Header
Home>Interview  

 

 

 

 

Saeed Ajmal

Pakistani Cricketer Saeed Ajmal was born October, 14, 1977, Punjab. Saeed Ajmal is a wonderful leg spinner of Pakistan cricket team. He started his career in 2007 against India. He is king of “doosra” in international cricket. Here is an interview with Saeed Ajmal, in this interview he is talking about his tour of South Africa. Hope you will enjoy the interview and will know lots of things about Saeed Ajmal and his career. In this page, you will read Saeed Ajmal Interview, Saeed Ajmal Interview In Urdu.

Saeed Ajmal Interview In Urdu

Pakistani Cricketer Saeed Ajmal Photo

Question: Drawing room mein bari tadad mein trophies saji hain, jo thori jagah khali nazar arahi hai south Africa ke khilaf series in ki tadad mein izafe ka acha muqa ho gi, kia irade hain?

Saeed Ajmal: Trophies aur kamyabi Allah taala ki karam nawazi, walden aur paristaron ki duaon ka natija hain, south afica ke khilaf Mutehdah Arab Amarat mein ghuzishta series mein karkardagi umdah rahi thi, is bar bhi spinners ke leye muzo conditions se bharpur faidah uthane ke leye betab hun, pori koshishs ho gi ke man of the series ki surat mein aik aur trophy mere showcase ki zenat ban jaye.

Question: south African team ko spin ke jaal mein phasane ke leye koi nai variety taiyar kar rahe hain?

Saeed Ajmal: mere pas phele hi itni mosar hatyar mujod hain ke south African team ko qabo kar sakon, kisi na varity ka nahi soch raha, har batsman ki technique aur nafsiyat ko samne rakhte howe mukhtalif harbe azma kar team ki fatohat mein aham kirdar ada karne ki koshish karon ga.

Question: Kaha jata hain ke south African batsman spin ko khelte howe ghabrahat ka shikar hote hain, ap kia kahein ge?

Saeed Ajmal: South African number one hain. Is muqam tak pohanchne ke leye top class batsmen aur bowlers ki zarorat hoti hai. Mera nahi khayal ke unhen koi ghabrahat hoti ho gi. Duniya ki behtareen bating line ko out karne ke leye humein sakht mehnat ki zarorat ho gi, humare blowers bhi salahiyaton mein kisi se kam nahi, umeed hai ke hum UAE ki conditions mein un ka bharpor muqabla karte howe musbat nataij hasil karne mien kamyab hun ge.

Question: South Africa ke khilaf series kesi wickets par khelna pasand karein ge?

Saeed Ajmal: UAE mein humari home series hai, apni marzi ki wickets taiyar karana humara haq hai. Rawan saal south Africa ne humein apni bowling aur bating ke leye sazgar conditions mein green top wickets par khelaya, management ko ab ese track mutakhib karna hon ge jo humari team ke leye muzo hon.

Question: ap ko khasi takhir se international cricket shuru karne ka muqa mila, is taweel safar mein kisi mauosi ka bhi shikar howe?

Saeed Ajmal: international debut ke intezar mein kai papar bele, rozgar ke leye mukhtalif kaam keye, garmiyon mein khandani karobar kapre ki tejarat ke leye dukan par jata, sardiyon mein cricket khelta shadi bhi ho gai, KRL ki taraf se tankhuwa itni nahi milti thi ke guzara hota, state life ke sath wabasta ho gaya ta ke izafi amdani hasil ho sake, in halat mein ghar walon ne warning de di ke tumare pas akhiri saal hai, cricket mein career aage na barha to khandani karobar mustakil bunyadon par sanbhalna ho ga, Khuda ka shukar hai ke mujhe qomi team mein jagah mil gai aur international kamyabiyon ka safar bhi shuru ho gaya, phir peche mor kar dekhne ki zarorat mahi pari.

Question: Pakistan ki numaindagi ka muqa kese mila, kuch ahwal batayein ge?

Saeed Ajmal: Herat ki baat ye hai ke 2005 mein season mein top kiya to bhi qomi team ke leye muntakhib na kiya gaya, tarbiyati camp mein bolaye jane ke bawajod khelna ka muqa nahi mil saka. Agle saal bhi bharpur form mein tha magar zer e ghor nahi laya gaya. 2007 mein sirf 17 out kiye the ke green shirt zebtan karne ka muqa mil gaya.

Question: kis ne shanakht kiya ke ap ka telant mulk ke kaam asakta hai?

