Meriduniya11 Header
Home>>Interview  

 

 

 

 

 

 

Vidya Balan

Vidya balan was born on 1st January 1978 in Ottapalam. She is 35 years old. Vidya is an Indian Film Actress. She also works in Bengali and Malayalam movies. Vidya Balan performed her first acting in the Zee TV serial "Hum Paach". She married with Sidharth Roy Kapoor, he is a Business Man. After marriage she says that I will perform in movies again. In this page, you will read Vidya Balan Interview In Urdu and Roman Hindi.

Vidya Balan Interview

Bollywood Actress Vidya Balan Photo

Bollywood actress Vidya Balan ne thore se arsay mein apni inning jum kar kheli hai. Pichle 2 saalon se to pitch par khari lagatar 4 aur 6 laga rahi hain aur yaqinan sab se barha 6 zindagi ke score mein Sidharth Roy Kapoor jaise chahne wale ko shamil karna hai. Shadi se pehle tak Vidya aik film "Ghan chakkar" mein busy thin aur dosri kisi bhi offer ko qabool karne par aamada nahi nazar aa rahi thin. Zahir hai ke care free ho kar shadi karne ke liye aisa tha aura b jab ke shadi ho chuki hai to Vidya phir se bohat jald films mein kaam karengi. Kyun ke un ka kehna hai ke shadi se career par asar nahi parhna chahiye. Vidya ki shadi ke baad yeh arrange ki gae changing Interview 2013 app enjoy Karen.

Question : Kon se SRK ko tarjeeh dengi, Shahrukh Khan ya Sidharth Roy Kapoor ?

Vidya Balan : Shadi kar chuki hoon, kya ab bhi yeh sawal banta hai ? mere liye Sidharth Roy Kapoor se ziyada aeham koi aur ho he nahi sakta.

Question : Arrange marriage ya Love marriage kis shadi par yaqeen rakhti hain aap ?

Vidya Balan : Main sirf aesi shadi par yaqeen rakhti hoon, jis mein Mohabbat ho aur jab Mohabbat ho to phir kisi aur cheez ki zaroorat nahi rehti.

Question : Kya stardom ne aap ki personal life par asar dala hai ?

Vidya : Bilkul dala hai, bohat se kaamon ke liye waqt nahi milta. Yahan tak ke rishtedaron mein aana jana mumkin nahi raha. Tahum main sab se pyar karti hoon aur is ka aehsaas dilate rehti hooon, is liye koi complain nahi karta.

Question : Agar aap ko mauqa mile koi aik aadat khatam karne ka to kis aadat ko khatam karna chahengi ?

Vidya Balan : Jaisi hoon aise he thek hoon aur mujhe nahi lagta ke koi aesi aadat ho gi jise badalna chahongi.

Question : Kya aap ka koi childhood crush hai ?

Vidya : Mujhe Amitabh Bachan bohat pasand the aur main apni Maa se zid karti thi ke un ki film dikhane le chalen, magar ise crush nahi kaha ja sakta.

Question : Film industry mein aap ka best friend kaun hai ?

Vidya Balan : Koi nahi… yeh aik aesi jagah hai jahan koi kisi ka dost nahi ho sakta. Kam az kam mera tajurba to yehi kehta hai.

Question : Suna hai ke aap Billiyon se barhi khaufzada rehti hain ?

Vidya : Nahi aesi baat nahi, mujhe billiyon se bohat pyar hai. Magar haan mere paas koi pet cat nahi hai. Sirf us waqt darr jati hoon jab kali Billi rasta kaat jae, is muamley mein to hum parast hoon.

Question : Aap ka dream role kya hai ?

Vidya : Aik nahi 2 kirdar karna chahti hoon. Aik kirdar Indara Gandhi ka hai. Mujhe lagta hai yeh aik bohat he tough aur mushkil kirdar ho ga. Dosri khuwahish yeh hai ke Lata Mangeshkar ki zindagi par koi film bane aur main us mein Lata Ji ka kirdar nibhaon.

Question : Kya yeh thek nahi ke film Kahanii ka end film Taking Lives se liya gaya hai jaise jhoti pregnancy ?

Vidya Balan : Yeh aap ka khayal hai, is mein sachai bilkul nahi. Kahanii aik original film hai aur is ke maker aur writer ne kisi dosri film se mutasir ho kar use nahi banaya.

Question : Aap tanqeed ko kis tarha leti hain ?

Vidya : Aam si baat hai ke tanqeed ko tameeri hona chahiye. Jab koi khuwama khuwa ki tanqeed karta hai, to dil chahta hai us ka Mou torh doon.

Question : Bappi Lehri aur A.R. Rehman mein se aap ke type ka music director kaun hai ?

Vidya Balan : Main janti hoon yeh sawal kyun pocha gaya hai. To Hai Meri Fantasy, Bappi Da ne compose kiya hai aur yeh song meri pehchan ban gaya hai. Is liye Bappi Da ko Let down karne ka sawal he nahi uthta. Magar dosri taraf A.R. Rehman hai, koi nahi hai un ke jorh ka.

Question : Is waqt film industry ka sab se best actor kaun hai ?

Vidya : Film Barfi dekhne ke bad bilashuba ranbir Kapoor ka naam liya ja sakta hai.

Question : Emraan Hashmi ke sath dosri dafa kaam kar rahi hain aap, is smoocher actor ke sath comfortable ho ya nahi ?

Vidya Balan : Agar Emraan ka image is tarha ka hai to The Dirty Picture ke bad meri image bhi koi saaf suthri nahi rahi. We are on same boots, so that’s why very comfortable with each other.

 

 

 

Copy Right 2012-2013 www.Meriduniya11.com Contact Us