Header
Home>>Interview >  

 

 

 

 

Amna Haq

Amna Haq was born on 4th November 1972 in Pakistan. She is a very beautiful and famous Pakistani model and actress. she is a very successful personality in Television Industry. She performed famous drama serial “ Mehndi ”. Other TV drama in which she worked are Jayen Kahan Yeh Dil, Chandni Raatein, Dooriyan and Ghulam Gardish . In this page you will read Amna Haq Interview in Roman Urdu.

Amna Haq Interview

Model Amna Haq Photo

Bohut kam chehre modelling aur adakari mein numaya kamiyabi hasil kar pate hain. Inhe hanste, bolte aur gungunate chehron mein ek numayan chehra Amna Haq ka hai. Jin ko bator adakara dekhne ka ittefaq Drama serial Mehndi, Jayen kahan ye Dil, Chandni Ratein, Dooriyan aur Ghulam Gardish. Ab khuwa malboosaat ke fashion shoots hon ya ben-ul-aqwami brand ki kisi modelling li tasaveer ya film, Amina Haq ka zaheen chehra tawajja hasil kar leta hai.

Question : Aap is shobey mein kis wajah se aai shauq tha, majbori ya career banana tha?

Amna Haq : Majboori to hargiz nahi, shauq he keh sakte hain. Adakari mera rozgaar hai jese bohut se log Doctor, Teachers ya wakeel hua karte hain. Main actress aur model hoon.

Question : Apni tareekh-e-peydaish batana pasand karengi ?

Amna Haq : Bilkul 4th November ( aage na pochiye ) aur stars waghera par to bilkul yaqeen nahi rakhti. ALLAH PAK ne har banda mukhtalif banaya hai, aik usool sab par laago nahi ho sakta.

Question : Khuwab dekhti hain ya bohut haqeeqat pasand hain ?

Amna Haq : Mukammal taur par haqeeqat pasand hoon aur zindagi ko sachaiyan samet manti hoon aur aehmaqon ki jannat mein nahi rehti. Khuli aankhon se jannat ko dekhti hoon. Bohat khush feham nahi hoon aur tawaqquaat nahi rakhti logon se.

Question : Fashion aur style in lafzon ki tareef kya ho sakti hai ?

Amna Haq : Tareef karna aasaan kaam nahi. Mere nazdeek tawazun rakhna aur apna meyaar aur saakh qaiym rakhna bhi ek profession hai. Apni shakhsiyat ko kaise ta dair mutaasir kun rakha ja sakta hai. Ye sawal mujhe mutehrik rakhta hai. Yeh baat bohut aehmiyat rakhti hai ke aap logon ke dilon par kaise hukoomat kar sakte hain aur kitni der tak dil aawez shakhsiyat bane reh sakte hain. Ye koi aasaan kaam nahi.

Question : Kisi cheez se nafrat ?

Amna Haq: Nahi, koshish karti hoon ke nafrat na karon.

Question : Shaadi se pehle mohabbat karna zaroori hai ya arrange shadi hi behtar faisla hoti hai ?

Amna Haq : Kamiyab shadi ka chonke koi bana banaya formula nahi hai. Is liye har tarha se juwa hai. Mukhtalif mauqon par mukhtalif logon ki zarooriyat aur jazbati taqaze judagana ho sakte hain. Pehla usool bas wafadari hai, wo jis qisam ki shadi mein ho jae, na ho to zabardasti nahi hua karti.

Question : Apni shakhsiyat mein koi numayan ikhlaqi khoobi maujood hai ?

Amna Haq : Yehi hai ke khayal rakhne wali hoon. Haqeeqat pasand hoon. Apne liye zindagi ke rastey khud mutaeyn karti hoon.

Question : Pasandeeda mausam / na pasandeeda mausam ?

Amna Haq: Koi bhi shadeed mausam pasand nahi khuwa garmi ho ya sardi, mausamon mein barishon ka mausam acha lagta hai.

Question : Jhoot bolne ka fun janti hain ?

Amna Haq : Sab bolte hain, mein bhi bolti hoon. Mukhe to aese logon ko dekh kar hansi aati hai jo yeh keh rahe hote hain ke hum jhoot nahi bolte. Kyun ke us waqt bhi wo jhoot bol rahe hote hain. Bhae majbooran ya zarooratan app ko jhoot bolna parh he jata hai. Lekin is jhoot se koi barha nuqsaan nahi hoa chahiye.

Question : Pehli job aur awwaleen muaafza yaad hai ?

Amna Haq : ji bilkul yaad hai. A levels ke imtehaan ke bad mein ne montessori tescher ke taur par ek mulazmat ki thi jis se teen hazar rupey tankhuwa mili. Wo main ne sab ki sab shopping aur make up ke saman par kharch kar di thi.

Question : Agar adakara ya model na hoti to kya teacher hotin ?

Amna Haq : Nahi, main Phsychologist hoti, yeh mazmoon mujhe apeal larta hai.

Question : Aap ke liye parties, functions zaroorat hain ya azaab ?

Amna Haq : Main ne har umar ke logon ko status symbol ke taur par parties ke piche bhagte hue dekha hai. Aesi he taqreebaat mein jana chahiye. Jahan app ko bohut se log jante hon, warna to ye mehfilen azaab he hai. Ap to sirf qareebi doston he ki mehfil mein be takalluf ho kar beth sakte hain.

Question : Shayari pasand hai kya ?

Amna : Bilkul bhi nahi.

Quetsion : Ap ka pasandeeda color kaun sa hai ?

Amna Haq: White color bohut pasand hai, shayad suit bhi karta hai. Is ke ilawa halke aur pheeke rang qatai pasand nahi. Pehno to shokh khilte hue rang, ta ke app ki shakhsiyet mein nikhaar to aae.

Question : Dunya ki koi haseen makhlooq jo bohut bhaati ho ?

Amna Haq : Janwar, parindey aur charind yani ye wahid gher mashroot pyar karne wali makhlooq hai, jo khoobsurat bhi hai aur pyar ke badle mein wafa bhi dikhate hain. Agar app andar se narm dil hain to in ke taasuraat mehsoos kiye bina nahi reh sakte.

Question : Dunya ka pasandeeda rishta ?
Amna Haq: Wo to Maa aur Bachey ke talluqaat ke siwa kuch nahi ho sakta. Yeh rishta aitebaar aur aitemaad ka hota hai.

Question : Zindagi ka behtreen usool ?

Amna Haq: Gharelo akhrajaat se le kar pyar dulaar ka har rishte tak miyanarawi aur zehanat se kaam lena seekh jaeye, to app he apni zindagi haseen ho jaegi.

Question : Aap ke bas mein agar bohut si batein ho to ?

Amna Haq : Main phir bhi kuch nahi badlon gi. ALLAH PAK ki banai hui cheezon mein tabdeeli ki khwahish karna na shukri hai aur us ne dunya ko apni aala hikmat-e-amli ke tehat banaya hai. Insaan is qadar munazzim aue aala muntazim nahi ho sakta.

More Links

 

Akshay Kumar
Sonakashi Sinha
Ali Zafar
Nida Yasir
Ahsan Khan
Naseem Hameed
Amina Sheikh

 

Copy Right 2012-2015 www.Meriduniya11.com Contact Us