header
Home>Interview

 

 

 

Ranbir Kapoor

Ranbir kapoor was born on 28th September 1982 in Mumbai. He is 30 years old. He is an Indian film actor. Ranbir is a Son of the very famous actor Rishi Kapoor and the very famous actress Neetu Singh and Ranbir’s Grandfather is very talented and great actor and filmmaker Raj Kapoor. His coming film is "Yeh Jawani Hai Deewani" and "Besharam". He received first filmfare award for best actor in Rockstar 2011 and second filmfare award for best actor in Barfi 2012. In this page you will see the interview of Ranbir Kapoor Interview In Urdu and Roman Hindi.

Ranbir Kapoor Interview

Bollywood actor Ranbir Kapoor Photo

Kaun hai Khan heroes ka torh aur kis ka jorh ho sakta hai. Itna pakka ke Khan heroes ki Chattan jaisi popularity mein darhar daal saken ! pichle 20 saalon se is sawal ke jawab mein kae naam samne aae aur aaj kal jo naam is sawal ki soorat manzar namey par ubharta hai, wo hai Ranbir Kapoor ka… Raj ke is iklotey petey ne aamad ke sath he qasam khai thi ke Dada ki wirasat pori karega aur RK Banner ko wohi purani shaan dega jo Dada ki maarfat tey hui thi. Abhi film making ke meydan mein to Ranbir kuch nahi kar paya. Magar acting mein Dada Raj Kapoor ki tarha jhandey garhne shuru kar diye hain. Pichle kae salon tak Awards ka meyla Shahrukh Khan loot’te aae hain.

Kabhi kabhi Salman Khan aur Amir Khan bhi shareek-e-safar ho jate the magar baqi acha kaam karne wale sirf taliyan le pate the. Award nahi tahum ab yeh equation ab Ranbir Kapoor ne badal di hai. 2011 mein Rockstar aur 2012 mein Barfi ke liye awards paa kar kam az kam is muamley mein young Kapoor ne teeno senior Khan heroes ko over shadow kar diya hai. Is waqt Ranbir ki 2 films "Yeh Jawani Yeh Deewani" aur "Besharam" zer-e-takmeel hain aur agar 2013 mein agar teer nishane par lag jata hai to phir kamiyabi ki hat rick poti hone par Ranbir ko Next superstar ke liye mazeed mazboot umeedwar maan liya jaega.

Question : Jis tarha 2011 mein aap ne Rockstar ke zariye award hasil kiya tha, isi tarah 2012 mein Barfi ki badualat hua ?

Ranbir Kapoor : Agar aap ki soch sahi kaam kar rahi hai. Aap mehnat par amada ho, jo kiya ho use na sirf qabool kiya jae, bal ke pazeraai bhi mile to khushi kyun nahi ho gi. Barfi aik imtehan tha, jis mein surkhrou raha. Aaj jab har taraf communication ka daur hai to Barfi ka hero dumb tha aur agar dumb ne bazi mari hai to waqai barhi baat hai, magar is barhi baat ke hone mein bohat barhe Guru Anuragh Basu ki mehnat sab se ziyada hai.

Question : Ab log kehne lage hain ke Ranbir Khan heroes ka jawab hai aur industry ka next superstar banne ja raha hai ?

Ranbir Kapoor : Aik news paper dekh raha tha. Jis mein likha tha. Khan heroes 47 saal ke ho gae hain, to humen nae superstars ki zaroorat hai. Is ka matlab yeh hua main 30 ka hoon to agar ab superstar ban jata hoon. Tab 17 baras bad mujhe bhi dhakka diya jaega yani karkardgi bad mein aur umar pehle. Aisa nahi,,, Khan heroes jahan hain wahan pori garden oper kar ke dekh to sakta hoon magar abhi wahan pohanch nahi sakta. Is industry ka kya bal ke duniya ka bohat barha actor banna chahta hoon magar is ke liye waqt aur mehnat chahiye. Haan is raste par chal parha hoon magar manzil door hai.

Question : Aaj kal ke actors pehle stars banna chahte hain aur baqi kuch aur yani unhe acha actor banne se ziyada star banne mein dilchaspi hai ?

Ranbir Kapoor: Shayad is ki wajah star ki chaka chaund aur awam mein craze ki badaulat ziyada muafzaa milna ho. Aaj ke jo top stars hain, unki worth ke hisab se main khud ko nahi dekhta. Kyun ke Rowdy Rathore, Dabangg, ya Singham ne jo business kiya aur heroes ki badaulat in films ko jaisi pazeraai mili. Waisa shayad main nahi kar pao. Aaj kal abhi Nau Kashap ki Besharam kar raha hoon. Jis mein item song hai, full tapori aur action style bhi hai magar mujhe lagta hai ke in sab se ziyada Besharam ki bohat achi story support degi aur INSHA’ALLAH yeh film 100 crore se ziyada ka business karegi.

Question : To aap ke liye bhi 100 crore ka label matter karne laga ?

Ranbir Kapoor: Har aik ke liye matter karta hai, jab Rockstar ne achi uthan ke bad thora loose kiya tab har trade report mein aa raha tha key eh film 100 crore nahi kamaiygi. Is ke bad Barfi ne bohat acha start liya to kaha gaya ke dosre ya teesre hafte mein 100 crore kar legi. Jab har taraf 100 crore ka shor ho to banda basher is se mutasir kyun nahi ho ga. Hum sab yahan kamane ke liye he to aae hain. Is liye agar 100 crore hamara target ho to aap apni karlardgi ka andaza is se match kar ke laga sakte hain. Hum apni films par waqt, paisa aur mehnat ka investment karte hai aur is ke badle kamiyabi mile to kuch pate hain, warna sab kuch hath se nikal jata hai.

Question : Deepika Padukone samet jin ladkiyon ke sath tumhara talluq raha un sab ka kehna hai ke tum pakke Mama’s Boy ho aur jo Mama kehti hain wohi karte ho ?

Ranbir Kapoor: To is mein bura kya hai. Jitni Mama mere liye mukhlis ho gi aur koi aur nahi ho sakti. Main un se bohat ziyada pyar karta hoon aur Mama’s Boy ke tag se khush hoon. Aaj aap ke samne aik award yafta actor betha hai to is ki wajah meri Maa he hai.

 

 

More Links

 

Copy Right 2012-2013 www.Meriduniya11.com Contact Us