Meriduniya11 Header
Home>News  

 

 

 

 

Margaret Thatcher

Margaret Thatcher was born on 13th October 1925 Grantham. She was 87 years old. Her full name is Margaret Hilda Roberts. She was the second daughter of Alfred Roberts; He was a British Grocer and the Mayor of Grantham. Margaret Thatcher was the first female Prime Minister of United Kingdom. Margaret Thatcher was also the member of Conservative Party . She was very nice and kind hearted lady. Margaret Thatcher was the first Female Prime Minister of United Kingdom from 1979 to 1990. Margaret Thatcher married with Denis Thatcher in 1951. Margaret Thatcher was a Housewife. She has twins Children, Mark Thatcher and Carol Thatcher. Margaret Thatcher husband died in 2003. Margaret Thatcher died on 8th April 2013 in London at the age of 87. Margaret Thatcher was also the Leader of Conservative Party. In this page, you will see the news about the first Female Prime Minister of United Kingdom Margaret Thatcher death news and Biography in urdu and Roman.

First Female Prime Minister of Uk Margaret Thatcher

Inteqal Kar Gayein

First feemale Prime Minister of United Kindom Margaret Thahcher Photo

United Kingdom ki sabiq Prime Minister Margaret Thatcher Monday ki Subha Paralyze ke hamle ke bad inteqal kar gaey. In ki umar 87 baras thi. Wo 1979 se 1990 tak Conservative Party ki taraf se Britain ki Prime Minister rahin. Margaret Thatcher Britain ki pehli khatoon wazeer e aazam thin. Prime Minister David Cameron ne is mauqey par Margaret Thatcher ko aik azeem Britain qarar diya aur British Queen ne in ki wafaat par afsoos ka izhaar kiya. David Cameron is waqt Paris ke daurey par hain, wo apna tour mukhtasir kar ke British laut rahe hain. Unho ne BBC ko bataya ke Margaret Thatcher ne na sirf hamare mulk ki rehnumai bal ke unho ne mulk ko bachaya. Mujhe yaqeen hai ke tareekh mein unhe daur e aman mein British ki azeem tareen Prime Minister ke taur par yaad kiya jaega. Margaret Thatcher ko 20th Century ki aeham tareen siyasi shakhsiyaat mein shumar kiya jata hai. Unho ne 1979, 1983 aur 1987 ke aam intekhabat jeete the.

Margaret Thacher 1959 mein Conservative Party ki taraf se shumali London se parlimaan ke liye muntakhib hui. Is ke bad wo Education Secretary bhi rahin aur 1975 mein unho ne sabiq Prime Minister Edward Heath ki qiyadat ko kamiyabi se challenge kiya. Margaret Thatcher 1992 mein British parliament ke aewaan zaree retired hui. Margaret Hilda Thatcher 13 October 1925 ko Grantham, Lincolnshire. mein peyda hui. Un ke walid Tom Alfred Roberts the jo sabzi farosh the aur un ki walda ka naam Beatrice Roberts. Margaret Thatcher ke walid aik juzwaqti mubligh aur maqami councilor bhi the aur in ke Margaret Thatcher ki zindagi aur un ki policies par gehra asar tha. Margaret Thatcher ne bad mein kaha tha ke main jo kuch bhi hoon apne walid ki wajah se hoon.

Margaret Thatcher Biography

Duniya mein kisis lady ka bhi Sadar e mumlikat ban jana. Logon ke liye hamesha se aik barhi khabar rahi hai. Jab Margaret Thatcher 1979 mein British Conservative party ki taraf se British ki pehli prime minister muqarrar hui. To pori duniya riwayat pasand Britain samaj ki is jurrat par khasi heyran hui thi. Magar jab wo 1990 tak apne auhdey par barajaman rahin aur un ke daur e hukoomat mein mulk ne taraqqi ke zeeney bhi tey kiye to bohat se naqadeen ko chup lag gait hi. 8 April 2013 ko wo 87 baras ki umar mein falij ke hamle ke bad is darfani se rukhsat hui to Britain Government ne announced kiya ke sabiq prime minister Margaret Thatcher ki tadfeen mukammal fauji aezaaz ke sath London ke senate Paul’s Cathedral mein ho gi. 17 April ko un ki aakhri rasomat fauji aezaaz ke sath adaa ki gaen. Jis mein duniya bhar se beshtar sarbarahan mumlikat shareek hue. Margaret Thatcher ki tadfeen sarkari satah par to nahi hue tahum un ko wohi darja diya gaya, jo lady Diana aur British ki Maujoda Malka ki waldah ko diya gaya tha.

Prime Minister Margaret Thatcher ki death ke bad British mein National Flag “ Union Jack ” surango kar diya gaya.
2002 mein in par falij ka aik mamooli hamla hua tha. Jis ke natejey mein wo Dementia ke aarzey mein mubtila ho gai thin. Is ke kuch he arsey bad yani 2003 mein in par aik bipta aan parhi ke in ke husband Denis Thatcher inteqal kar gaey. Yeh aik aisa sadma tha. Ke in ki rahi sahi tawanai bhi in ka sath chorhne lagi. Aik aziyat naak tanhai ne inhe aa liya. Kaha jata hai ke unhe apne husband se behad mohabbat thi. In ke haan twins bache Mark Thatcher aur Carol Thatcher hain, jo aaj kal beyron e mulk rehaiysh pazeer hain.

