Header
Home>> News  

 

 

Flood In Sindh 2013

(Sindh Main Selab )

Sindh is a Province of Pakistan. After Punjab, now Sindh has facing the water floods. Many areas has affected because of flood that is Khairpur, Ghotki, Sukkur, Kandhkot, Ghauspur, Shikarpur and more. Guddu Barrage has also affected too much. Many School, Mosques, Roads are deep in the water. Protectors are working in flood areas. The floods are not merely an act of unkind nature, but it is actually a resultant of bad planning, poor coordination and a complete institutional mess. In this page, you can see the news about Flood In Sindh 2013 ( Sindh Main Selab) In Urdu.

Sindh Main Selab ( Flood In Sindh)

Sindh flood image

Punjab mein tabahi machine ke baad selabi reyle ne Sindh ka rukh kar liya. Sindh mein pani ki satah musalsal buland ho rahi hai. Guddu Barrage ke maqam par oonche darjey ka Selab hai. Ghotki, sukkur, kandhkot, ghauspur, Shikarpur, khairpur aur deegar shehron mein selabi reyla senkrhon dehaton ko rondtey hue tezi se aage barh raha hai. Guzishta 24 hours ke dauran Guddu mein pani ki aamad aik se derh lakh cusec record ki gai hai. Sukkur barrage main darmiyane darjey ki seylabi sortehaal barqarar hai. Jis ke baiys 46 se zaiyd maqamat hassas qarar diye gaey hain. Darya e Sindh (River Sindh) mein pani ki satah buland hone ke baiys sukkur, ghotki aur kashmore azlaa main kache ke mutaddid dehaat doob gae hain aur senkaron afraad pani mein phanse hue hain. Hazaron aekarh kaasht ki gai mukhtalif faslein bhi selabi pani mein doobi hui hain. Mutasara areas ke makeeno ko mehfooz maqam par muntaqil karne ka amal shuru kar diya gaya hai. Khairpur ke kache ke ilaqey mein mazeed dehaton mein seylabi reyla dakhil ho gaya hai. Mutaddid School, Mosque, Road, Ways pani mein doob chuke hain.

Dehaton ka aik dosre se aur shehron se zameeni raabta munqata hai. Bachao bando’n par pani ka dabao musalsal barh raha hai. Jis ke baiys bachao bando’n ke totney ka khatra la haq ho gaya hai. Ilaqa makeeno ne mehfooz maqamat par muntaqil hona shuru kar diya hai. Bachao band tota to zilaa khairpur ki tehseel mukammal taur par doob jaega. Khairpur khan wah nehar mein pani ka dabao barhne se R.D. 27 mein 20 ft chora shigaaf ho gaya. Zarai zameeney zeyr e aab aa gai. Mutasireen ne apni madad aap ke tehat shigaaf parh gaya. Hassas qarar diye gaya.

Darya e Sindh (River Sindh) ke bakeri loop band mein pani ki satah main tezi se izafa ho raha hai. Jis ke baiys kache ke landi jamal, nagar samiyo, purana kamal, veera, bahadur kalhorho aur essa kalhorho samet kae dehaat pani ki lappet mein aa gae. Mehakma e aabpashi ki janib se kache makeeno ke makanaat khali kar ke mehfooz maqamat par muntaqil hone ki warning di gai hai. Talluqa jhado se guzarne wali purani naddi aur seym naaley mein mehakma aabpashi ne mukhtalif ilaqon ka pani chor diya. Purani naddi ki pusht mazboot na kiye jane ke baiys shigaaf ka khadsha barh gaya hai. Ilawa azee’n Deputy Commissioner Jamshoro Sajid Jamal Abrho ne selab ki majmoii sortehaal se muttaliq bataya kea b tak surtehaal control mein hai tahum kisi bhi hungami surtehaal se nimatney ke liye tamam tar intezamaat mukammal kar liye gaye hain.

 

 

 

 

Copy Right 2012-2014 www.Meriduniya11.com