Meriduniya11 Header
Home> Tips  

 

 

 

 

Soup

Soup is use as a starter before the dinner mostly in winter. Thick soup is hot in nature and vegetables soup cold in nature, it can use in summer season also. Soup is very useful for flu, cough and throat problem. It has many kinds, vegetables soup, chicken soup, corn soup etc and every kind of soup have different taste and aroma. Soup is very useful for dieting people. Soup is very healthiest food for our health. It has maintained the water level of the body. Soup can be making from different recipes. Miso soup is useful for breast cancer. In this page, you can see benefits of Soup in urdu (vegetable Soup in Urdu) and Vegetable Soup In Hindi.

Soup In Urdu

Soup Image

Garam soup ka bowl hath mein ho to hath rokna na mumkin ho jata hai. Aam khayal yehi hai ke soup sirf sardi mein dinner se pehle starter ke taur par ya flu ki halat mein piya jata hai. Darasal yeh bharpor ghiza hai jo tibbi taur par sehat ke liye faiydemand hai. Duniya bhar mein soup ki kae iqsaam hain. Ise kae tareeqon se tayyar kiya jata hai. Maqsad sab ka aik hai ke jism ko darkar pani aur ghizaeyat mutawazin miqdar mein hasil ho sake. Is mein shamil masalon ki kam miqdar aur tayya karne ke simple tariqey ki wajah se yeh maghrabi mumalik mein khano ka baqaiyda hissa ban gaya hai.

Soup ke hawale se garam taseer wali ghiza ka mafroza ghalat sabit ho chukka hai. Food experts bhi is ki nafi karte hain. In ke khayal mein soup ki taseer us waqt garam hoti hai. Jab is mein garam taseer wale ajzaa shamil kiye jaey. Warna soup ki har qisam garam nahi hoti. Vegetables, chicken, beef, fry karen ya yun he pani daal kar sath paka len. Is tarha soup ki ghizaai aehmiyat qaiym rehti hai.ziyada der tak fry karne mein sabzi, gosht aur murghi k eke khas ghizaai juz waste ho jate hain. Expert ghizaeyat soup ki afadiyat barhane ke liye is ke khas ajzaa ko aik sath pakane ki advice dete hain. Vegetables ke arqiyat aur vitamins, beef ke proteins is soorat mein soup mein shamil rehte hain. Soup mein hararon ki tadad intehai kam hoti hai. Yani na hone ke baraber. Isi liye ise starter ki forehsat mein shamil kiya jata hai. Jab ke experts ke mutabiq soup ki ghizaeyat itni bharpor hai ke aise starter ki jagah main course ke taur par bhi liya jae to khane ki ishteha angezi par qaboo paya ja sakta hai. Aam khayal yehi hai ke soup pi kar bhook ziyada lagti hai. Isi wajah se hota hai ke soup chunke bharpor ghizaeyat ki wajah se zod hazam hota hai aur tabiyat mein garani bhi peyda nahi karta, lehaza kuch he der bad bhook chamak uthti hai.

Vegetable Soup In Urdu

Yun to soup ki tamam iqsaam he sehta bakhsh tasleem ki ja chuki hain. Lekin vegetables ke soup ki afadiyat ziyada batai jati hai. Soup ki aik khasiyat yeh bhi hai ke yeh jism mein pani ki zarori miqdar barqarar rakhta hai. Jo jism mein blood pressure aur salt ki miqdar ko qaboo mein rakhta hai. Thand aur flu ki soorat mein chicken soup bohat faiydemand hota hai. Magar shart yeh hai ke desi murghi ka gosht istemal kiya jae. Is tarha soup ke zaiyqe aur lazzat mein bhi izafa hota hai aur is ki taseer garam ho jati hai, jot hand aur flu mein mubtila afraad ke liye bohat faiydemand rehti hai. Jab mausam ki shiddat mein izafa ho thand barh jae to breakfast, lunch and dinner mein soup ka aik barha bowl zaror shamil kar len. Yeh jism ko darkar tawanai bahaal karta hai. Garmiyon ke mausam mein vegetables aur chicken se tayyar karda soup jism ko dehydration ka shikar nahi hone dete.

Soup Ki Afadiyat (Benefots of Soup) : Kam chiknai ka hamil hota hai. Khas taur par jamne wali chiknai bemar afraad ke liye tawanai bahaal karne ka zariya hai. Nizam inehzam ko durust karta hai. Miso soup soya se tayyar kiya jata hai. Yeh breast cancer ke imkanaat ko kam karta hai. Aik haliya Japanese research ne yeh dawaa kiya hai ke in ke yahan khuwateen mein breast cancer ki sharaa maghrib se 10 guna kam hai aur is ki wajah soup ka istemal hai. Dieting karne wale afraad ke liye soup ka istemal behtareen hain. Soup kam waqt mein jald weight kam karne (Soup for weight loss) ki khasiyat rakhta hai. Yeh zehan nasheen kar len ke kisi aik qisam ke soup jaise Cabbage aur Gourd ka soup ka istemal nataiyj nahi de sakta. Is ke baraks aap daily vegetables aur Phalliyon ke soup istemal karen to bohat jald barhte wazan par qaboo paa sakte hain.


Thick Soup : Aise soups jo vegetables, eggs aur chicken ke gosht par mushtamil hote hain, inhe khan eke sath mein dish ke taur par peene se khane ki ghizaai afadiyat barh jati hai.

Thandey Soups (Cold Soups): Gourd, cabbage aur broccoli ke soup jinhe pani mein salt, black pepper ke sath ready kiya jata hai. Garmiyon mein jism ko darkar pani ki miqdar hasil karne ke liye behtareen rehte hain. In ki taseer thandi hoti hai aur inhe garmiyon mein he istemal karna chahiye.

Yeh yaad rakhiye ke soup ki taseer is mein shamil kiye jane wale ajzaa se badal jati hai. Aap mausam aur sehat ke mutabiq soup tayyar karen. Garmiyon ke dino mein vegetables, noodles aur chicken ke sath salt, black pepper aur ketchup ke sath soup banaey. Sardiyon mein desi murghi, fish, garam taseer wali sabziyan jo khas sardiyon mein ugti hain, in ke sath egg daal kar soup tayyar kiya jaey. To mausam ki shiddat se mehfooz raha ja sakta hai. Yeh bharpor ghizaai afadiyat wali main dish ban sakti hai. Ise side dish ke taur par istemal na karen. Bal ke khane se kuch time pehle pi liya karen. Jin bachon ko bhook na lagne ki shikayat ho wo soup peen eke kuch dair bad khana khane ki khuwahish zahir kar denge. Bachon ko bachpan se mukhtalif soups peene ki adat dalen. Daily nahi to week mein 2 se 3 bar inhe mukhtalif taste wale soups zaror pilaeyn. Expert dieticians diet plan mein soup zaror shamil karte hain. Aap kahin na jaey is ki ghizaai aehmiyat ko samjhe aur baqaiyda khuraak ka lazmi hissa banaey.

 

 

Copy Right 2012-2014 www.Meriduniya11.com