Meriduniya11 Header
Home>News  

 

 

 

T20 World Cup

T20 World Cup is about to begin in few days. T20 World Cup is schedule from 16 March to 6 April 2014. Sixteen teams are participating in The World Cup. First six teams (in which four are associate and affiliate teams) will play qualifying matches and only two of them will qualify for the super 10 round. The associate and affiliate teams are Afghanistan, Hong Kong, Nepal, Ireland, Nether land and United Arab Nations. Eight teams already qualified for super 10 round and these are Pakistan, India, Australia, South Africa, New Zeeland, West Indies, England and Sri Lanka. Pakistan is one of the favorite teams. The total prize money is 3 million dollars. ICC has announced the official song for the event; “choke choke hoi hoi” composed by the Bangladeshi composer and singer Faud Al Muktadir and sung by many singers.

Cricket ki mukhtasir tareen tarz T20 ke sab se bare muqable ke leye medan saja diya gaya duniya bhar mein Cricket shaiqeen ka josh o kharosh aasman ki bulandiyon ko cho raha hai. 16 March se 6 April 2014 tak schedule event mein Pakistani team bhar pur taiyariyon ke sth sjarik ho gi, captain Muhammad Hafeez bhi chahen g eke Youns Khan ki tarah unhein bhi trophy hathon mein tham kar taswir banwane ka moqa mile. Team ko Muhammad Irfan ka sath ahsil na ho ga, 7 feet 1 inch taweel ul qamad fast blower injury ka shikar hain. Tajurbe kar wicket keeper Kamran Akmal aur allrounder Shoaib Malik ki squad mein wapsi hoi hai. 2009 mein Pakistan ne Lords mein title jita tha, us squad ke 7 arkan Ahmed Shehzad, Kamran Akmal, Saeed Ajmal, Shahid Afridi, Shoaib Malik, Sohail Tanveer aur Umar Gull mojudah team ka bhi hissa hain. Agar khilari apni salahiyat ke mutabiq khelen to aik martaba phir trophy Pakistan ke qabze mein aasakti hai, haal hi mein Bangladeshi sarzameen par hi munaqidah Asia Cup mein umdah karkardagi khilariyon ka hosla barha rahi hai, event mein team ne Bharti team ko bhi shikast di aur ab iftetahi match bhi Bharat ke sath hi ho ga. Haaliya fatah se green shirts ka etemad aasman ki bunaldiyon ko cho raha hai, isi ke sath baz mamlat par captain Muhammad Hafeez ki tashwish bhi hai, in mein sar e fehrist fast blowers ki form hai, Asia Cup mein fast blowers be dant ke sheer nazar aaye, ab Umar Gull, Junid Khan Bilawal Bhati, Muhammad Talah aur Sohail Tanveer par bhi bhari zimedari aid ho gi, in ka sath dene ke leye behtareen spinners Shahid Afridi, Muhammad Hafeez aur Saeed Ajmal mojud hain. Afridi in dinon career ki behtareen form mrin dikhai de rahe hain, wo fitness masail ke sabab takhir se squad ko join Karen ge, un ki umdah karkardagi team ki fatohat ka imkan barha de gi.

Haaliya event ki mezbani ke faraiz Bangladesh nibha raha hai, ye World T20 ke Aisa mein ineqad ka musalsal dosra moqa ho ga, is se qabal 2012 mein Sri Lanka mein ineqad howa tha. Mukhtasir format mein go ke kisi team ko asan qarar nahi diya ja sakta magar Aisayai conditions ke mad e nazar Pakistan, Bharat aur Sri Lanka harif teamon ko pareshan kar sakte hain. West Indies, Australia aur South Africa bhi kisi se kam nahi, mega event ka format munfarid indaz ka hamil aur ibtedai round super 10 ke qualifier ki hesiyat rakhta hai, record 16 teams ko salahiyaton ke izhar ka moqa mile ga. Test teams Bangladesh aur Zimbabwe ko bhi 6 associate and affiliate aqwam ke sath qualifying marhale mein shirkat karna hai. group A mein Mezban Bangladesh ke sath Afganistan, Hong Kong aur Nepal ko rakha gaya hai, group B mein Zimbabwe, Ireland Netherland aur United Arab Nations shamil hain. 8 October 2012 tak ICC T20 ranking mein 8th position ki teams baraherast super 10 marhale mein pohanchen, unhein ibtedai rounds ki 2 sides join Karen gi.

