Meriduniya11 Header
Home>News  

 

Benazir Bhutto banner

 

 

 

Zulfiqar Ali Bhutto

Zulfiqar Ali Bhutto Shaheed was born on 5th January 1928 in Larhkana. He was the founder chairman of Pakistan People’s Party. Bhutto received early education in Larhkana then moved to Bombay. He got first marriage at the age of 12 with Ameer Begum. Bhutto got 2nd marriage in 1952 with Nusrat Begum, She belongs to Iran. Bhutto received Matric degree from Bombay and the degree of B.A. and M.A. in Law of Philosophy from Berkley University ( California ). He received the degree of Law from Linkun University in 1953. Zulfiqar Ali Bhutto was hanged on 4 April 1979, Rawalpindi. In this page you will find information about Shaheed Zulfiqar Ali Bhutto Barsi News and Biography in Urdu and Roman Urdu.

Zulfiqar ali bhutto banner

Zulfiqa Ali Bhutto Shaheed Ki 35 Barsi

Shaheed Zulfiqar Ali Bhutto Ki 35 Barsi Aaj Manaye Jaye Gi

Pakistan Peoples Party Leader Zulfiqar Ali Bhutto Photo in urdu

Pakistan People’s Party ke Bani chairman Zulfiqar Ali Bhutto ki 35 barsi aaj manaye jaye gi. Iss silsilay mein mulk bhar mein taqribaat ka ehtamam kiya gaya hai jin mein fatiha khani aur ijtemaye duayein ki jaye gi . Markazi taqreeb Garhi Khuda Bakhsh mein hogi.

Zulfiqa Ali Bhutto Shaheed Ki 34 Barsi

Pakistan People’s Party ke Bani chairman Zulfiqar Ali Bhutto ki 34 barsi ke mauqey par Garhi Khuda Bakhsh mein 4 April 2013 ko hone wala markazi jalsa mansookh kar diya gaya hai. Pakistan People’s Party ke zaraey ne bataya ke Election schedule tabdeel hone aur umeedwaron ki scrutiny ke sabab barsi ki taqreebat ka schedule bhi tabdeel kar diya gaya hai. Is zaman mein rabta karne par People’s Party Sindh ke Information Secretary Waqar Mehdi ne bataya key eh kehna durust nahi ke jalsa mansookh kar diya gaya hai, bal ke barsi ki taqreebat ka schedule tabdeel kar diya gaya hai. Ab jalsa 4 April 2013 ko Garhi Khuda Bakhsh mein hone ke bajae 3 April ko Naudero mein ho ga. Jis mein Sadar Asif Ali Zardari khitab karenge. Is jalsey mein Pakistan People’s Party division se talluq rakhne wale PP ke auhdedaran, mutawaqqa umeedwaran aur karkunan shirkat karenge.

Intekhabi masrofiyat ki wajah se Sindh ke deegar azlaa mein party auhdedaran aur karkunan zilae headquarters mein 4 April 2013 ko barsi ke hawale se taqreebat munaqid karenge. Unho ne bataya ke Garhi Khuda Bakhsh mein barsi ki markazi taqreebat 3 April 2013 ko shuru hongi. Baad Namaz-e-Asar Mazar par Quran Khuwani hogi. Mazar par pholon ki chadren charai jaengi aur langar taqseem kiya jaega. Bad azaa 3 April 2013 ki sham Naudero mein jalsa aam munaqid kiya jaega. Unho ne is tassur ko ghalat qarar diya ke security khadshat ki wajah se jalsey ka program tabdeel hua hai. Unho ne kaha ke sirf intekhabi schedule ki tabdeeli ke baiys barsi ki taqreebat ka schedule tabdeel kiya gaya hai. Pakistan People’s Party ke markazi ittelaat Qamar Zaman Qaira ne bataya ke Bilawal Bhutto Zardari he Party ki intekhabi mohim chalaenge.

Zulfiqar Ali Bhutto Biography In Urdu

Zulfiqar Ali Bhutto 5 January 1928 ko Larhkana ( Sindh ) mein Shanawaz Bhutto ke han Lady Khursheed ke batan se peyda hue. Ibtedai taleem Larhkana mein pane ke bad Bombay rukh kiya. In ki pehli shadi 12 saal ki umar mein Ameer Begum se hui. Bombay se he Matric kiya. Matric karne ke dauran Bhutto ne apne ird gird ke halaat se mutasir ho kar Qaid-e-Azam Mohammad Ali Jinnah ko aik khat likha.

