Header
Home> Tips

 

 

 

 

Aloe Vera

Aloe Vera is a green plant. It is a natural remedy of cure. Western researchers say that it is a magical plant. Aloe Vera is called as natural energetic supplement in Western Countries. Aloe Vera is used in different herbal products and medicines. It is natural treatment of skin problem for pimples, marks, pigmentation and hair problems. We can make the scrub, mask, cleanser etc of Aloe Vera for our skin. It glows the skin and hairs. Aloe Vera juice is very useful for intestines. It removes the soiling and pain of the body. Aloe Vera also called as Fat Burn Plant. It has essential enzymes, 75 food components, 118 amino acids, 200 ecto compound, 20 minerals, Vitamin B – 1, 2, 6 and Vitamin C, chlorine, calcium, iron, magnesium, manganese, potassium, sodium and zinc. Aloe Vera is a best moisturizer for skin. In this page, you can see the Aloe Vera benefits In Urdu and Roman Hindi. please first take advice to your Doctor then use any tips.

Aloe Vera In Urdu

Aloe Vera Image

Aloe Vera (gheekawar) aik shifai plant hai. Western researchers ise magical plant bhi kehte hain. Umar ke asraat se jild ko mehfooz rakhta hai. Khushk mausam mein nashonuma pata hai. Qadeeem yunani tib mein ise herbal medicines ke taur par bhi use kiya jata hai. Aloe vera ka juice, leaves aur gooda jild ke mutadid masaiyl ka ahataa karte hain. Is ke juice intestines ke liye mufeed tasleem kiya jata hai. Jism ki soiling door karta hai aur yeh dard kash bhi hai.

 

Aloe Vera Benefits In Urdu

Aloe Vera Ke Fayde (Aloe Vera Ke Fawaid)

Yunani experts is ko jism ke androni o beyroni istemal ke liye mukhtalif medicines mein shamil karte hain. Yeh ba aasani dastiyab plant hai. Jis ki masnoaat har medical store par mil jati hain. West mein ise natural energetic supplement kaha jata hai. Capsule, gel aur juice mein in ka istemal aam hai. Ise khan eke liye bhi kacha istemal nahi karna chahiye. Is ke godey mein essential enzymes, 75 ghizai juz, 118 amino acids, 200 ecto compound, 20 minerals, vitamin b – 1, 2, 6 and vitamin , chlorine, calcium, iron, magnesium, manganese, potassium, sodium and zinc maujood hote hain. Is ka baqaiyda istemal sugar ki satah ko mutawazin rakhta hai. Jild damakne lagti hai aur kae mauzi bemariyon se mehfooz raha ja sakta hai.

Aloe Vera Benefits For Skin In Urdu, Hindi

Aloe vera ko jild (Skin) ki khoi raunaq lautane ke liye bhi misali mana jata hai. Jhaiyon aur pigmentation ke ilawa keel mahason wali jild ke liye bhi maussir hai. Is ka gooda hairs mein bhi lagaya jata hai. Zakham ya jalne ki soorat mein Aloe vera mutasira hisse par mal len. Goodey ka mask hairs aur skin dono ke liye mufeed hai. Yeh jild ki lachak bahaal kar ke ise natural mazbooti farahum karta hai. Yaad rahe kabhi bhi khaam plant ko baraherast jild par na lagaeyn. Yeh skin infection ka sabab ban sakta hai. Munasib yehi hai ke ise achi tarha wash kar ke peel off kar liya jae, phir is ka gooda nikaal kar skin par mala jaey. Chaalon aur daano ke nishanaat bhi saaf karta hai. Aloe vera ka shaffaf gooda jise gel bhi kehte hai, leaf ke andar hota hai, ise face par mala jae to keel mahason se nijaat hasil ki ja sakti hai. Is ka righan, gooda aur juice skin care ki mutadid masnoaat mein bhi shamil kiya jata hai.

*Dry aur phati hui (Skin) jild ke liye mufeed hai.

*Aloe Vera ka oil rookhi be raunaq jild (skin) ko name farahum karta hai.

*Mahauliyati pollution aur suraj ki muzir shuaaon ke liye dhaal ka kaam karta hai.

*Skin (jild) ke khuliyat ki nashonuma batadreej behtar hoti hai.

*Skin soft, smooth and shiny hoti hai.

*Sun burn ho jane ki soorat mein is ka gooda mutasira hisses par lagane se araam aata hai.

*Anti bacterial khusosiayt zakhmon ko jild (Skin) mandmal karti hai.

*Khinche hue paththon ke ird gird hifazati deewar ban jati hai.

*Aloe Vera best moisturizer hai jo jild (Skin) ki natural lachak bahaal kar ke khuliyat ko oxygen ki rasd farahum karta hai.

*Skin (Jild) ki nami barqarar rehti hai.

*Is ki injazabi khusosiayt jild ki androni the tak mufeed ghizai juz pohnchati hai.

*Anti wrinkle cream, facial mask, skin conditioner aur lip stick mein shamil kiya jata hai.