Saeed Ajmal: Misbah ul Haq mere ache dost hain unhon ne management se kaha ke team mein quality spinner ki kami mehsos hoti hai, ap aik bar Saeed ko check zaror kar len, badizan job hi fasla kiya gaya qabol ho ga, tarbiyati cam mein aya to yahan aik aur challenge ka samna karna par gaya. Sarfaraz Nawaz ne kaha ke ye larka baal thro karta hai, international cricket mein chal nahi sakta. Unhon ne hadse ki wajah se hadi mein kham aur biomechanics test taqazon ko nazar andaz karte howe apna fasla sadir kar deya. Misbah ne meri wakalat karte howe kaha ke 15 saal se domestic cricket khel raha hai, action mein koi masla nazar nahi aya, ap aik bar ese international cricket mein khelne ka muqa den, agar koi mashkok baat hoi to ICC ke iteraz par career khatam ho jaye ga, mujhe dobara camp mein bola kar achi tarah check kar ke bahrat ke khilaf azmane ka fasla kiya gaya. Riwayati harif ke home ground par career ka aghaz karne ki soch se hi mere tangein kanp rahi thein, phir apni himat bandhai ke itna arsa ho gaya first class cricket mein perform kar raha hun tajurba kis din kaam aye ga. Misbah ul Haq ne bhi khasi hosla afzai ki. Unhon ne kaha ke aaj career ka phela aur akhiri muqa samajh kar bowling karo, kamyab raho ge.

Question: Awalen match mein karkardagi kesi rahi?

Saeed Ajmal: Wicket to sirf aik hi hasil kar saka lekin ese waqat mein jab degar bowlers ki bharpur petai ho rahi thi, mein ne runs roke, akhiri 5 overs kar ke bharat ko 350 ka total hasil karne se baz rakha, is match mein meri varity aur line length ne gehra asar chora, mubasareen ne bhi karkardagi ko saraha jis ke bad qomi team ka mustaqil rukun ban gaya.

Question: Test mein kamyabiyon ka silsila kese shuru howa?

Saeed Ajmal: Younis Khan Captain the unhon ne kaha ke Sirilanka spinners ki janat hai, apni salahiyaton ke mutabiq perform karo, tumhen yehi test hi nahi, agle do match bhi khelna aur team ke leye aham kirdar ada karna hai. Un kitaraf se etemad aur hosala deye jane ke bad mein innings mein 5 wickets hasil karne mein kamyab ho gaya. Bazizan Australia ke khilaf T20 career ke aghaz ka muqa bhi mila jis mein behtareen karkardagi se moral bulandiyon par ja pohancha.

Question: “Doosra” mein maharat kab aur kese hasil ki?

Saeed Ajmal: Faisalabad ke aik bowler Aqeel Murli “doosra” ko bator hatyar istemal kate the. Saqleen Mushtaq ke bad unhen is hawale se pehchan hasil hoi, Faisalabad ki team bani to Aqeel Murli ko isi izafi khubi ki wajah se mujh par tarjih de gai. Is fasle ke bad mein zarae amdan mein izafe ki soch le kar club cricket khelne ke leye England chala gaya, wahan hafte mein do din match khelte aur baqi 5 din faraghat hoti. Mein ne Saqleen Mushtaq ki videos dekhein, sabiq bowler ki ungliyon ki harkat ka barik beni se mushahida karte howe derh mah tak sirf aur sirf “doosra” ki mashq ki.

Question: Saqleen Mushtaq ne ap ko sekhane mein koi kirdar ada kiya?

Saeed Ajaml: Main ne sirf un ki videos dekh kar apne tajurbat aur musalsal mashq se sekha, is doran un se mulaqat ka moqa nahi mil saka, tahum test cap hasil karne ke bad un se mila aur bowling ke hawale se baat chet hoi.unhon ne qimti mashwaron se bhi nawaza.

Question: Chand sabiq cricketers ka kehna hai ke batsman ap ki ball ko samajhne lage hain, bowling ghair muasar hone se ap ka career mukhtasir ho jaye ga?

Saeed Ajaml: Is mein koi shak nahi ke duniya bhar ke coaches aur batsman harif bowlers ke videos ka jaiza le kar khub home work karte hain. Un ki koshish hoti hai ke muhtalif harbon ko nakaam banane ke tariqe talash keye jayein,lekin hum bhi aram se nahi bethe rehte, apni varieties, line aur length par mukhtalif tajurbaat karte rehte hain, ta ke bat aur ball ki jung mein humein kamyabi hasil ho. Sari duniya ko malom hai ke main doosra karata hun. Phir bhi beshtar batsman achi tarah khel nahi pate aur ghalti karne par majbor ho jate hain.ball dorust length par parne ke bad ghomti hai to samakhna asan nahi rehta, main to Allah ka naam le kar medan min utarta aur har ball par wicket lene ki koshish karta hun. Kai bar batsman bohat ziyadah home work ke bawajod bowling ko nahi samajh pate , mera kaam 100 fisad performance dena hai, kamyabi Allah ke hat mein hai.

