Header
Home>News  

 

 

 

 

Mamnoon Hussain

Momnoon Hussain was born on 2nd March 1940 in Agra. He is 73 years old. Mamnoon Hussain graduated from Karachi. He received BBA Degree from IBA in 1965. Mamnoon Hussain is a Senior Presiding of Pakistan Muslim League ( N ). He is nominated for Presidential Election by Muslim League ( N ). In Past, he was also the 27th Governer of Sindh for very short period. In this page you will read currently news about the Presidential Candidate Mamnoon Hussain in Urdu.

MQM Nay Mamnoon Hussain Ki Support Ka Aalaan Kardiya

Mamnoon Hussain Photo

Mamnoon Hussain ka kehna hai ke siyasat mein gher janibdar rahon ga. Meri pori koshish ho gi ke tamam muaamlaat mafahimmat se hal kiye jayein. Mamnoon Hussain ne media se baat karte huye kaha hai ke President banne ke baad tamam siyasi wabastigyan khtam karon ga. Altaf Hussain ne kaha hai Nawaz Sharif aur Shahbaz Sharif ko yeh peygham diya hai ke main unhe apna bhai samajhta hoon, aaey aur dilon ko saaf kar ke naye safar ka aaghaz Karen. MQM Mamnoon Hussain ko gher mashroot vote degi.

Sadarti umeedwar Mamnoon Hussain ne kaha hai ke agar President wafaq ki alamat hota hai to siyasat ko balaae taaqrakhte hue koshish karenge ke tamam muaamlat mafahimmat ke sath hal Karen. Mulk ko darpesh challenges se nimatne ke liye mil kar kaam karenge. Mamnoon Hussain ne kaha ke Muslim League ( N ) ke bajae pore mulk ka President banonga aur apne aap ko siyasat se gher janibdaar rakhonga. Mamnoon Hussain, Ishaaq Dar aur Parvez Rasheed, Governer Sindh Dr.Ishrat ul Ibad ke hamrah 90 pohnche, karkunan aur rabta committee ki janib se walehana istaqbal, pholon ki pattiyan nichawar ki gaey. Farooq Sattar, Dr.Maqbool Siddiqui, Haider Abbas Rizvi aur deegar rehnumaaon ne muslim league N ke wafad ka istaqbal kiya.

Mamnoon Hussain ne kaha hai ke mera talluq Karachi se hai aur koshish ho gi ke hamare Province aur City ki awaam ki khidmat karon. Altaf Hussain ne khule dil se hum se baat ki aura b hum khule dil se wapis ja rahe hain. Ap ne jo baatein ki koi Pakistani is se ikhtelaaf nahi kar sakta. Muslim league N ke sadarti umeedwar Mamnoon Hussain ki gher mashroot himayat ka aelaan kiya hai. Unho ne kaha ke humen umeed hai ke maujooda hukoomat Pakistan ke masaiyl hal karegi aur dehshatgardi, jahalat, ghurbat jaise afriyat par qaboo paegi aur corruption ka khatma kar ke mulk ko taraqqi ki janib gamzan karegi aur la pata afraad ko um ke ghar tak pohchaegi. Altaf Hussain ne wazeh kiya ke corruption Pakistan ko deemak ki tarha chaat rahi hai. Mamnoon Hussain ne kaha ke main President banonga to kisi aik party ka President nahi banonga bal ke pore mulk ka president banonga.

Altaf Hussain ne kaha ke muslim mumalik mein Pakistan wahid atomic taqat hai, baaz beyroni taqatein nahi chahti ke Pakistan Atomic Power rakhe. Yeh un quwwaton ka mansoba hai ke kisi tarha Pakistan ko atomic power se mehroom kar ke nehta kar diya jaey. Aur humen in sazishon ko nakaam banana ke liye ittehad ka muzahira karna ho ga. Chand saal qabal jo qarzey 3 hazar arab ke the, wo ab barh ke 14.5 hazar arab ke ho chuke hain. Mulk ko note chaap kar ab nahi chalaya ja sakta. Mulk mein election ho chuke hain aura b aaiynda intekhabat 5 saal bad honge. Ab humen mulk ko aage le jane ke liye kaam karna ho ga. Humen mulk ko muaashi bohran, dehshatgardi aur tawanaai ke bohran se nikalna ho ga. Tamam challenges ka mil kar muqabla karenge.

 

Altaf Hussain

Zulfiqar Ali Bhutto

Benazir Bhutto

Nawaz Sharif

Pervez Musharraf

Imran Khan

Fozia Wahab

Bashir Khan Qureshi

Raja Pervaiz Ashraf

Barack Obama

 

Copy Right 2012-2014 www.Meriduniya11.com