Header
Home> Tips  

 

 

 

 

Skin Care (Jild Ki Hifazat)

Natural Beauty is essential for our life. So take good care of your skin. Use moisturizers with Vitamins and Minerals. Use branded lotion and cosmetics. Beauty tips for your skin care ( Jild Ki Hifazat), homemade tips for your damage and dry skin, wrinkles, dark circle, patches, tight skin. But please first you discuss your problem with Doctor then use any tips about your skin. In this page you will read beauty tips Skin Care (Jild Ki Hifazat) in Urdu and Roman Hindi.

desitreatments Banner

Jild Ki Hifazat In Urdu

Jild Ki Hifazat Image

Mausam e sarma mein aap ki jild ki hifazat aur dekh bhal ke liye jo normal routine ke products hain, in mein tabdeeli karne ki zaroorat hoti hai. Sardiyon mein hawa mein nami ka tanasub kam ho jata hai aur is mausam mein hawa sard hone ke sath sath khushk nhi hoti hai. Jis se jild par manfi asraat murattab hote hain aur nateeje mein jild khushk ho kar phatne lagti hai. Yeh baat takleef dey aur pareshan kun hoti hai. Magar kuch aesi baten hain ke jinhe tawajja se kiya jae to mazkoora bala masaiyl par qaboo paya ja sakta hai.

Aksar aurtain aik Moisturizers khreedti hain aur usi mein pora saal nikal deti hain. Sardiyon mein jild ki Hifazat ka aik behtreen usool ye hai ke apni products ko mausam ke badalte andaaz ke sath hum aahang karen. Conditioner ke bajae sardiyon mein cold cream ka istemaal kiya jae jis mein oil aur cream ka istemaal kiya jata hai. Yeh garha hota hai aur jild ki nami ko zaya hone se rokta hai. Apne moisturizers se ziyada se ziyada faiyda hasil karne ke liye zaroori hai ke wo moisturizer istemaal karen jin mein Vitamins aur Madniyaat ka bhi istemaal kiya gaya ho. Jild ko khushk hone se bachane ke liye deegar baton par bhi tawajja di ja sakti hai. Sardiyon mein aik routine bana liya jae, jis par sakhti se amal kiya jae. Sab se pehle to ye karen ke garam pani se jild ko ziyasa na dhoey. Dosra bath ya shower lene ke bad forun moisturizers laga liya karen ta ke jo nami pani ke zariye jild mein pohnchi hai wo wahin ruk jae. Teesre haftey mein ek baar apni jild ko slow slow zaroor ragrhen ta ke murdah khaal utar jae aur nae khaal oper aa jae.

TIGHT JILD ( Tight Skin)

Mahir jild, jild ko kasne aur tang karne ke liye kai tarike istemaal karte hain, magar kuch aese nuskhajaat bhi hain jinhe aap ghar mein bhi istemaal kar sakti hain, agar aap kisi mahir ki khidmaat hasil nahi karna chahti hain to ghar par hesab kuch ho sakta hai. Yeh tareeqa kaar Lotion se le kar Vitamin aur kolchin products tak mushtamil hai aur is mein cosmetics surgery bhi shamil hai. Skin ko kasne yani tight rakhne wali cream ko aap sari zindagi istemaal karen, magar dekhne wali baat ye hai ke aap is ka istemaal karen ya na karen. Ek waqt mein app ki umar app ki jild ko behraal mutassir karegi. Dhoop aur umar ki barhti hui jild mein colchin ko kam kar deti hai. Jo app ki jild ko narm aur mulaiym rakhta hai aur aik bharpoor look deta hai. Jaise jaise is ki miqdaar kam hone lagti hai.isi munasbat se app ko jild kasne ke tarikey par amal karne ki zaroorat parhne lagti hai.