B.A.ki degree Berkley University ( California ) se hasil ki. Oxford University mein bhi zer-e-taleem rahe. 1951 mein in ki dosri shadi Nusrat Begum se hui, jin ka talluq Iran se tha. Berkley se 1952 mein M.A. Law of Philosophy mein kiya. 1953 mein Linkun University se Law ki degree hasil ki. South Matin University se aalmi qanoon ke ustaad muqarrar hue. Bad azaa watan wapis aa kar Sindh Muslim Law College Karachi mein aalmi qanoon ki taleem dene lage. 21 June 1953 ko in ke haan Benazir Bhutto peyda hui. 1954 mein Mir Murtuza Bhutto peyda hue. 1957 mein Sanam Bhutto peyda hui. 1957 mein Aqwam-e-Muttehda ki General Assembly mein Pakistan ki numaiyndegi ki. 1958 mein Zulfiqar Ali Bhutto ke haan in ke sab se chote farzand Shanawaz Bhutto peyda hue.

1958 mein Pakistan mein Marshall Law lag gaya to field Marshall Ayyub Khan ki kabeena mein wazeer-e-tijarat bane. 1958 mein samandari qanoon ke mutalliq aqwam-e-muttehda conference mein Pakistani wafad ki qiyadat ki. 1959 mein pehli bar aur 1960 mein dosri bar aqwam-e-muttehda ki general assembly mein Pakistani wafad ke chairman bana kar bheje gaey. 1960 mein Rose ka daura kiya. 1962-63 mein Bharat se Masla Jammu Kashmir par muzakrat kiye. 23 January 1963 ko wazeer-e-kharja ka auhdaa sambhala. 1963 se 1965 mutadid bar salamti council aur aqwam-e-muttehda ki general assembly mein Pakistan ki numaiyndegi ki.

16 September 1966 ko Bhutto ne Pakistan People’s Party ke qeyam ka aelaan kiya. Aik martaba 30 November 1967 aur dosri martaba 1 December 1967 ko Lahore mein Dr.Mubashir Hasan ki rehaiyshgaah par siyasi rehnumaon ke convension bulae aur 1 December 1967 ko PPP ki bunyad rakhi. November 1968 mein sadder Ayub Khan ke khilaf siyasi sargarmiyon mein mulawwis hone par giraftar kar liye gae. Lekin awam ke shor machine par 14 February 1969 ko riha kar diye gaey.

4 January 1970 ko Nashtar Park Karachi mein khitab kiya. Phir 11 January 1970 ko Liaqat Bagh Rawalpindi mein taqreer ki. Phir 8 March 1970 ko Mochi Darwaza Lahore mein khitab kiya. 4 October 1970 ko Bhutto ne Nasir Bagh Lahore mein awam se khitab kiya. November 1970 mein Pakistan television aur Radio Pakistan se intekhabi taqreer ki. 20 December 1970 ko Punjab Assembly se khitab kiya. 7 December 1970 ke aam intekhabat mein apni party ke manshor mein tarmeem o izafa kiya. 27 February 1971 ko Punjab University new campus mein khitab kiya. 16 December 1971 ko General Niazi, General Arorha Singh ke samne hathyar dalne ki dastavez par dastakhat kiye. 21 November 1971 ko Zulfiqar Ali Bhutto Pakistan ke pehle Duputy Prime Minister namzad kiye gae. 20 December 1971 ko apni kabeena tashkeel di. Usi dauran abori aaiyn nafiz kiya aur mulk se Marshal law utha liya gaya. January 1972 mein iqtesadi islahaat jari kiye. 30 January 1972 ko Pakistan ne daulat e mushtarka se alehdgi ikhteyar kar li. 1st March 1972 ko zarae islahaat ke nifaz ka aelaan kiya gaya.

15 March 1972 ko Matric tak taleem muft kar di gai. 12 April 1972 ko Mustaqil aaiyn tayyar karne ke liye aik 25 rukni committee Miyan Mohammed Ali Qasori ki sarbarahi mein tashkeel di aur is committee se kaha gaya ke 1 August 1972 tak assembly mein aaiyn ka masooda pesh karen. 21 April 1972 ko mulk mein abori aaiyn nafiz kiya gaya ur sadder e mumlikat ne azsarno apni kabeena se hulf liya. 28 June 1972 se 3 July 1972 saddar e Pakistan Zulfiqar Ali Bhutto aur prmi minister Bharat Indra Gandhi ke darmiyan aik Muaaheda tey paya. 28 October 1972 ko aaiyn sazi ke liye Islamabad mein parliamentary parties la leaders ke darmiyan aik samjhota hua.

