Header
Home>News  

 

 

 

 

Imran Khan

Imran Khan was born on 25th November 1952 in Lahore. He is 60 years old. Imran Khan is a former Cricketer. He is the Son of Shuakat Khanum and Ikramullah Khan Niazi. Now he is a Politician. He is the Chairman of Pakistan Tehreek e Insaaf ( PTI ). Imran Khan has two Sons, Sulaiman Isa Khan and Qasim Khan. Imran Khan suddenly falls on shift Lifter on 7th May 2013 Tuesday in Lahore. He suffers head injury; he has 5 stitches on forehead and 6 stitches on back head. Imran Khan is recovering in Shuakat Khanum hospital. He suffers minor fracture on back injury. In this page you will find Imran Khan News In Urdu.

Imran Khan News In Urdu

Imran Khan Photo

Imran Khan Tehreek e Insaaf Pakistan ke chairman 7 May 2013 ko Lahore Ghalib Market mein jalsey se khitab karne ke liye lifter ke zariye stage par ja rahe the, ke achanak lifter girne se niche gir gaey. Imran Khan ko kafi chotey bhi aai hai. Taqreeban 18 se 20 ft ki bulandi se Imran Khan niche girey. Forun Imran Khan ko tibbi imdaad ke liye Liberty Chowk Hospital mein le jaya gaya. Jahan un ki treatment huyi. Phir Imran Khan ko Shaukat Khanum Memorial Hospital mein shift kar diya gaya. Imran Khan ke sath un ke 3 guards bhi lifter se gir kar zakhmi huye.

Lifter se girne ke bad Imran Khan ke sir mein kafi gehri chot aai, kafi khoon bhi behne laga tha. Imran Khan ke sir mein taqreeban 18 stitches aae hain, kamar ki haddi mein mamoli sa fracture aur pao mein bhi chot aai hai. Kuch dair ilaaj ke bad Doctors ne Imran Khan ki halat ko tassali bakhsh qarar de diya tha. Imran Khan ke hosh mein aane ke bad unho ne Doctors se guftugo bhi ki aur unho ne kaha ke wo ab thek hain. Sab logo se darkhuast ki ke wo log pareshan na hon. Imran Khan ka ilaaj karne wale Doctor Shafeeq ne bataya ke Ilaaj ke dauran Imran Khan bilkul hosh mein the, batein kar rahe the. Imran Khan ke tamam azaa kaam kar rahe hain. Imraan Khan mukammal hosh mein hain. Doctor ne bataya ke Imran Khan ke sir par 6 inch ka zakham aya hai. Sir k eagle hisse mein 5 aur pichle hisse mein 6 stitches aae hain. Doctor ne kaha ke Imran Khan ko khoon ki bilkul zaroorat nahi thi. Doctor ne kaha ke Imran Khan ko hum ne dard khatam karne ki dawa di thi.

Imran Khan ke zakhmi hone ke bad jalsa multawi kar diya gaya aur Lahore mein hone wale tamam jalsey multawi kar diye gaey. Imran Khan ki is halat par unk karkunan rone lage aur mulk bhar mein bechaini pheyl gai aur sab se duaaon ki aur Imran Khan ki sehatyabi ki appeal ki jane lagi. Imran Khan ne hospital ward se logo ko video message bhi pohnchaya. Imran Khan ne kaha ke awaam apni zindagi ko badalne ke liye pora zor lagaen. Aap logon ko apne bachon ki jung larhni hai. Naya Pakistan banana hai. Aap sab ko 11 May ko vote dalne ke liye nikalna ho ga. Pakistan Tehreek e Insaaf ko nahi nazariye ko vote den. Imran Khan ne kaha ke Pakistan ke liye jitna kar sakta tha, mulk ke liye 17 saal laga diye. Awaab ne faisla karna hai, unho ne naya Pakistan banana hai. Awaam ne aik aisa mulk banana hai, jahan adl o insaaf ho aur har aik se barabri ka sulook ho. Siyasi shakhsiyat aur baradriyon ne mulk ko tabah kar diya hai. 11 May ko awaam apni jung samjhe. Imran Khan ne us waqt QURAN PAK ki aik ayat ka tarjumah bhi kiya. “ Ke ALLAH PAK us qaum ki halat us waqt tak nahi badalta jab tak qaum apni halat khud badalne ki koshish nahikarti ”

Imran Khan ki janib se tehreek e insaaf ne aelaan kiya hai ke 9 May 2013 ko Islamabad mein tehreek e insaaf ka jalsa schedule ke mutabiq ho ga aur Imran Khan ne yeh aelaan kiya hai ke won a sirf jalse mein shareek honge bal ke jalse se khitab bhi karenge. Imran Khan ke shadid zakhmi hone par tamam parties ke leaders ne unki halat ki shadid mazammat ki aur Nawaz Sharif aur Altaf Hussain ne 8 May 2013 Wednesday ki intekhabi sargarmiyan muattil kar deen. Shahbaz Sharif ne Shaukat Khanum ja kar Imran Khan ki ayadat ki. President Asif Ali Zardari, Election Commissioner Fakhar Uddin G Ibrahim, Chaudhry Shujjat, senior rehnuma Chaudhry Parvez Ilahi ne bhi Imran Khan ki tabiyat par izhaar e afsoos kiya aur jald sehatyabi ki duaaen ki.

 

 

Copy Right 2012-2014 www.Meriduniya11.com