Meriduniya11 Header
Home> Tips  

 

 

 

 

Fenugreek (Methi)

Fenugreek (Methi) is used as different forms. Dry, seeds and vegetables form. Its Arabian name is Halba. Fenugreek is cultivated in subcontinent mostly in winter season. Its leaves use as green vegetable. It is useful in throat infection, sore throat, cough, healthy stomach, kidney infection, asthma, improve digestion, menstrual periods problem and for skin inflammations. Fenugreek is use in different cuisines for the aromatic taste. It is a herbal cure for reducing blood sugar level and cholesterol. Women’s can use fenugreek for stimulate milk flow. In this page, you can read ( Methi Ke Faide) Fenugreek benefits In Urdu and In Roman Hindi.

Methi In Urdu (Fenugreek In Urdu)

Methi (Fenugreek) ka Arabian name halba hai. Jo amoman har ghar mein masaley ke taur par ya dosre aghraaz se istemal ki jati hai. Methi ke paude ki kasht barre sagher ke hisse mein ki jati hai. Is ke patte bataur sabzi ba kasrat istemal hote hain. Yeh amoman sardiyon mein ugta hai. Is mein taqriban 2 centimeter ki lambi phalliyan lagti hain. Jab phalliyan khushk ho jati hai to zardi maiyl khushk rang ke beej nikal aate hain. Yehi beej takhum halba ke naam se istemal hote hain. Yeh khushbodaar aur pani mein bhigone se loaab peyda karte hain. In ki taseer garam khushk hoti hai.

Methi Ke Faide (Fenugreek Benefits In Urdu)

Methi (Fenugreek) ka joshanda halaq ki sozish, waram aur dard ke liye bohat mufeed hai. Saans ki ghutan kam karta hai. Khansi ki shiddat door karta hai aur meyde ki jalan jati rehti hai. Chunke purani khansi ke patients ko meyde mein jalan aur bad hazmi ki shikayat rehti hai. Is liye Tibbe NABWI S.A.W.W mein methi aur safarjal aesi medicines hain jo khansi ko thek karne ke sath sath meyde ki bhi islaah karti hain.

1- 5 gram methi ka safoof pani ke hamrah istemal karaeyn, isha’al o pechish mein mufeed hai.

2- 5 Gram methi ka safoof honey ke sath mila kar khilaey. Khansi, seene aur halaq ki khushki aur taqteer ul bol ( qatra qatra urine aana ) mein mufeed paya gaya hai.

3- Methi (Fenugreek) ka istemal zaaf ishteha ( bhook na lagne ki soorat mein ) aur zaaf meyde mein karen. Methi khatti dakaron ko bhi door karti hai.

4- Yeh bunyadi taur par peyshab aawar aur makhraj balgham hai, is liye kidney ki sozish mein mufeed aur peyshab lati hai.

5- Methi ka musalsal istemal khanazeer ( Kanth mala ) ka nehtareen ilaaj hai. Is ke sath agar honey aur olive oil bhi shamil kar liye jaey to jald faiyda hota hai.

6- Jin auraton (ladies) ko menses ki bleeding bar bar hoti ho ya periods mein be tarteebi ho. In ke liye 5 gram methi ke safoof ka istemal mufeed hota hai. Ladies ke doodh ki miqdar mein izafa bhi karti hai. Methi jismani kamzori ko door karti hai.

7- Methi ke musalsal istemal se bawaseer(hemorrhoid) ki bleeding band ho jati hai aur aksar auqat massey gir jate hain. Is mein Injeer ko bhi sath shamil kar sakte hain.

8- Methi (Fenugreek) khane se diabetes ki shiddat mein kami aati hai. Tajurbaat se maloom hua hai ke methi istemal karne wale sugar ke patients ke peyshab mein barae naam sugar reh gai.

Diabetes Ka Nuskha : Kalonji 10 gram, takhum kasni 5 gram, takhum methi 5 gram.
In teeno ka safoof bana kar subha o sham 3 gram khilaeyn.

Methi (Fenugreek) mein baaz ajzaa taseer ke lihaz se fish oil jaise hote hain. Yani in se jism ki quwwat e mudafat barh jati hai. Methi (Fenugreek) mein sukoon bakhsh salahiyat bhi paai jati hai. Is mein urine aawar alkaloid trigonelline bhi paya jata hai. Is ke loaab mein jhaiyyon ki sozish, waram aur kidney ki sozish ( infection ) door karne ki salahiyat bhi hoti hai. Yehi loaab intestines ki jalan, gas aur purani pechish mein bhi sukoon bakhsh sabit hota hai.

 

 

Copy Right 2012-2014 www.Meriduniya11.com