Bila shuba is mein sab se behtreen intekhabaat cosmetic surgery hai. Khush qismati se jo khuwateen syrgery nahi karwana chahti hain un ke liye kuch mutabadil ka intezaam ho gaya hai. Misaal ke taur par Botox injection hai jis ko laga diya jae to jild khinch jati hai aur shikney door ho jati hain aur bhi dosrey tareeqe hain, wo bhi injection ke zariye khaal mein dale jate hain. Jild se lakeeren door karne ke liye edio views ka bhi istemaal kiya jata hai. Is process ko Therm age kaha jata hai. Aik aur tareeqa ti teen kehlata hai, jis mein infraaid shoaaeyn istemaal ki jati hain. Lazers technology mein musalsal izafa ho raha hai aur deegar shobon ke sath sath surgery mein bhi is ka istemaal kiya ja raha hai. Is technology se fiayda uthane se pehle kisi mahir jild se lazmi mashwara kar len. Bohat se ache lotions aur cream products hain jo chehre aur jism par lagai jaen to bohat faiyda hota hai. Surgery aakhri operation hai aur amooman Pait, Raan ( thigh ) aur face lift ke liye surgery karwai jati hai aur is se mard aur aurat dono yaksan faiyda utha sakte hain.

JAMI HUI JILD

Qudrat ne jild ko androoni zaraye se tawanaai ke husool ka zariya banaya hai, magar hota ye hai ke 25 saal ke bad is tawanai mein kami hone lagti hai. Is ki wajah jild ki umar main izafa, wazan mein kami aur kuch beyroni ansar hai. Maslan dabao aur tanao aur dhoop waghera. Yeh sab jild ki fibre mein kami kar dete hain, jis ke bad jild ka pakka pan dheela parhne lag jata hai. Khush qismati se is kami ko hum dunyawi zaraey se pora kar sakti hain. Magar koshish ye karni chahiye ke waqt guzarne se pehle pehle bachao ka rasta apna lena chahiye, warna jild ko naqabil talafi nuqsan pohanch sakta hai. Aese mein aik aam aur rewayati moisturizers karaamad sabit nahi ho sakta.

Agar app ko apni jild ko pakka karne ki ziyada zaroorat hai to phir app ko “ orange skin ” ka masla hai. Jild ko pakka karne ke liye cream ko daeyre ki shakal mein lagaen aur us jild par ziyada lagaen jahan Jild jaldi loose ho jati hai.
Paon par bhi isi andaaz mein lagaen magar thore ziyada dabao ke sath. Ye amal app ki jild ke tanao ko khatam kar dega. Khoon ki gardish mein izafa karega aur khaliyon ke qudrati andaaz mein faal kar deta hai. Is se raan ko shape milti hai. Pait flat ho jata hai.

TAKIYE KI LAKEEREN (Pillow Creases)

In lakeeron ko pillow crease kaha jata hai. Jin ka chehre par namoodar hona khatre ki alamat hai. Ap subha sou kar uthti hain aur chehre par ek lakeer ko pati hain, jo ke guzishta kal maujood nahi thi. Ye lakeeren is takiye ki wajah se banti hain, jis par shikney parhi hoti hain aur ye bad mein sone ke dauran chehre par muntaqil ho jati hain. Achi baat yeh hai ke ye koi mustaqil lakeer nahi hoti aur chand ghanton mein ghayab ho jati hai, magar jab app mulazmat pesha hain to ghanta do ghanta kaise intezar kar sakti hain ?

Jis waqt app sou rahi hoti hain to app ki jild din bhar ki toot phoot ki murammat kar rahi hoti hai aur khud ko taza dam bhi. Der tak jild agar takiye ke sath ek he andaaz mein rahe to khoon ki gardish ruk jati hai. Aik wajah ye bhi hai ke jab log sou kar uthte hain to unhe chehre par lakeer nazar aati hai aur chehra sooja hua nazar aata hai. Jild surkh ho jati hai, aese mein app apni jild ko garam pani se dhoey aur moisturizer thora raghar kar lagae. Takiye se banne wali lakeer se bachne ka ek tareeqa yeh bhi hai ke app bilkul seedha soye, agar pehlo mein sona hai to takiya silk ke ghilaaf wala istemaal karen, jin par kam se kam shikney banti hain. Daily moisturizer lagaen ta ke jild ko zaroorat ke mutabiq nami milti rahe. Agarcha takiye se banne wali lakeeren mustaqil nahi hoti hain magar yeh bad mein jild ke liye masaiyl peyda kar sakti hain.

 

 

More Links

 

Copy Right 2012-2013 www.Meriduniya11.com