein ya Lahore mein ?

Aamina Sheikh: Soorat-e-haal kafi mili jhuli si hai, kabhi Lahore bazi le jata hai to kabhi Karachi aur dono jaghon mein ab bohat ziyada farq bhi nahi hai.

Question : Aap ka pehla drama serial kon sa tha ?

Amina Sheikh: Ye Ahsan talish ki production mein Humayun Saeed ki serial “ wilko ” thi, phir Khalid Ahmed ki serial “ Kurmakh Singh ki Wasiyat ” ki.

Question : Aap ko pana koi kirdar jo bohat bhaya ho ?

Amina Sheikh: Mera nuqta-e-nazar ye hai ke chand baras tak mukhtalif kirdar karne ke baad aap hatmi taur par kuch kehne ke laiyq hote hain. Ye sawal qabal az waqt pocha gaya hai.

Question : Aap ke chehre ki aik makhsoos movement aur gosha ap ko Anglina Julie se hum shakal zahir karta hai, is ko compliment samajhti hain ya nahi ?

Amina Sheikh: Hanste huye kehti hain ke jawab nahi ap ka bhi. Bhae agar bina makeup ke aap mujhe dekh lein to pehchanenge bhi nahi, asal mein hota ye hai ke make up artist, lights, photographers aur aap ke muawin aap ke chehre ke makhsoos zawiye se aap ko shoot kar ke ap ko kuch ka kuch bana dete hain. Main khud kitni dafa bill board ke samne khari ho kar khud ko dekhti hoon to khud se pehchahni nahi jati aur aane jane wale log mujh par tawajja nahi de rahe hote. Main koi peydaishi haseen nahi magar kamal mere make up ka hota hai.

Question : Aap ne career ke aaghaz mein he shadi kar li, koi scandal bhi nahi, ye achi khasi kamal ki batein kar lien aap ne ?

Amina Sheikh: Wo kuch huwa yun ke jab producer ki hesaiyat se mulazmat ki to bachon ka aik program karne ko diya gaya, jis ke mezbaan Mohib Mirza the, yani mere shohar. Jab un se mili to yun laga ke hum pehle bhi kahein mil chuke hain ( ye koye fairy tale ya shehzadi ki kahani nahi ) mujhe yaad aa gaya ke jis zamane mein Karachi main Rahat Kazmi ke sath theatre karti thi, us mein ye sahab bhi huwa karte the. Phir jab hum ne bohat dinon tak ek sath kaam kiya to aik dosre ko samajh gaye aur Waldain ki razamandi se shadi kar li. Is tarha mein shadi kar ke modeling adakari karne aai hoon is liye jab tak main theek hoon. Scandal banne ka sawal he nahi uthta.

Question : Apne fashion magzine ko ap ne kaisa meyari ya ghair meyari paya ?

Amina Sheikh : ye waqai sarhane ki baat hai ke magazines ne pehle se ziyada taraqqi ki hai. Ye log shoots karwate waqt rangon ke imtezaaj ka bohat khayal rakhte hain. Mazameen behtar hote hain. Locations ka khayal rakha jane laga hai. Screen par to chehre ka ek zahiri sa aks filmaya gaya hota hai, wo he chalaya jata hai. Risalon mein to bohat barikiyon ko madde nazar rakhte hain. Fashion photographers ne bhi kaam ko aage barhaya hai. Khas kar jewellery ki modeling mein payron aur hathon par ziyada tawajja di jati hai aur fashion designing mein bhi Pakistani aage ja rahe hain, ye sab hausla afzaa baten hain. Fakhar ki baat yeh hai ke ye hamare log hain, hum sab Pakistani hain. Ek na ek din aalmi mandiyon tak in ki rasai hogi. Ab bhi bohat se log Dubai, London, America aur Canada waghera mein fashion shows le kar jate hain aur kamal ka kaam kar rahe hain. Hum in ke aur ye hamari pehchan hain.

More Links

 

 

Copy Right 2012-2014 www.Meriduniya11.com Contact Us