1973 ke aaiyn ke tehat sarbarah mumlikat bataur sadder Islami Jamhoriya Pakistan ki yakjehti ki tarjumani karta hai. 21 March 1973 ko Pakistan ki samandari hudood mein 50 behri meel ka izafa hua jis ki badaulat Fish ki peydawar aur deegar samandari wasaiyl mein izafa hua. 6 April 1973 ko is masooda par behas hui. 21 April 1973 ko Pakistan mein civil marshal law ka khatma hua. 10 August 1973 ko naye aaiyn ki tadween ke baad sadder e mumlikat ka chunao hua. 12 August 1973 ko Bhutto Pakistan ke prime minister chune gaey, lehaza unho ne 14 August 1973 ko apne auhdey ka hulf uthaya. 14 August 1973 ko president aur prime minister ke sath pori kabeena ne hulf uthaya. 28 August 1973 ko aik aur muaaheda ki rou se baqi manda Paksitani qaidiyon ko Bharat ne riha kar diya. 31 December 1973 ko Roos ke taawun se Pakistan Steel Mills lagai gai. 22 February 1974 ko Pakistan ne Bangladesh ko tasleem kar liya. Bhutto ki koshish se 22 se 24 February 1974 Pakistan mein Islami sarbarahi conference munaqid hui. 5 June 1974 ko Khatme Nabowat S.A.W.W aur tahaffuz e izzat o namoos Muhammad SALLALLAHO ALAEHE WASALLAM is masle par Zulfiqar Ali Bhutto ki hidayat par adalti karwaai ka aaghaz hua.

8 April 1976 ko Zulfiqar Ali Bhutto ne sardari nizam khatam kar ke awaam ko baladasti di. 1976 mein Jehaz jaisi laanat aur tahaiyf jaisi rishwat par pabandi aaiyd kar di gai. 5 January 1977 ko Prime Minister Pakistan Zulfiqar Ali Bhutto ne mazeed zarai islehaat ka aelan kiya. 7 January 1977 ko aam intekhabat ka aelan kiya gaya. Bhutto ne 1977 ko intekhabat ka saal qarar diya tha. 7 March 1977 ko qaumi assembly kea am intekhabat hue. 8 March 1977 ko result aane par maloom hua ke tamam vote dhandli ki nazar ho gae. 9 March 1977 ko Pakistan qaumi ittehad ne hukoomat par dhandli ka ilzaam lagaya. 10 March 1977 ko Pakistan qaumi Ittehad ki shamoliyat ke bagher he soobai assemblies ke intekhabat ho gaey. Pakistan People’s Party is mein bhi aksaryat se jeet gai. 26 March 1977 ko prime minister Zulfiqar Ali Bhutto ko Pakistan People’s Party ki parliament party ka Quaid muntakhib kiya gaya. 28 March 1977 ko Bhutto ne aaiynda 5 saal ke liye wazarat e azma ka hulf uthaya.

17 April 1977 ko Zulfiqar Ali Bhutto ne Night Club, qumar bazi aur sharb noshi par pabandi laga di. 3 / 4 July 1977 ki raat Bhutto ne press conference mein kaha ke qaumi ittehad aur hukoomat ke muzakrat mukammal taur par na kaam ho chuke hain. 4 / 5 July 1977 ki shab Zulfiqar Ali Bhutto ne aik press conference se khitab karte hue kaha ke Main Muzakrati team se 5 July 1977 ko milne ke liye tayyar hoon. 5 July 1977 ko Zulfiqar Ali Bhutto ko mazool kar diya gaya. 3 September 1977 ko Bhutto ko bhi Karachi mein giraftar kar liya gaya. Unhe Lahore jail mein laya gaya. 13 September 1977 ko adalat ne talb kiya. 10 October 1977 ko adalat aaliya ne yeh zamanat mansookh kar di. Lehaza unhe phir giraftar kar liya gaya.

18 March 1978 ko Lahore High Court ne Zulfiqar Ali Bhutto ko Miyan Abbas, Arshad Iqbal, Sufi Ghulam Mustafa aur Rana Iftekhar samet saza e maut ka hokum diya gaya. 22 March 1978 ko Bhutto ke ilawa charo mulziman ne Supreme Court mein appeal kar di. Bhutto ne 25 March 1978 ko Supreme Court mein appeal ki. 1 April 1978 ko adalat e azma ke 5 judges par mushtamil full bench ne in ki appeal mustarid karte hue High Court kef aisle par amaldar aamad ke aehkamat jari kar diye. 4 April 1979 ko Zulfiqar Ali Bhutto ko District Jail Rawalpindi mein phansi de di gai. Unhe in ke aabai Gaaon Garhi Khuda Bakhsh ( Larkana ) mein dafan kiya gaya. Bhutto Pakistan ke wahid sarbarah the jinhe phansi di gai.

 

 

 

Copy Right 2012-2014 www.Meriduniya11.com