*Aloe Vera jild (Skin) par barhti umer ke asraat namodar nahi hone deta. Aloe vera mein maujood Vitamin C aur E jild ki ghizai zaroriayt pori karte hain. Aloe vera masnoaat beshtar afraad mein jildi zod hisi ka sabab ban sakti hain, kyun ke in ki khalsiyat ziyada hoti hai. Agar aap hassas jild ki malik hain to munasib yehi hai ke istemal se pehle mahir jildi amraaz se rujoo karen.

Scrub of Aloe Vera and Oats

Ingredients : pisi hui oats 1 table spoon, pise hue almond 1 table spoon, honey 1 table spoon, Aloe vera ka gooda 1 table spoon.


Directions : * sab se pehle tama ajzaa ko aik bowl mein daal kar mix kar len.

* Ab face ki cleansing karen aur yeh crub face (chehra) aur neck pe mal len.

* Achi tarha halke hathon se is paste ka massage karen.

* Hathon ki harkat oper se niche ki janib honi chahiye.

* Jab paste dry ho jae to neem garam pani se dho len.

* Behtareen nataiyj hasil karne ke liye cleansing aur facial mask lagan eke bad is aamezey se scrubing karen.

Aloe Vera Body Lotion

Ingredients : pise hue almond 1 tea spoon, Aloe vera ka gooda 1 bowl, Coconut oil 1/3 bowl, almond oil ¾ bowl, base wax ( shehad ke chatte ka mom ) ¾ ohz, essential oil 1 ya ½ tea spoon, Vitamin E oil ( capsule se nikaal len ) 1 tea spoon.

Directions : * Pise hue almonds, aloe vera ka gooda aur vitamin E ko blend mein achi tarha mix kar len.

* Coconut oil aur base wax ko half minute ke liye microwave mein garam karen phir baqi ajzaa ke sath mila len.

* Is mixture ko 10 second ke liye dobara garam karen ta key eh achi tarha mil jae.

* ab is mixture ko almon oil mein mila len aur agar zarorat mehsoos ho to dobara garam kar len. Is aamezey ko aik bar phir blender mein mix kar len. Is cream ki rangat white ho jaegi.

* Cream ko blender mein rehne den aur is mein essential oil bhi shamil kar len, jo he yeh mayonnaise jaisi thick ho jae blender band kar den.

* Cream ko kisi bhi jar mein nikal len. Ise fridge mein bhi rakh sakte hain. Behtareen body lotion tayyar hai.
Aloe Vera Skin Toner : Aik cotton pad ko aloe vera ke goodey mein bhigo kar face par mal len. Yeh jild ke masamaat ka gher zarori roghan batadreej kam karta hai. Yeh behtareen natural toner hai. Normal aur oily skin ke liye mufeed hai. Hassas skin ki soorat mein mutawazi miqdar mein pani mila len.

Aloe Vera Mask

Ingredients : Rose essential oil 1 drop, Aloe vera ka gooda 3 table spoon, Lavender oil 1 drop.

Directions : Tamam ajzaa ko achi tarha mix kar ke face aur neck par laga len. Kuch deyr bad face dho len. Yeh mask garmi ki hiddat kam karta hai. Lehaza garmi ke dino mein week mein aik baris ka use zaroor karen. Yeh jildi zod hisi ke liye bhi maussir hai.

Aloe Vera Diet

Yeh karishmati plant bohat si khusosiyat ka malik hai. Maghrabi mumalik mein is ka gooda aur is ka juice diet ke liye istemal kiya jata hai. Ise fat burn plant yani chiknai jalane wala plant bhi kehte hai. Stomach ki bemariyon khas kar intestines ke masaiyl ke liye bohat mufeed hai. Zeyl mein kuch tarakeeb batai ja rahi hain, jinhe aap bhi aazma sakte hain. Lekin yaad rahe ke kabhi bhi aloe vera ke plant se juice khud kasheed na karen, bal ke market mein dastiyab tin pack juice khareden.

Aloe Vera and Carrot Juice

Ingredients : Aloe vera ka juice 2 table spoon, Carrot 2 adad darmiyani, honey 1 table spoon.


Recipe : Carrots ko peel off kar ke wash kar len. In ke juice nikaal len. Ab is juice mein aloe vera ka juice aur honey mila len. Lejiye aap ka juice tayyar hai. Ise aap roz marra diet mein shamil kar sakti hain. Yeh vitamin A aur deegar zarori ghizaeyat se bharpor drink hai.

Aloe Vera Salad Dressing

Ingredients : Mint leaves ½ bowl, laal mirch ½ adad, lehsun 1 jawa, Aloe vera juice 2 table spoon, salt hasb e zarorat, black pepper hasb e zarorat.

Recipe : Tamam ajzaa ko blend mein daal kar achi tarha paste banal en. Is paste ko bottle mein rakh kar fridge mein rakh den. Ab jab bhi salad banae is dressing ki zra si miqdar shamil kar len.

To kya khayal hai ??? Aloe vera ke itne fawaiyd jaan kar is sehat bakhsh shifai plant ko ghar mein na uga len aur is ki besh baha khusosiyat se faiyda hasil karen.

 

 

 

Beauty Tips

Teenage Makeup Tips

Hair on Face

Summer Skin Care

Exercise Tips

Make up According To Season

Homemade Mask

Eyebrows In Urdu

Aankhon Ki Hifazat

Waxin In Urdu

 

Copy Right 2012-2014 www.Meriduniya11.com