Question: Kabhi kabhi akhiri over mein ap ko ziyadah runs par jate hain, is ki kia wajah hai?

Saeed Ajaml: Koi bowler surat e haal ko hath se nikalta dekhna pasand nhai karta. Taham cricket mein ese lamhat bhi ajate hain ke kuch bhi ap ke haq mein nahi jata, pori koshish hoti hai ke aik aik ball nap tol kar phenkon, jis se nataij humare haq mein hun lekin kabhi kabhi esa bhi hota hai kea p bharpur koshish ke bawajod apni hikmat e amli mein kamyab nahi hote, batsman ka din acha aur ap ka bora hota hai.

Question: Kisi batsman ke samne bowling karte howe ghabrahat mehsos karte hain?

Saeed Ajaml: Mujhe aksar uqat mushkil surat e haal ya aham mawaqe par hi bowling ke leye kaha jata hai, isi leye har challenge ke leye khud ko taiyar rakhta hun. Kisi se khofzadah nahi hota, isi etemad ki badolat Cerise Gele samet kai chakechurane wale batsman qabo kiye. Kevin Peterson ki bhi aik na chalne di, kisi ke samne ghabrahat nahi hoti, agar kisi ka style jarihana hai to hum bhi aik aik batsman ki video dekh kar coach aur captain ki mushawarat se pora home work karte hain ke un ko kis tarah qabo mein kiya jaye. Test mein mujhe Sangakara ne bohat metasir kiya. Sirilakan batsman ebteda mein bare mutat andaz mein pitch aur bowling ko samajhte hain, cries par set hone ke bad un ko rokna mumkin nahi hota.

Question: App ke bowling action par bhi kai bar khub shor machaya gaya, kia wajah hai?

Saeed Ajaml: Sirilankan spinner Murli Dharan ki tarah mere kandhe mein bachpan hi se teraha pan hai jis ki wajah se shakok zahir kiye gaye taham aik bar biomechanics lab mein mukamal test karane ke bad ICC ne clear kar deya to koi masla nahi raha.

Question: haal hi mein Jon Emberi ne shakok peda karne kikoshish ki?

Saeed Ajaml: Un ke apne mulk ka bowler ho to sab sahi hai. Unhen bahrat , Australia ke bowlers mein koi nuqs nazar nahi ata. Pakistan, Bangladesh, Zimbabwe ke khelariyon par koi ungli uthe to koi jawab mein kuch nahi kar sakta. Mere pas clearance certificate mujod hai, ICC eteraz kare to chala jaon ga, beja tanqid karna walon ki baton se koi farq nahi parta, captain ka bhi mashwara hai ke fazol bayanat ko khatir mein lane ke bajaye apni performance par nazar rakho.

Question: Ap ke khayal mein career ke mazid kitne saal baqi hain?

Saeed Ajaml: Khud ko world cup 2015 tak super fit dekhna chahata hun, lambi chori mansoba bandi nahi karta, pori koshish ho gi ke jab tak himat hai mulk o quom ke leye perform karta rahun taham jab mehsos kiya ke koi nujawan spinner mere khila ko pur kaarne ki salahiyat rakhta hai to khud hi us ke leye jagah khali kar don ga.

Question: App in dinon batting se bhi lutf andoz ho rahe hain, rawan saal ap ke test runs Muhammad Hafeez se ziyadah hain?

Saeed Ajaml: Kabhi kabhi esa ho jata hai, aik saal first class mein bhi mere Muhammad Hafeez se ziyadah runs the, all rounder bohat ache khelari hain har batsman par kabhi na kabhi bora dor a jata hai, wese bhi humari batting esi ja rahi hai ke tail enders bhi runs karein to team ke mafad mein hota hai. Coach ka khayal hai ke mujh mein wicket par qayam karne aur runs banane ki salahiyat mojud hai, isi leye batting behtar banane par bhi thori tawajah de, jis ka faidah bhi ho raha hai, cries par j akar kisi bhi surat e haal se ghabrata nahi, bowling mein mujhe mushkil mawaqon par azmaya jata hai, runs bhi rokne hote hain aur wicket girane ki zimedari mujh par hoti hai, batting mein bhi esi jazbe se perform karne ki koshish karat hun.

 

 

More Links

 

Copy Right 2012-2014 www.Meriduniya11.com