Header Meriduniya11
Home> Tips  

 

 

 

 

 

Hairs Tips

Gooseberry is an herbal treatment of hairs. It is a natural shampoo and conditioner for the hairs. Take one table spoon of gooseberries, one table spoon of Lemon juice and little bit water for making of mixture, then put in your hairs and do lightly massage, then rinse thoroughly. It is a simple and natural treatment for hairs from the Gooseberries. Please do not use chemical shampoo, conditioner and other treatments in your hairs; it is harmful for your hairs. We can use Aloe Vera for dry hairs and Gooseberries with yogurt for oily hairs and then use herbal shampoo and conditioner. In this page, you can see Hairs Tips In Urdu (Balo Ke Liye Tips) In Roman Hindi.

Beauty tips Banner

Hair Tips In Urdu (Balo Ke Liye Tips)

Hairs Tips

Aap apne balon (Hairs) ki qisam se waqif ho chuki hongi. Experts kehte hain ke balon ki bunyadi taur par 3 he iqsaam hoti hain. Dry, rookhe sakht aur do mohne, oily ya mutawazin mormal…… apne balon (Hairs) ki khud pehchan karna aisa mushkil kaam nahi magar yeh jaan lena bhi zarori hai ke agar kisi ke baal dry hon to kyun. Asal mein agar aap ghadood oily juz kharij nahi kar rahe, aap ne kabhi had se ziyada lemon ke ajzaa par mushtamil shampoo use kar liya hai aur jild (Skin) mein roghniyat jamaa hone aur kharij hone ka amal sust rawi ka shikar hai. Ya agar aap dhoop mein ziyada nikalti hain, sir nahi dhakti aur balon mein oil nahi lagati ya agar aap balon ko color karne wale chemicals ziyada istemal karti hain to bhi ghadood apne afa’al jari nahi rakh sakte. Yeh chemical anasir ghadodon ke sirey khule nahi rehne dete aur in mein roghan halaak ho kar reh jata hai. Aesi soorat mein agar aap aik maah mein 3 se 4 martaba chemical ajzaa istemal kar rahe hain to khuwa har week oiling bhi karen. Yeh asar kho deta hai, yeh aap ke balon ki roots mein nahi pohanchta bal ke masaam band ki soorat mein balon k siron par beh jata hai.

Oily baal (Oily Hair) wohi hote hain ke jinhe har teesre roze dhone ki zarorat aan parhe aur wo meyle nazar aaeyn. Khushk balon (Hairs) mein aik dafaa ke bajae har roze oil lagana zarori hai aur oil khuwa coconut ka ho, Castrol oil ya olive oil ke chand qatrey mila kar lagaya jae ya in mein se koi bhi aik laga liya jae faiyda deta hai. Range hue balo ko halke shampoo ki madad se dhoya jae. Aam shampoo aap ke balon ki opri the jo protein ka ahataa karti hai use nuqsan pohnchata hai. Is liye shampoo industry mein kae saesi iqsaam ke shampoo dastiyab ho rahe hain jin mein protein ki miqdar shamil ki jati hai. Is ke ilawa koi bhi sakht qisam ka shampoo sir ki skin ko dry kar sakta hai, isi liye conditioner ka use kiya jata hai.

Oily balon ke liye naniyon, dadiyon ka aazmoda nuskha, besan se sir dhona aur lemon ke chand drops neem garam pani mein daal kar thora sa massage kar ke balon ko nithar lena hai. Mutawazin ya coconut balon ko ideal typr kiya jata hai. Yeh amoman inhe khawateen ke hote hain jo mutawazin khuraak leti hain. Tahum kuch mutawazin khuraak lene wali khuwateen ke baal bhi khrab ho sakte hain. Agar wo apne baal bleach karwaey ya shampoo badlen, chemicals laga kar balon ki mukhtalif styling karwaey to texture badal jata hai. Balon ki jisamat bigharti hai.

Mardon mein ganj pan jeniyati tabdeeli ke baiys hota hai. Ya phir infaradi bemariyon ki wajah se. kuch ganjpan is tarha ke hote hain jin ka koi ilaaj nahi hota, ma siwae hair transplant ke tahum agar un ke hormones mutawazin hon aur wo koi sakht qisam ki medicines na kha rahe ho ya koi chemotherapy kea mal se na guzar rahe ho to nae balon ke liye ilaak karwana munasib faisla hai. Agar aap ki zindagi mein preshaniyan ziyada hon, nend pori na ho rahi ho, mutawazin khuraak ka husool mumkin na ho to is ka asar jahan baqi jism le ga wahan baal bhi is hasasiyat ka shikar ho jaenge.

Aap 1 table spoon Amla pees len , 1 table spoon lemon juice aur pani ko thori si miqdar mila kar chemical ajzaa se pak mixture ( Mehlool ) banal en aur is qudrati shampoo se baal dho kar dekhen, farq saaf zahir ho jaega. Coconut oil balon ki ghizaeyat ke liye behtreen hai. Agar aap mustaqil is oil ka istemal karen to dryness aur lice se nijaat mili rahegi. Yeh natural conditioner hai aur mutasira balon ki afzaiysh nau ke liye behtreen totka bhi hai. Har qisam ke balon ke liye khopri ki skin par fingers se massage karen aur is tarha hone wali khoon ki gardish se nae baal bhi ugenge.

Bachiyon ke balon ki tight pony tail bana kar agar aap mutmaiyn ho jati hain to ghalti par hain. Oil lage ya oil ke bina balon ki tight pony tail se forehead ke atraaf ganjpan ki shikayat ho sakti hai. Bachon ke siron ke khatme ke liye homeopathic zariya, ilaaj mein anti lice ke naam se aik medicine maujood hai. School jane wale bachon ke saron mein kae antiseptic lotion lagane se kahi bather hai ke dawa pilane ka mehfooz tareen rastaa ikhteyar kiya jae aur sir mein peyda hone wali lice ki afzaiysh ka fori saddebab kiya jaey. Hamare yahan ammonia free hair cosmetic bhi dastiyab hain. Agar aap gire balon ki rangat tabdeel karna chahti hain to achi saakh rakhne wali companies ke ammonia free hair colors istemal karen aur apne balon ko saaf suthra rakhen. Aap mard ho ya khawateen dono he isnaaf ko apne balon ki munasib dekh bhaal karni chahiye. Maslan Aloe Vera gel dono he istemal kar sakte hain. Khushk aur beraunaq balon ke liye aloe vera ka gooda sahib aur khatoon dono he baqadr e zarorat istemal kar sakte hain. Oily hairs wale amla ke powder mein yogurt mila kar sir ka massage karen.

Beraubaq balon ko sarson ke oil aur aloe vera ke goodey se nikhara ja sakta hai. Is ke bad nibatati ya herbal se tayyar kiye hue shampoo aur conditioner se hairs wash karen. Organic bhi namiyati tariqa kasht se tayyar shuda khuraak ka istemal balon ki sehat aur afzaiysh par heyrat angez asraat murattab karta hai. Agar aap soney se pehle soft brush se baal banal en to bhi in ki exercise hoti hai aur us waqt halka sa oil laga ho to nend bhi achi aati hai. Har waqt oil laga rehna sir mein khushki ka baiys ban sakta hai, yani jab khopri ka natural oil bahum milta hai to is se ghadodon mein infection hota hai, isi tarha khushki bhi hoti hai aur baal bhi girte hain. Hairs jaise bhi hon aap se qadre ziyada waqt aur tawajja chahte hain.

 

 

 

Copy Right 2012-2014 www.Meriduniya11.com