Meriduniya11 Header
Home> News  

 

 

Mehnaz Begum

Mehnaz Begum was born on 1958. She was a very talented Pakistani Singer. Mehnaz Begum was kind hearted and kind nature Woman. Mehnaz Begum was unmarried Woman, because of her younger Brothers. She was very supportive with her Brothers just like a Mother. Mehnaz begum was very polite and hardworking Woman. She died on 19th January 2013. In this page you will see the information about the great Pakistani Singer Mehnaz Begum news in Urdu and Roman Urdu.

Mauseeqi Ki Malka Mehnaz Begum

Allah Ko Pyari Ho Gayein

Pakistani singer mehnaz photo

Mehnaz Begum, khushbo bhari awaz jo hawa mein tehleel ho gai. Har zindagi ko maut se harna hai magar kuch zindagiyan aesi hoti hain jo har aik mein jeene ki umang peyda karti hain aur jis ki wajah se murdah dil bhi jeena chahta hai. Apni awaz ke sahare Mehnaz Begum ne kae murdah dilon ko zindagi ata ki hogi. Kae log aise honge jinho ne Mehnaz Begum ke Hits songs sun kar zindagi se pyar karna seekha hoga. Par kya Karen ? waqt ko to guzarna he hai. So guzarte lamhaat mein aap ko bhi guzar jana hota hai aur jab Mehnaz Begum ka waqt aya to kaun unhe rok sakta tha ? na zindagi aur na zindagi se pyar karne wale.

Yeh sachai hai ke zindagi hararat aur harkat se bhari hoti hai, magar saakt kar dene wali maut isse ziyada qawi aur ba aitebar hoti hai aur is larhai mein aakhri jeet sirf muat ki hoti hai. Mehnaz Begum aik bhare pure riwayat se jurhe khandan se thin. Mauseeqi ke aewano ki malka bila shuba thin. Magar apni zindagi ke aakhri chand saalon mein tanhai ko buri tarha mehsoos karne lagi thin aur aksar is baat ka tazkara kar diya karti thin. Mehnaz Begum ne shadi nahi ki, sirf is liye ke bhai shad aabad reh saken. Kyun ke barhi behan hone ke natey se wo khud ko Maa ke darjey par manti thin aur chahti thin ke jitna ho sake bhaiyyon ko aage barhaen. Un ke bhai America mein muqeem hain. Magar wo khud singing ke ishq mein yahan Pakistan mein qiyam pazeer rahin. Wo bohat naram dil khatoon thin. Hamesha muskura kar milti thin. Magar jis se apnaiyat mehsoos karti. Us ke aage aankhen nam ho jaya karti thin. Sachi baat hai muskurahat to hum sare jahan ko bant’te hain, par aansoo sirf apnon se sharekiye jate hain. Aaj Mehnaz begum is zameen kid heron mitti oorh kar sou gai hain, lekin un ki khush guloo awaz rehti duniya tak gonjti rahegi aur hum apne dil ke nehal khano mein Mehnaz Begum ka naam hamesha roshan rakhenge.

Noor Jahan marhooma hui to aik umeed thi ke Mehnaz abhi zinda hain, lekin saal bhar ke kam waqfey mein pehle Kha’n Sahab Mehdi Hasan aur phir Mehnaz dono duniya se rooth gaey aur mauseeqi ka jahan veeran kar gaey. Madam Noor Jahan jab beemar nahi thin aur zor-o-shor se fani mashq jari thi, ke un ke samne Mehnaz ne apni alag shanakht bana li thi. Wo ghazal aur thumri ki gaeyki mein aala maqam rakhti thin. Mehnaz Begum bohat rakh rakhao wali khatoon thin. Mehnaz Begum ne Pakistan ke bohat se barhe barhe mauseeqaron ke sath kaam kiya. Batein to bohat hain magar kae safhat kaley kar dene par bhi hum Mehnaz Begum ka haq ada nahi kar sakte. Yeh Duaa zaroor mange ke KHUDA us bhali hasti ko apne kisi bhale maqam par rakhe.Aik Qataa Mehnaz Begum ki nazar…

Dunya ki wasaaton mein kho gaey ho tum,
Mitti ke naram Bister par sou gaey ho tum,
Wo Husun nazar wo Mohabbat ki ranaaiyan,
Dhonden kahan pardes jo gaey ho tum.

 

Benazir Bhutto

Lehri

Shahbaz Sharif

Bushra Ansari

Shahid Afridi

 

Copy Right 2012-2014 www.Meriduniya11.com