Header
Home> Tips  

 

 

 

 

Acne

Acne is a common and old skin disease. It creates the soiling of fat glands and hair follicles. Acne is identify from blackheads, porous etc. It has more than half dozen kinds. Acne is affect on face, forehead, cheeks, chin, neck and different parts of body. Constipation is a main problem of Acne disease. It is very harmful for our skin. It is very painful sometime. Niacin and Vitamin A is a successful sure of Acne. It can use three times daily, 100 mg Niacin and Vitamin A 50,000 international unit. We can use orange peel, lemon juice, cucumber, ginger, coriander and mint juice with turmeric powder, fenugreek. These things we can use as a mask for Acne problem. Please first take advice to your Doctor then apply any type of home cure. In this page, you can see the information about Acne home treatment In Urdu (Acne ka ilaj) In Roman Hindi.

Desitreatments Banner

Acne Tips In Urdu

Acne Image

Acne aik aam aur purana skin disease hai, jo skin ke chiknai wale glands aur hair follicles ki sozish ka natijaa hota hai. Iss ke ubhar amoman chehre, neck, chest, pusht aur shoulders ki jild par nazar aate hain. 12 se 24 saal ke afraad ki 60 % tadad (10 mein se 6 afraad ) is marz ki kam ya ziada shiddat se zaror mutasir hote hain. Kuch log umer ke is hisse mein apne waza qataa ke barey mein bohat hassas hote hain aur acha nazar aana chahte hain. Chunache in logon ke liye acne pareshani ka sabab ban jati hai, kyun ke acne ke keel muhase aur chaiyyan inhe ehsaas e kamtari mein mubtila kar dete hain.

Symptoms and Causes:

Acne ki shanakht comedones ya black heads, phunsiyon aur keelon ke maujodgi se hoti hai. Acne ki nisf darjan se ziyada iqsaam hain. Jin mein se sab se ziyada aam qisam black heads ki soorat hai. Mutasira hone wala ziyada tar ilaqa forehead, kanpatiyan, cheeks, chin, neck aur back yani kamar kabalaai hissa hai. Kuch afraad ka pora jism blackheads se bhar jata hai, jin ke sath phelte hue nishan aur dhabbey hote hain.

Har qisam ki acne ka sabab khane pene ki ghalat aadatein hain, jin mein khana ghalat auqat mein khana, nashastedaar ghizaeyn aur sugar ka ziyada istemal aur isi tarha fried aur muraghan ghizaon mein ziyada raghbat hai. Purana qabz bhi acne ka sabab hai, agar intestine theek tarha nutehrik na ho to fuzla poritarha kharij nahi hota aur na he itni jaldi kharij hota hai, jitni jaldi hona chahiye. Intestines mein fuzla rehne se blood ke bahao mein zehreeley maddey shamil ho kar skin mein pohanch jate hain. In izafi zehreeley maddon ko kharij karne ke liye skin koizafi koshish karni parhti hai. Jis ke natijey mein acne aur skin ki deegar bemariyan peyda ho jati hain. Is beqaiydgi ke dosre asbaab mein hifzan e sehat ke rules se ghaflat, tea, coffee, alcohol ya tobacco ko ziyada iztemal aur tasahul parmabni aadaton ki wajah se meyde ki kamzori, badhazmi aur amomi kamzori shamil hain.

Acne Home Treatment In Urdu ( Acne Ka Ilaj)

Vitamins :

2 vitamins , niacin aur vitamin A acne ka Ilaj karne ke liye kamiyabi se istemal hoti hain.s vitamins se Ilaj ke liye daily 100 mg niacin 3 dafa aur vitamin A 50,000 intyernational unit 3 dafa li jaey. Vitamin E 400 mg bhi daily aik dafa li jani chahiye. Yeh Ilaj aik maah tak jari rahe to mustaqil kamiyabi hoti hai.

Zinc :

Ilaj bilghiza ke zaman mein aik aur maussir jo acne ke tadaruk ke liye umeed afza soorat peyda hoti hai, wo zinc hai. Kae afraad mein to yeh dramatic nataiyj murattab karta hai. Ilaj ke gharz se zinc ki khai jane wali miqdar 50 mg daily 3 dafa honi chahiye. Zinc tablets aur capsule ki shakal mein dastiyab hota hai. Tablet ke shakal mein 200 mg ki tablet ka ¼ aik waqt mein liya jaey. Capsule amoman 220 gram safoof par mushtamil hota hai. Tablet ki tarha capsule mein maujood safoof ka ¼ fee khuraak liya ja sakta hai. Acne ka patient 50 mg ki aik khuraak daily, aik maah tak le sakta hai. Soortehaal mein behtari na aaey to yeh muddat barhai ja sakti hai. Jab qabil e zikar aafaqa mehsoos ho to daily khuraak kam kar ke 25 mg kar di jaey aur phir aik maah ke bad chor di jaey. 3 months se ziyada arsaa 25 mg zinc daily lene se tabiyat mein bojhal pan aur depression tari ho sakta hai.

