Header
Home>>Interview >  

 

 

 

 

Varun Dhawan

Varun Dhawan was born on 24 April 1987 . He is a new Kid Star. He is the son of the famous director David Dhawan. He started his career in Bollywood in the film of “ Student Of The Year ’’ along with Sidharth Malhotra and Aliya Bhatt. He worked as a Assistant Director with Karan Johar in his film “ My Name Is Khan ”.

Varun Dhawan Interview

Actor Varun Dhawan Photo

Bollywood mein star kids ki riwayat jarh pakarhti ja rahi hai aur nae aane wale beshtar adakaron ka talluq filmi gharano se hai. Mazi ke qareeb mein Anil Kapoor ki beti Sonam Kapoor, Rishi Kapoor ka beta Ranbir Kapoor aur Shatrughan Sinha ki beti Sonakshi Sinha filmi dunya mein entry de chuke hain aur un ka safar kamiyabi se jari hai, is ke ilawa bhi kae star kids filmi dunya ke darwaze par dastak dene ki tayyari kar rahe hain. Jab ke aane wali film “ Student Of The Year ” mein Mahesh Bhatt ki beti Aliya Bhatt aur hidayatkaar David Dhawan ke bete Varun Dhawan pehli baar adakari ke johar dikha rahe hain. Albatta in dono adakaron mein aik qadar mushtarka ye hai ke film maker aur director ki aulad hone ke bawajood inho ne apne home production se debut karne ke bajae bahar ki film karne ko tarjeeh di. Wajah kuch bhi rahi ho lekin is faisle se kam az kam ye zaroor zahir ho gaya ke in fankaron ko apni salahiyat par kitna aetemad hai. Is barey mein mazeed tafsilaat Varun Dhawan se he maloom karte hain.

Question : Aap ka talluq aik filmi gharane se hai, kya ap samajhte hain ke filmi background rakhne walon ke liye industry mein jagah banana aasaan hai ?

Varun Dhawan: Main nahi samajhta ke film industry par kisi ka peydaishi haq hai. Mazi mein kae stars ke bete aur betiyan is liye kamiyab na ho sake ke un mein talent ki kami thi. Aap naamwar baap ki aulad hone ya un ke talluqaat hone ke balbote par aik do filmen to hasil kar sakte hain, lekin us ke aage ka safar khud tey karna hota hai. Agar ap mein talent ki kami hai to ap kitne he barhe baap ke bete kyun na ho. Ap ko koi nahi pochega, jab ke kae non filmi background rakhne wale bhi yahan super star ban gae hain. Agar ap mein talent hai aur strugle kar sakte hain to koi ap ko aage bharne se nahi rok sakta. Mein shur se he yeh baat janta tha ke sab kuch apne he bal bote par karna hai aur family par bhi yehi sabit karna chah raha tha. Main ne kabhi ye tawaqqa nahi ki ke kahin se koi madad milegi.

Question : Aap ne apni jaddojehad ka aaghaz kis tarha kiya ?

Varun Dhawan : Jjab ap kisi kaam ka iradah kar len to raaste khud ba khud khulte chale jate hain. Ye meri khush qismati thi ke Karan Johar ki film “ My Name is Khan ” mein assistant director ke taur par kaam karne ka mauqa mil gaya. Is ke bad mein ne Barry John se training li aur kuch short filmon mein kaam kiya. Aesi he aik film mein Karan Johar ko mera kaam pasand aya aur unho ne mujhe “ student of the Year ” ke role ke liye select kar liya.

Question : Is role ke bare mein ap kuch bataenge ?

Varun Dhawan : Main ne is film mein Rohan Nanda ka role play kiya hai. Jis ka talluq Dehli ki high society se hai, bohat ziyada ladla aur piyar ki wajah se wo thora sanki bhi ho gaya hai aur har kaam mukhtalif andaaz main karta hai. Jab ke kabhi kabhi manfi tarz-e-amal bhi ikhteyar kar leta hai. Mere khayal mein ye ek aesa character hai jis se har koi relate kar sakega.

Question : Kya aap apne walid se filmon aur showbiz se mutalliq deegar muaamlaat par mashwara karte hain ?

Varun Dhawan: Ji haan zahir hai agar unho ne actor banne main meri madad nahi ki to kya hua, un ke tajurbey se to faida utha sakta hoon na. Jaise mujhe is film mein ek gana picturize karwana tha, wo main ne Dady ko kar ke dikhaya aur unho ne us barey mein mujhe guide kiya. Albatta unhe yaqeen tha ke main industry ke behtreen director ke sath kaam kar raha hoon jo actors se kaam lena jante hain.

Question : Suna hai ke co actress Aliya Bhatt ke sath shuru shuru mein aap ke talluqaat ache nahi the, phir yeh barf kaise pighal gai ?

Varun Dhawan: Alia Bhatt start mein mujhe pasand nahi karti thi aur is ki wajah yeh thi ke main ne pehle din use HI nahi kiya tha, lekin us ki wajah ye thi ke mein apne look test mein masroof tha aur mein ne us ki taraf nahi dekha. Is baat ko le kar woh pehle hafte mujh se naraz rahi aur phir khud ba khud us ka mood thek ho gaya.

Question : Ab tak ap ko Karan Johar ki rehnumai aur tahaffua hasil raha lekin ab yeh sahara chin jaega to kya karoge ?

Varun Dhawan: Main ne soch liya hai ke har director ka actor ban ke rahonga aur apne har director ko ustaad maan kar un ki rehnumaai mein kaam karonga. Har adakar khuwa wo chota ho ya barha, use dosro se muqabla karna hota hai. Main zehni taur par is ke liye tayyar hoon aur film ki release ke bad dosro se muqabla karne maiydaan mein aa jaonga, yehi is industry ka system hai.

Question : Mustaqbil main kaun sa adakar aap ka hareef ho sakta hai ?

Varun Dhawan: Yeh sawal abhi qabal az waqt hai, jab tak khud koi maqam hasil na kar loon us waqt tak kisi ko apna hareef nahi samajhta. Seniors se to waise bhi mera koi muqabla nahi aur juniors se is waqt khatra mehsoos hoga. Jab koi gher mamooli performance ke sath maidan mein aaega. Lekin mein samajhta hoon ke har actor apna hareef khud hota hai aur us ki kamiyabi isi mein hai. Ke wo pehle ke muqable mein behtar kaam kare.

More Links

 

 

Akshay Kumar
Sonakashi Sinha
Ali Zafar
Nida Yasir
Ahsan Khan
Naseem Hameed
Amina Sheikh

 

Copy Right 2012-2013 www.Meriduniya11.com Contact Us