Header
Home>News >  

 

 

Muhammad Asif (Snooker Player)

Muhammad Asif ( Snooker Player ) was born 21, December 1982. He is a Snooker player of Pakistan. Muhammad Asif won the final of Pakistan’s World Snooker championship on Sunday 2, December 2012. Muhammad Asif defeated Gary Wilson from England. Muhammad Asif is the second Pakistani, who has won this Title. Muhammad Yousuf was the first Pakistani won the final in 1994. Muhammad Asif in World snooker championship 2012 being played in Sofia city ( Bulgaria ). In this page you will find information about Muhammad Asif Snooker Latest News In Urdu and Roman Urdu.

Muhammad Asif Photo

Muhammad Asif In Urdu

Pakistan ke Muhammad Asif ne England ke Gary Wilson ko shikast de kar aalmi snooker championship jeet li. Qaumi champion Asif ne Bulgaria ke shehar Sofia mein hone wali World snooker championship ke final mein Sunday ko apne hareef ke khilaf 19 frames ke final mein 10-8 se kamiyabi hasil ki. Aik marhaley par muqabla 8-8 frames se brabar tha. Tahum Faisalabad se talluq rakhne wale 30 sala qaumi champion Asif ne musalsal agle dono frames jeet kar aalmi champion banne ka aezaaz hasil kar liya.

Pakistan sports board ki janib se grant faraham karne se inkar par Pakistan Bleared and snooker association ne apne wasaiyl se coach ke bina Muhammad Asif aur Asjad iqbal par mushtamil 2 rukni qaumi team World snooker championship mein bheji thi. Muhammad Asif aalmi snooker champion banne wale dosre aur final khelne wale teesre Pakistani hain. Pakistan ke liye pehla aalmi snooker title Muhammad Yousuf ne 1994 mein jeeta tha. Jab ke Saleh Muhammad 2003 mein World snookers championship ke final mein pohnche the. Sindh bleared and snooker association ke sadar Jameel Jakhrani ne Muhammad Asif ke liye 1 lakh Rupey inaam ka aelaan kiya hai.

Muttehda Qaumi Movement ke qaiyd Altaf Hussain ne world snooker championship ke final mein Muhammad Asif ki shandar kamiyabi par qaum ko dil ki gehraiyon se mubarakbad di hai. Altaf Hussain ne kaha ke Pakistani Khiladi Muhammad Asif ne sakht muqabley ke bad Fatah hasil kar ke mulk-o-qaum ka sir fakhar se buland kar diya. Muhammad Asif ko kamiyabi ki mubarakbad dete hue unho ne umeed zahir ki ke wo kamiyabiyon ka silsila jari rakh kar mulk-o-qaum ka naam roshan karte rahenge. Sadar Asif Ali Zardari, Wazeer-e-Azam Raja Pervaiz Ashraf, Wazeer-e-Aala Sindh Syed Qaim Ali Shah aur deegar ne bhi Muhammad Asif ko mubarakbad di hai. Jab ke Wazeer-e-Aala Punjab Shahbaz Sharif ne in ke liye 10 lakh rupey inaam mein dene ka aelaan kiya hai.

 

Malaila Yousafzai
Sikandar Sanam
Bashir Khan Qureshi
Mehdi Hassan
Rajesh Khanna
Abida Parveen
Fozia Wahab
Lehri
Raja Pervaiz Ashraf
Barack Obama

 

 

Copy Right 2012-2014 www.Meriduniya11.com