Orange Peel :

Orange peel acne se mutasira skin par beyroni istemal ki soorat mein intehai kamiyab Ilaj sabit hota hai. Kisi stone par orange peel ko pani ke sath achi tarha koot kar is malidey ko mutasira hisse par lagaya jata hai.

Lemon :

Phunsiyan, keel aur acne par qaboo pane ke liye lemon bhi bohat mutasir sabit hota hai. Lemon juice baqaiydgi se mutasira jild par lagaey to aafaqa ho jata hai.

Ginger :

Acne ke Ilaj mein ginger ko log barhi kamiyabi se istemal karte hain. Mutasira jild par kacha ginger cheel kar din mein mutadid bar ragrhen to phunsiyan aur keel koi marks chore bagher ghayab ho jate hain. Kuch baligh afraad mein intehai ziddi qisam ki acne ka Ilaj ginger se kiya ja chuka hai. Ginger ka beyroni istemal jild se acne ke dhabbey, daagh, phunsiyan aur phorey saaf karne mein madad deta hai. Agar ginger ke 3 javey kachi daily aik dafaa khai jaey to Ilaj ziyada maussir aurtez ho jata hai. Aik month tak ginger ki 3 kachi ginger ke javey khane se blood saaf ho jata hai aur skin taweel arsey tak saaf shaffaf rehti hai.

Coriander and Mint Juice :

Tea ka aik spoon coriander ka juice aur chutki bhar turmeric powder mila kar istemal karna, phunsiyon aur blackheads ka maussir home cure hai. Daily raat ke waqt sone se pehle face achi tarha wash kar ke is mixture ko face ke mutasira hisson par lagana chahiye. Coriander ki tarah mint juice bhi turmeric powder mila kar lagaya jaye.

Fenugreek :

Keel Muhase (Acne) ke Ilaj ke liye methi (fenugreek) bhi bohat karaamad hai. Meythi ke patton ke taste bana kar daily raat ko sone se pehle face par lagaeyn. Aur subha uth kar neem garam pani se wash karen. Is ka istemal phunsiyon aur blackheads se tahaffuz deta hai.

Cucumber :

Mash kiya hua cucumber face, eyes aur neck par 15 se 20 minute tak lagane se maussir nataiyj milte hain. Yeh face skin ke liye zabardast tonic hai. Is ka baqaiyda istemal phunsiyon aur blackheads se mehfooz rakhta hai.

Ghizaai Aehtiyat :

Keel (Acne) ke patient ko ghizaon ke zariye sehjatyaab hone ke liye aaghaz mein aik hafta tak sirf fruits ko apni khuraak banana chahiye. Daily teeno waqt fresh, juicy fruits apple, pear, grapes, grape fruit, peach and pineapple istemal karne chahiye. Peene ke liye sada pani sugar waghera ke bagher lemon ke juice rakhen. Pani garam ya thanda koi sa bhi pee sakte hain. Lemon aur pani ke ilawa koi aur mashroob na piyen. Aik week ke bad patient batadreej khoob mutawazin ghizaeyn shuru kar sakta hai. In mein bhi ziyada zoor kachighizaon par hone chahiye. Khusosan fresh fruits, vegetables, phote hue seeds, kachi phalliyan aur salim anaaj ( khas taur par bajra aur brown rice ) istemal kiye jaey. Aik maah ke bad sirf fruits par mushtamil ghizaon ko mazeed 3 din istemal karen. Yeh mamool us waqt tak jari rakhen, jabtal skin ki halat behtar nahi ho jati. Meat, sugar, strong tea and coffee, spicy foods, pickle, soft drinks, tablets, toffees,, ice cream aur process kiye hue khane jahan tak mumkin ho, in sab se parhez karen.

Deegar Iqdamaat :

Sirf fruits par mushtamil khano ke pehle haftey mein neem garam pani ka enema daily len, ta ke intestine saaf ho jaeyn. Mutasira skin ki tekor se masaam khul jate hain aur fazil maddey aasani se bahar aa jate hain. Chunache yeh amal bhi daily apnaey. Bad mein mutasira hisse thande pani se wash karen, patient ko dhoop aur hawa ka ghusal karne ke liye ziyada se ziyada jism ko naked kar ked hoop mein daily kuch dair ke liye rehna chahiye. Yeh amal mausam e sarma ke liye mauzoo rehta hai. Acne ki kisi bhi qisam mein haftey mein 2 baar neem garam pani main salt mila kar ghusal karna chahiye. Is ghusal ke liye 60 liter garam pani ( 37.8C ) mein 1.5 kg Epsom salt mila kar patient ko 25 se 35 minute tak bath tub mein rehna chahiye. Yahan tak ke aap ko khoob pasina aa jaey. Ghusal ke bad jism ko batadreej thabda karen.

 

Beauty Tips

Teenage Makeup Tips

Hair on Face

Summer Skin Care

Exercise Tips

Make up According To Season

Homemade Mask

Eyebrows In Urdu

Aankhon Ki Hifazat

Waxin In Urdu

 

Copy Right 2012-2014 www.Meriduniya11.com