Main event mein sharik 10 teams ko 2 groups mein jagah di gai hai, har group ki top 2 sides semi final ke leye qualify Karen gi. 2009 ke champion apkistan ko difai champion West Indies, 2007 mein title jeetne wali Bharat, Australia aur aik qualifier ke sath group 2 mein shamil kiya gaya hai, ese group of death bhi qarar diya ja raha hai, group 1 mein 2010 ka champion England, 2 bar ka finalist Sri Lanka, New Zeeland, South Africa aur aik qualifier shamil hon ge. Bangladesh mein schedule event khadshat ka shikar ho raha hai, venues ki bar waqat taryari na hone ke sabab aik moqe par tournament Sri Lanka ya South Africa bhi muntaqil karne par ghoor kiya gaya, matches 4 sheharon mein hone the in mein se aik ko kharij kar ke degar teen ko akhir kar clean chit mil hi gai, is se qabal bar bar ki warning ke bawajod mezban mein tamirati kaam mein khasi susti barti thi. Is masle se nijat mili to Bangladesh mein security ke mamlat paida ho gaye, guzishta baras Kiwi team aik moqe par dhamakon ki awazon ke sabab kai roz tak hotel mein dubki bethi rahi tahum is ne dora mukamal kiya, magar West Indies under 19 ki team itni himat na dikha saki aur tour adhora chor kar chali gai, is baat se ye baaten roz pakarne lagi ke event Bharat ya Sri Lanka muntaqil kar diya jaye.

Aam intekhabat ke baad Bangladesh ke halaat mazid bigar gaye, ese mein jab aik siyasi rahnuma ko phansi hoi to Pakistani assembly mein muzamat ki gai, is par to pora Bangladesh Pakistan ka mukkhalif ban gaya, sifarat kahane par dhawa tak bola gaya, yun green shirts ki event mein shirkat mashkok ho gai. ICC ne Dhaka mein aik security conference ka ineqad kiya gay jis mein Pakistan samet kai mumalik ke numainde sharik howae, is waqat tak muki halat bhi behtar ho chuke the yun Bangladesh ki mezbani bach gai. Pakistan ne bhi numainde ki musbat report milene ke bawajod mamla hukumat par chor diya, jis ki clearance ki bad team Aisa Cup mein sharik hoi, wahan awam ne Pakistani khilariyon ko bhar por pazirai bakhshi jis se khadshat ka khatma ho gaya. Bangladesh ne bhi tamam sharik teamon ko full prove security ki yaqen dahani karai, is zaman mein World Cup 2011 jesa 3 tire nizam apnaya ja raha hai, players ki sarbarahe mumlikat jesi security farahum ki gai hai, is mein foj ka tawon bhi hasil hai.

Event ki majmoi innami raqam 3 milion dollar hai, fateh ko 1.1 milion dollar diye jayen ge, runner-up ke hisse mein 5.5 lakh dollar aayen ge.

ICC ne event ke official naghme ka bhi elan kiya hai, is ke bol “char choka hoi hoi” (choke, chakke, tafrih aur kheel) hain, ese Bangladesh ke marof golokar aur composer Faud Al Muktadirne tartib diya hai jab ke is mein kai golokaron ne apni awaz ka jado jagaya hai.

Bangladeshi awam cricket se khasi muhabat karte hain, ese mein aindah chand roz ke doran khilariyon ko behtareen mahol mein apni salahiyaton ke johar dikhane ka moqa mile ga.
                    

 

 

More Links

Malaila Yousafzai

Sikandar Sanam

Shahid Afridi Sixes

Mehdi Hassan

Rajesh Khanna

Abida Parveen

Fozia Wahab

Lehri

Raja Pervaiz Ashraf

Barack Obama

 

Copy Right 2012-2015 www.Meriduniya11.com