Header
Home> News  

 

 

Iqbal Haider

Iqbal Haider was born on 14 January 1945. He received the degree of LLB from Punjab University. Iqbal Haider worked in Peoples Party and he was a close associate of the Benazir Bhutto. Syed Iqbal Haider disassociated from PPP in 2005 and started working for the Co-Chairperson of Human Rights Commission of Pakistan. Iqbal Haider served as the Attorney General of Pakistan. He was a former Senator also. Iqbal Haider was suffering from lungs disease. Iqbal Haider admitted in Private Hospital for 2 days. Syed Iqbal Haider died on 11 November 2012 in Karachi. His funeral prayer offered on 12 November after Zohar Prayer at Defence phase 4, Karachi. In this page you will read Pakistani Politician and Lawyer Iqbal Haider news and biography in Urdu and Roman Hindi.

Pakistani Politician and Human right co-chairpersion Iqbal Haider Photo

Iqbal Haider In Urdu

Pakistan ke Azeem siasatdan, Qanooni Mahir aur Sabiq Wazeer-e-Qanoon Iqbal Haider ka 11 November 2012 ko Karachi mein inteqal ho gaya. Marhoom ki namaz-e-janaza 12 November ko bad namaz-e-zohar Defence phase 4 mein ada ki gai thi. Iqbal Haider 14 January 1945 ko paida huye. Punjab University Law College se LLB ki degree hasil ki. Marhoom Iqbal Haider Lungs ki bemari mein mubtila the. Iqbal Haider ne 1988 mein PPP mein shamooliyat ikhteyar ki, Marhoom ka shumar Benazir Bhutto ke qareebi sathiyon mein se tha. 2005 mein Marhoom Iqbal Haider ne Peoples Party se alehdgi ikhteyar kar ke Human Rights Commission mein faraiz anjaam dene lage. Marhoon Human Rights Commission ke shareek chairman bhi the.

Iqbal Haider M R D ke aeham rehnuma bhi the. 1981 se 1986 tak mutadid bar jail bhi gaye. Iqbal Haider ne Attorney General ke uhdey par bhi kaam kiya. 1991 mein Marhoom Senetor muntakhib hue the. 1993 se 1994 tak wafaqi wazeer-e-qanoon ke faraiyz anjaam diye. Marhoom Iqbal Haider Buzurg siyasatdan Mairaj Muhammed Khan ke derena sathiyon mein se the. PPP mein shamoliyat se qabal ye Qaumi mahaz azaadi se wabasta rahe. In ka shumar right hand ke danishwaron mein hota tha aur in ki tehreeren siyasi karkunon ki tarbiyat mein muaawin tasawwur ki jati the. Marhoom Iqbal Haider ke inteqal par President, Prime Minister, MQM ke quaid Altaf Hussain, Nawaz Sharif, Governer Sindh, Wazeer-e-Aala aur Sabiq Wafaqi Wazeer, Samaji Rehnuma aur Insani Huqooq ke an thak karkun ne izhaar-e-afsoos ka muzahira kiya.

President Sadar Asif Ali Zardari ne afsoos ka izhar karte hue kaha ke Jamhooriyat ki bahali aur insani huqooq ke liye Marhoom Iqbal Haider ki khidmaat naqabil-e-faramosh hain. Prime Minister Raja Parvez Ashraf ne kaha ke Iqbal Haider ki wafaat Insani huqooq ki tanzeemon aur qaum ke liye barha nuqsaan hai. Muslim League ( N ) ke President Nawaz Sharif aur Prime Minister Punjab Shahbaz Sharif ne bhi Iqbal Haider ki wafaat par izhaar-e-Taziyat karte hue Dua ki ke ALLAH PAK Marhoom ko apne Jawar-e-Rehmat mein jagah de.

Mutehda Qaumi Movement ke Qauid Altaf Hussain ne Sogawara Lawahiqeen se dili taziyat aur hamdardi ka izhaar karte hue kaha ke dukh ki is ghari mein MQM ke tamam zimedaraan wa karkunaan in ke gham mein brabar ke shareek hain. Governer Sindh Ishrat-ul-Ibad, Wazeer-e-Aala Sindh Qaim Ali Shah, ANP ke sarbarah Asfand Yar Wali, Ameer Jamat-e-Islami Pakistan Syed Munawwar Hasan, Sabiq rukun Qaumi Assembly Muzaffar Hashmi ne bhi Iqbal Haider ke inteqaal par gehre dukh aur afsoos ka izhaar kiya. Syed Iqbal Haider ke Behnoi Imran Tajammul ne bataya ke Iqbal Haider ko Lungs ka aarzaa tha, lekin in ka inteqal dil ki dharhkan band hone ke baiys hua. Imran Tajammul ka kehna tha ke Iqbal Haider ko 2 roz qabal Private Hospital mein dakhil karaya gaya tha. Iqbal Haider ne sogwaran mein Bewah, 2 Betiyan aur 1 Beta chora hai.

 

More Links

 

Copy Right 2012-2014 www.Meriduniya11.com