In ka pora name Margaret Hilda Thatcher tha. Jab ke peydaishi name Margaret Hilda Roberts tha. Wo 13 October 1925 ko Englistan ke Lincolnshire ke area Grantham mein peyda hui. Wo Alfred Roberts ke ghar peyda hone wali dosri beti thin. Yeh mutawassat tabqey se talluq rakhne wala gharana tha. In ke walid Parchoon ki Shop chalaya karte the. Sath he maqami council ke rukun bhi the. Bad mein isi area se Mayor bhi muntakhib hue. Margaret Thatcher par apne walid ki tarbiyat ka bohat asar tha. Unho ne 1951 mein aik Sarmayadaar Denis Thatcher se shadi ki, jin se in han twins bache Mark aur Carol peyda hue.

Margaret Thatcher ne Oxford University mein taleem hasil ki. Jab wo Oxford mein Graduation mukammal kar rahi thin to unhe Conservative Association ka sadar muntakhib kiya gaya tha aur yahan se he Margaret Thatcher ne apna siyasi safar shuru kiya tha. Unho ne qanoon ki taleem hasil ki aur 1954 se 1957 tak Law ke profession se wabista rahin. 1959 mein qadamat pasand party ke ticket par darul uloom ki rukun muntakhib hui. 1964 se 1970 tak jab wo qadamat pasand party ( Opposition ) mein thin to apni Jamat ki Shadow Cabinet mein samaji tahaffuz ki naiyb wazeer e mumlikat barae taleem o science rahin. February 1974 mein qadamat pasand party ko shikast hui to is ke bad party ki shadow cabinet mein shamil ho gaen. 1975 mein in ki karkardgi ke baiys inhe jamat ki sarbarah muntakhib kar liya gaya. May 1979 ke intekhabat mein in ki jamat fatahyaab hui, unhe wazarat e uzmaa ke auhdey par faiyz hone ka muaqa mila aur phir yeh silsila 1990 tak jari raha. 1976 mein sowiyat qiyadat ke khilaf aik jarhana taqreer par in ko “ Khatoon e Aahan ” ka laqab diya gaya. 1979 mein Britain sarzamin par America ke johri Cruise Mezaiylon ki tanseeb par unhe karhi tanqeed ka nishana banaya gaya. 1982 mein Behra wa qayanoos mein waqey jazaiyr Falkland par Argentine ke qabzey ke bad Askari mohim ke baiys in ko British mein barhi shohrat mili. 1983 ke intekhabat mein qadamat pasand jamat bhari aksaryat se jeeti thi.

1984 mein Conservative Party ke aik ijtemaa mein Bomb Blast bhi hua the, jis mein wo baal baal bach gai thin. Is Blast ki zimedari Irish Republication Army ( IRA ) ne qabool kit hi. 1986 mein Thatcher ne American Fauj ki Libya ke khilaf Bomb Blasting karne ke liye British ke Airports faraham kiye the. 1987 ke aam intekhabat mein fatah ke bad Margaret Thatcher 20 Century mein musalsal teesri martaba British ki Prime minister bani. 1989 mein Scotland aur bad azaa 1990 mein Englistan aur Vales mein bhi nafiz kiya gaya.

Sabiq Prime Minister Margaret Thatcher ki zindagi par banne wali new film The Iron Lady mein maroof actress Meryl Streep ka markazi kirdar ke hawale se pehli tasveer jari kar di gai hai. Film ke director Phyllida Lloyd hain. Jo film Mama Mayya ki director bhi thin. Is film mein bhi markazi kirdar Meryl Streep ne he adaa kiya tha. Margaret Thatcher ne apni app beeti 2 jildon Quwwat Ka Rasta aur The Downing Street ke name se qalam band ki. 1993 mein BBC ne The Downing Street ko dastawezi shakal di. 2002 mein in ki teesri kitab Craft State manzar e aam par aai, jis mein 21 Century mein siyasi muaamlat par in ka nuqta nazar samne aya.

Margaret Thatcher ko Order Of Garter, Order Of Merit, British ki Privy Council ki rukun, Fellow of the Royal Society jaise aala tareen mulki aezazat pesh kiye gae. Benul aqwami satah par unhe sadarti Tamgha e Azadi, Jamhori Senatorial Tamgha Azadi aur Ronald Region Aezaaz azadi bhi diye gaey. 1990 mein jab unho ne aik new Community tax ibtedai taur par Vales aur Scotland mein nifaz kiya to is ki roo se aik aam shehri aur amraa dono ko he barabar sharah council ko tax ada karna parha. Is qanoon ke khilaf London mein Trafalgar Square par 30 June 1990 mein fasadaat phoot parhe jis ke bad un ki party ne unhe qiyadat chorhne ki hidayat jari kar di aur yun un ki jamat mein tafreeq peyda ho gai. Unho ne 28 November 1990 mein wazarat ke auhdey se istefaa pesh kiya aur party leader ki hesiyat se John Major ne wazarat uzmaa sanmbhal li. 30 June 1992 mein Unho ne British eiwaan zeren ( House of Lords ) mein shamoliyat ikhteyar kar li.


 

 

 

 

Copy Right 2012-2014 www.Meriduniya11.com