Header
Home>News

 

 

 

 

 

Salman Khan

Salman Khan was born on 27th December 1965 in Indore, India. He is 47 years old. Salman is an Indian film actor, TV presenter and producer. He is the son of Salim Khan, who is an actor and screenwriter. Salman Khan started his filmy career in 1988 from the film “ Biwi Ho To Aisi ”. In 1989 he got filmfare award for best male debut in his second film “Maine Pyar Kiya”. He is very dashing and romantic personality. Salman Khan was arrested for rash driving on 28th September 2002 in Mumbai, one man died and three others injured in accident. The next schedule of this case will begin on 19th August 2013. In this page you can see the information about Salman Khan news in Urdu .

Salman Khan News In Urdu

Salman Khan Photo

Mumbai ke court ne Salman Khan par 2002 mein foot path par soey hue Shakhs ko car se takkar maar kar halaak karne ke ilzaam mein fard e jurm aaiyd kar di thi. Salman Khan par “Qabil Maukhza Qatal” ka muqaddama chalaya jaega aur agar jurm sabit ho gaya to unhe 10 saal qaid ki saza ho sakti hai. Muqaddamey ki agli samaat 19 August ko ho gi. Court ne Salman Khan ki masrofiyat ko madde nazar rakhte hue unhe agli peshiyon mein court se hazri se mustasna qarar de diya hai. Is se qabal is case mein Salman Khan par laparwahi se car chalane ka ilzaam bhi aaiyd kiya gaya hai. Jis ki ziyada se ziyada saza 2 saal hai, tahum Magistrate ka kehna hai ke Salman par qabil maukhza qatal ka muqaddama chalane ke liye kafi sabot maujood hain.

28 September 2002 ki raat Salman Khan ne mubaiyyana taur par Mumbai ke area Bandra mein Foot path par Land cruiser chara di thi, jis ki wajah se us par soney wale 4 afraad zakhmi aur aik shakhs ja’an bahaq ho gaya tha. Salman Khan par ibtedaa mein Indian panel code ke tehat qabil mawakhza qatal ka muqaddama he darj kiya gaya tha. Tahum Salman Khan ki janib se court mein is faisley ko challenge kiya gaya tha. Court ne case ko Laparwahi ki wajah se hone wali maut mein tabdeel kar diya tha. Jis mein unhe ziyada se ziyada 2 saal tak ki qaid ho sakti thi. 2006 mein Bandra ki Magistrate ki court mein is case ki samaat shuru hui. March 2011 mein istaghasa ki janib se Salman Khan par is case ke aaghaz mein lagai gai sangeen noiyat ki fard e jurm bahaal karne ki request ki gait hi. Rawan saal February mein court ne yeh order jari kiya ke Salman Khan par qabil mawakhza qatal ki sangeen fard e jurm bhi aaiyd kiya ja sakta hai. Jis ke bad Salman Khan ne high court mein is faisley ke khilaf request daiyr kar di thi. Jise guzishta Maah court ne mustarad kar diya. Guzishta dino court ne Salman Khan par Indian panel code ki dafaa 304 aaiyd kar di hai. Is se qabal in par dafaa 338, 338, 279 aur 427 lagai gait hi.

Salman Khan Biography In Urdu

27 December 1965 mein peyda hone wale Salman Khan ne filmy career ka aaghaz 1988 mein release hone wali film Biwi Ho To Aesi mein muaawin actor ki hesiyat se kiya. Is film mein unhe ziyada pazeerai nahi mil saki, lekin 1989 mein Salman Khan ki film Maine Pyar Kiya ne kamiyabi ke tamam record torh diye aur Salman Khan ko raaton raat shohrat ki bulandiyon par pohncha diya. Kamiyabiyon ka yeh safar abhi tak jari hai. Salman ki guzishta saal release hone wali films ne box office par record business kiya hai. Salman Khan ki wajah shohrat acting se ziyada in ki shakhsiyat hai. Bollywood ke sab se ziyada mutanaza artists mein se aik Salman Khan ka naam aae din kisi na kisi wajah se newspaper ki sheh surkhiyon mein nazar aata hai. Baat madoon hote Kaley Hiran ke shikar ki ho ya Haseenao ke pyar ki, Salman Khan ka naam bharti zaraey iblagh mein top of the list par he rehta hai.

Salman Khan ka sabiq Miss World aur actress Ashwariya Rai (Jo ab Ashwariya Rai Bachan hain) in ke sath 2 saal affair chalne wale affair ka anjaam bohat mutanaza raha. Ashwariya ne 2002 mein Salman Khan se alehdgi ke bad Salman par zodo koob karne ka ilzaam lagaya tha. Jab ke Ashwariya ke parents ne bhi Salman Khan ke khilaf request daiyr ki thi. 17 February 2006 mein Salman Khan ko nayab nasal ke kaley hiran ka shikar karne par 5 saal qaid ki saza suni gai, tahum kuch din bad unhe zamanat par riha kar diya gaya. Salman Khan par 1998 mein us waqt yeh muqaddama darj kiya gaya tha. Jab wo film Hum Sath Sath Hain ki aks bandi ke liye Rajhistan mein maujood the.

Bollywood ki khobsurat actress Katrina Kaif ki kamiyabi ke peeche Salman Khan ka kirdar bhi bohat aeham hai. Katrina Kaif ki Salman Khan ke sath pehli film 2005 mein release hone wali Maine Pyar Kyun Kiya thi, tahum is film ke 2 saal bad he in ke talluqat Salman Khan ke gussey ki wajah se khatam ho gaey the. 2008 mein Katrina Kaif ki birthday par hone wali taqreeb mein Salman Khan ki Shahrukh Khan se zabardast larhai ho gait hi. Aur is ki wajah bhi Katrina Kaif he thin. Tahum guzishta dino Bharat ke rukun assembly Baba Siddiqui ki taraf se di jane wali Iftar party mein dono actors ne purani ranjishen bhula kar aik dosre ko galey laga liya hai, lekin yeh dosti kitne arsey barqarar rehti hai, is ke barey mein kuch kehna abhi qabal az qeyaas hai. Garcha ab Salman Khan bhi tanazaat se bahar nikalna chah rahe hain aur kafi had tak unho ne apna rawaiyya bhi behtar kar liya hai. Lekin Bharti court ke is faisley ne dobara unhe mazi ki taraf dhakeyl diya hai.

 

 

 

 

Copy Right 2012-2014 www.Meriduniya11.com