Header
Home> Tips
Black Pepper

 

 

 

 

Black Pepper (Kali Mirch)

Black pepper (kali mirch) is a hot spice. It is dried and used as a spice. Firstly, it was used in Yunan for medicines and cuisines. Black pepper grow from Piper nigrum, it is seed. Black pepper is an Asian spice. It is mostly cultivated in South Indian, Malaya and Indonesia. It is successful experiment to cultivate the black pepper in district Mirpur khas in Sindh. Black Pepper is use for taste in different cuisines and fruits and vegetables salad. Black pepper is a best antiseptic. It is hot in nature. In this page, you can see the information and benefits about Black pepper in Urdu (Kali Mirch Ke Fayde) In Roman Hindi.

Black Pepper In Urdu

(Kali Mirch In Urdu)

Black Pepper Image In Urdu

Tareekh batati hai ke yunan mein black pepper (kali mirch) sab se pehle khano aur medicines mein istemal ki gai. Baad mein masale le jane wale makhsos zameeni raston par yeh tijarat aur currency ke taur par istemal hui. Aaj yeh duniya bhar mein sab se ziyada istemal hoti hai. Duniya bhar ke dastarkhuwano mein har waqt maujood kali mirch siyah ke ilawa white bhi hoti hai.

Kali Mirch (Black Pepper ) ko sabit bhi istemal kiya jata hai aur pees kar bhi. Yeh aik beyl Piper Nigrum ke churchurey se seeds hain. Jab yeh apne chikne patton wali beyl par ghuchchon ki shakal mein lagte hain, to in ki rangat bhi sabz hoti hai.Jo pak kar siyah ho jate hain. In chote chote seeds mein khas khushbo hoti hai. Dry hone par in ke oper ka chilka utar diya jata hai. Aur is tarha in ki rangat white ho jati hai. Is tarha in ka zaiyqa aur khushbo bhi pheeki parh jati hai. Inhe sabz halat mein torh kar mehfooz kiya jata hai. Jo log kam tezi wale pakwan pasand karte hain. Unhe yeh shakal bhati hai. Kali mirch (balack pepper) ki aik qisam gulabi bhi dekhi gai hai. Jo khasi mukhtalif hoti hai. Gol Mirch (black pepper) halki si zehreli bhi hoti hai. Is ke ilawa dosri iqsaam sabz o surkh rangat wali mirchon ki qisam Capsicum Annuum se talluq rakhti hai.

Black Peper Benefits In Urdu

(Kali Mirch Ke Fayde)

Questions And Answers In Urdu

Question : Black pepper (kali mirch ) ka desh kahan waqeya hai ?

Answer : Kali Mirch (Black pepper) Asian masala hai. Khas taur par junobi Hindustan, Malay aur Indonesia ki paidawar hai. Wazeh rahe ke zeyr e Sindh khas taur par district Mirpurkhas mein is ki kasht ka tajurba kamiyab raha. Hindustan aur Indonesia ke maqami log kali mirch ko yunani muaalij baqrat ke zamane he se masale aur dawa ke taur par istemal karte aaey hain. Masalon ke qadeem tijarti raston ke zariye yeh maghrabi mulkon mein bhi pohanchne lagi hai. Kabhi kisi zamane mein ise tijarti raston ki qeemti currency ki maieeshiyat hasil thi.

Qaulities : Kiya kali mirch tez asar balgham door karti hai.

Answer : Kali Mirch (Black Pepper ) Hazmey ki shikayat, riyah, flu, lungs diseases aur saans ki naali ki girani door karne ke liye moussir hai.

Black Pepper Uses

Kali Mirch ko beshtar khano ke zaiyqey barhane ke liye istemal kiya jata hai. Kuch mulkon mein is ka safoof, cut hui wi strawberries aur sweet biscuits mein bhi istemal kiya jata hai. Mashraqi mulkon mein fruits ki salad ya chaat mein khob istemal hoti hai. Mukhtalif salan aur chatniyon ke sth har dastarkhuwan ki zeenat banti hai. Bal ke namakdani ke hamrah kali mirch ki bottle bhi har dining table par maujood hoti hai.

Black Pepper Uses In Medicines

Medicine ke taur par kali mirch ki khushbo bohat tawanai bakhsh hoti hai. Taseer garam hone ki wajah se balgham kharij karne ke ilawa afonat door karne ki salahiyat rakhti hai. Yani behtreen Antiseptic hoti hai. Is se flu, naak band hone ki shikayat, matli, bad hazmi, gas aur ghizaai allergy se tahaffuz milta hai.

 

 

Copy Right 2012-2013 www.Meriduniya11.com