Meriduniya11 Header
Home>>Interview  

 

 

 

 

 

 

 

 

Nargis Fakhri

Nargis Fakhri was born on October 20, 1979 in Queens ( Newyork ). Nargis Fakhri is 33 years old. She is an American Citizen. Nargis Fakhri has only one sister, her name is Aliya Fakhri. Nargis Fakhri started her career from modelling, Nargis is an American Model. Imtiaz Ali had chosen her as a lead role in his movie “ Rockstar ” with Ranbir Kapoor. Nargis Fakhri is very beautiful and talented actress. Nargis Fakhri is very hardworking. In this page you will meet the very beautiful and gorgeous actress Nargis Fakhri Interview in Urdu and Roman Hindi.

Nargis Fakhri Interview

Nargis Fakhri Photo

Bollywood Star Nargis Fakhri America ki rehne wali hain. In ke walid Pakistani thay, jab ke waldah Jamhoriya Cheak se talluq rakhti hain. Nargis Fakhri ne 2004 mein showbiz world mein aik america ke TV channel ke reality show “ America’s Next Top Model ” se qadam rakha tha. Is show ke bad Nargis Fakhri ne baqaiyda Modelling shuru kar di thi. Modelling ke dauran he in ka film “ Rockstar ” ke director Imtiaz Ali se rabta huwa.

Imtiaz ali ne Nargis Fakhri ki Khubsurti ko dekhte huye apni film mein Ranbir Kapoor ke sath actress ka kirdar karne ki offer ki, jise Nargis ne qabool karne mein dair nahi lagai. Kyun ke maghrib mein bollywood ko aik aesi filmm industry samjha jata hai. Jis mein maghrabi adakaraon ke liye career banane ke aise mawaqey maujood hain yeh film kamiyab rahi aur is mein Nargis Fakhri ki acting pasand ki gaye thi. Nargis Fakhri bollywood mein mazeed kamiyabiyan hasil karne ke liye pur azam hain. Pehli film aur mustaqbil ki mansooba bandi ke hawale se Nargis Fakhri se ki gaye baat cheat qaraiyn ki nazar hai. Hum app ko ab bollywood actress Nargis Fakhri Ka Interview pesh karte hain.

Question : “ Rockstar ” mein kaam karne ka mauqa kaise mila ?

Nargis Fakhri: Mera aur meri behan ka bachpan bohat mushkilaat mein guzra. Meri waldah hamesha kaha karti hain ke himmat kabhi na harna. Un ki yeh baat hamesha mere zehan mein rehti hai. 15 saal ki umar mein Main khasi daraz-e-qad aur pur kashish ho gai thi. Un he dino mujhe modelling ki offer hui. Mujhe ghomne phirne aur duniya dekhne ka shuru he se bohat shauq hai. Jab mujhe yeh offer hui to main ne socha ke is tarha mujhe apne is derena shauq ki taqmeel ka mauqa bhi milega aur aamdani ka zariya bhi ho jaega. Chunache is tarha main modelling ki taraf aa gai. Main un dino Brazil mein apne dost ke sath thi. Jab mujhe ek Email mili, ke Imtiaz Ali mujh se aik film mein role ke silsile mein milna chahte hain. Main Imtiaz se mulaqat ke liye India chali aai. Unho ne Audition lene ke bad mujhe ranbir Kapoor ke maqabil heroin ka role karne ki peshkash ki aur is tarha main bollywood ka hissa ban gai.

Question : Ranbir Kapoor ke sath kaam kar ke kaisa laga ?

Nargis Fakhri: Wo bohat simple aur hansmukh person hai. Un ke sath set par scene film band karwate hue mujhe koi pareshani nahi hui. Main bhi un ki tarha khush mizaj aur zinda dil ladki hoon, to is liye hum dono mein jaldi hum aahangi ho gai thi. Mere sath wo doston ki tarha pesh aate the. Un ke rawaiyye ne mujhe yeh bilkul aehsaas hone nahi diya ke main aik new actress hoon aur wo bollywood ke naamwar actor hain.

Question : Is film ki shooting shuru hone ke bad yeh khabren aane lagi thin ke aap aur Ranbir aik dosre ki mohabbat mein giriftar ho gae hain. In khabron mein kahan tak sadaqat thi ?

Nargis Fakhri: Ranbir se meri sirf dosti hui thi, jo aaj bhi barqarar hai. Hum ache dost hain aur bas... us waqt India mein mere 2 he dost the. Ranbir aur Imtiaz. Film ke kuch taqazon ki wajah se unho ne film release hone tak har kisi se door rakha. Bas itni si baat thi jis ka media ne faiyda utha kar baat ko ulta matlab de diya. Showbiz ke naamwar shakhsiyat se dosti aur un ke sath kaam karna mere liye koi nae baat nahi hai. America ki top model hone ki wajah se wahan super stars ke sath meri kafi achi friendship hai. Lekin wahan aesa nahi hota ke do logon ko aik sath dekha aur scandal bana diya. Ranbir se meri sirf dosti hai. Mohabbat usi se karongi jise jeevan sathi banaogi.

Question : Aap ko Ranbir Kapoor ki Waldah ke sath bhi dekha ja raha tha ?

Nargis Fakhri: Woh aik zabardast khatoon hain. “ Rockstar ” ki shooting ke dauran main bimar ho gai thin. Ranbir ne meri tabiyat ke barey mein apni Maa ko bataya ke mera Hindustan mein koi nahi hai to wo forun mere paas aa gaen aur mera khayal rakhne lagi. Kuch he dino mein Ranbir se ziyada meri un se bohat achi dosti ho gai thi. Wo aesi khatoon hain ke main unhe zindagi bhar bhula nahi paongi.

Question : Ranbir ke sath ap ki jorhi pasand ki gai thi aur yeh film bhi superhit rahi thi. Is ke bawajood aap manzar namey se ghayab ho gae. Is ki wajah kay thi ?

Nargis Fakhri: “ Rockstar ” ki release ke bad mujhe beshumar offers hui thin. Lekin jin logon ke sath main kaam kar rahi thi. Wo nahi chahte the ke main koi bhi dosri film sign karon. Shayad yeh un ki hikmat-e-amli thi, jis ki wajah se unho ne mujhe har kisi se door kar diya tha. Yeh mere liye mushkil soorat-e-haal thi, kyun ke yahan na to meri family thi aur na he koi qareebi azeez. Mujhe hindi bhi nahi aati thi aur na he main tarbiyat yafta actress thi, aur na he yahan mera koi God Father tha. Mujhe apni waldah ki bhi dekh bhal karni thi. Is liye main is film ke bad film industry se door ho gai thi. Lekin ab main wapis aa gai hoon aur 2 filmon ke silsile mein meri baat cheat chal rahi hai.

Question : Future mein khud ko kahan dekhti hain ?

Nargis Fakhri: Main ne hamesha mehsoos kiya hai ke meri zindagi ka maqsad insano ko samajhna hai. Main 12 saal ki he umar se mehnat kar rahi hoon. Meri waldah ne hum dono behno ki parwarish aese mahaul mein ki jo tarkeyn watan ke liye apne andar nafrat rakhta hai. Ab main mali taur par apno waldah ka khayal rakhti hoon. Main us waqt tak India mein rahongi jab tak ALLAH PAK ko manzoor ho ga. Mujhe yaqeen hai ke bollywood mein mera future bright hai. Kyun ke main apne career par bohat mehnat kar rahi hoon.

More Links

 

More Links

 

Copy Right 2012-2013 www.Meriduniya11.com Contact Us