Header
Home> Tips  

 

 

 

 

High Blood Pressure

There are many diseases causes by viruses in the world. However, in a recent research virus can cause high blood pressure too. It is a very important research, from the help of this research may doctors can make antidote for the CMV virus. In a research of world health organization, about One billion people are effected from high blood pressure. In this page, you will read Information about High Blood Pressure In Urdu .

Blood Pressure Banner

 

High Blood Pressure In Urdu

Yun to duniya mein virus kai amraz ka sabab hote hain, lekin aik haliya tehqiq ke mutabiq virus high blood pressure ka sabab bhi bante hain. Ye aik aham daryaft hai jis ke bare ache asrat is lehaz se samne asakte hain ke degar viruses ki tarah blood pressure ka sabab banne wale is virus ka hifazati teka bhi taiyar ho jaye ga aur yun is ki wajah se har saal hone wali amwat ka silsila rokne mein bari madad mile gi.

Ye inkeshaf Beijing ke chao hang hospital ke shuba e amraz e qalb ke mahireen ki aik jamat ne kiya hai. Is team ne pheli martaba insani cytomegalovirus HCMV aur high blood pressure ke bahimi taluq ki tusiq ki hai. Is ki roshni mein high blood pressure jese marz ki hifazati vaccine taiyar ki ja sakye gi.

CMV Virus logon ko zindagi mein kisi bhi waqat apna nishana bana sakta hai, lekin chunk e aksar uqat is ki kisi qism ki alamat zahir nahi hotein, is leye ese nazar andaz kar deya jata hai. Amraz e qalb ke markaz ke sarbarah doctor Yang ke mutabiq is silsile mein ye khena qabl iz waqat ho ga ke is ka hifazati tika kese taiyar ho ga, kyun ke is ki ibtedai tehqiq ka silsila abhi jari hai.

Doctor ke mutabiq pheli martaba high blood pressure se CMV virus ka taluq daryaft howa hai. Is silsile mein marizon par tawel tajurbat ke bad hi is teke ke wasi fawaid ke bare mein kuch kaha ja sake ga. Alami idara e sehat ke mutabiq duniya mein taqriban aik arab insaan high blood pressure ke mariz hain, in mein 20 karor Chini bhi shamil hai. Insanon ki aik bohat bari tadad lazmi high blood pressure ka shikar rehti hai, jis ke isbab musadiqa qarar nahi deye jate. Phele is ka sabab morose asrat aur ghair sehatmandana tarz e hayat qarar pate the, lekin ab Chini mahireen e tib ko yaqen hai ke in mein se aksar mariz HCMV naami virus ke nateje mein is marz mein mubtala hote hain.

China mein hone wali is aham daryaft ki report americam tibi risale “circulation” mein shaya hoi hai, jis ke bare mein is resale ke sabiq chief editor James Wilkerson ka tabsara mazkora hospital ki website par shaya howa hai. Un ke mutabiq ye daryaft aik nayi jahat sabit ho sakti hai,jis ke zarye se mustaqbil mein qalb aur sharyaon ke amraz ke tadaruk ki nayi rahein kul jaein gi.

New Orleans America ki toluene university public health ke tropical amraz ke school ke professor Cheyang hi ki taza tehqiq ke mutabiq high blood pressure ki wajah se China mein har saal 23 lakh afrad qalb aur sharyaon ke amraz ke natije mein halak ho jate hain. Un ke baqol un mein se taqreban 13 lakh waqat se phele halak hojate hain, yani China ki usat umar ke itebar se 72 saal se kam ke mard aur 75 saal se kam ki khawateen 2005 mein qalb iz waqat moat ki aghosh mein chali gaeib thein.

 

 

 

 

Copy Right 2012-2014 www.Meriduniya11.com