Header Meriduniya11
Home> Tips  

 

 

 

 

Threading Waxing Tweezing

Waxing, threading and tweezing are the simple way to remove the unwanted hairs from roots. We can remove the upper, lower lips hairs and face hairs from the wax. Waxing has two types, hot wax and cold wax. Mostly use the hot wax. Use talcum powder on your skin before the waxing. We can set the eyebrows from threading. Threading is used to raise the arch and add the shape of the eyebrows. Tweezing is a very harmful way to use from tweezers. It is use for plucking the unwanted hairs of the face. In this page, you can see the information and benefits about threading ,Waxing, tweezing In Urdu and Roman Hindi.

Beautytips Banner

Threading ,Waxing , Tweezing In Urdu

Bachon jaisi naram o mulaiym jild ki khusosiayat qudrati taur ar har skin mein nahi paai jatin, jun jun skin pukhta hoti jati hai. Is ki lachak aur name mein tawazun qaiym nahi rehta. Khobsurti ke dushman gher zarori baal bhi hain. Jo kisi soorat bhale nahi lagte aur musalmano mein sharai taur par bhi long baal rakhna durust amal nahi, lekin chehre ke atraaf ya tangon ke balon se nijaat hasil karne ke liye khuwateen kae tareeqey apnati hain. Husun o aaraiysh ki mad mein barson se raiyj chand tareeqey khuwateen apni sahulat ki munasbat se ikhteyar karti hain. Sab se pehle to yeh jaan lijiye ke skin par balon ki nashonuma kyun hoti hai ?

Skin ki satah ke andar follicles hote hain jo balon ki nashonuma ka sabab bante hain. Darasal in follicles ki tadad mein kami ya ziyadti jism mein Mali hormones ki satah ke izafey ki wajah se hoti hai. Androgens naami yeh hormones baaz khuwateen mein ziyada hote hain, jis ki wajah se in ki skin par balon ki nashonuma bhi barh jati hai. Aik andazey ke mutabiq insane jism par taqriban 5 million hair follicles hote hain. Lekin in sab se baal nahi ugtey. Follicles is waqt fa’aal ho jate hain. Jab jism kisi hormonal changing se guzarta hai. Maslan baloghat, hamal theharna, barhti umer ya kisi dawa ka side effect ya phir farbahi jaise awamil is ke ilawa skin par gher zarori balon ki wajah maurosiyat bhi hai. Yani agar aap ki dadi bhi aise masaiyl ka shikar thin to aap mein bhi is ka imkaan 90 % tak paya ja sakta hai.

Tweezing : Dhaat se bani choti si chimti se gher zarori baal noch kar nikalne kea mal ko tweezing kehte hain. Is tarha aik bar mein aik he baal root se nikal jata hai. Yeh tareeqa kae saddiyon se raiyj hai au rise karne ka durust waqt garam pani se ghusul ke bad hai, kyun ke jild ke masamaat khule hote hain aur skin mein naami bhi barh jati hai. Astringent mein bheegi cotton ka pad tweezing ke bad mutasira hisse par lagaeyn ta ke jild jalan se mehfooz rahe.

Fawaid : Upper lips aur eye brows ki fori safai ke liye yeh easy tareeqa hai. Yeh aap khud bhi kar sakti hain.
2 weeks tak balon ki nashonuma kam rehti hai.

Nuqsanat : Skin par chubhan ka aehsaas hota hai. Tweezing se aik waqt mein aik he baal nikalta hai yani sast ro tareqa hai. Balon ki nashonuma tez karta hai.

Waxing : Waz 2 tarha ke hote hain, hot aur cold. Hot wax ko halka sa garam akr keg her zarori balon ko nichli satah yani afzaiysh ki jagah par lagaya jata hai. Ab kisi motey kaprey ya kaghaz ki patti is par aehtiyat se rakhi jae au rise halka se dabatey hain, ta ke hawa ke koi zarrat wax mein na reh jaey. Phir is patti ko balon ke mukhalif simt mein jhatke se kheench kar nikala jata hai. Is tarha baal root samet nikal jate hain aur sath he jils ke murdah khuliyat bhi jharh jate hain. Jild pehle se kae ziyada naram o mulaiym ho jati hai. Cold waxing bhi hot waxing ki tarha asar dikhati hai aur isi tareeqey se ki jati hai. Waxing ke is amal mein farq sirf itna hai ke is wax ko room temperature par he rehne diya jata hai. Yani hot nahi kiya jata. Cold wax ki aam pattiyan bhi dastiyab hain. Jinhe sirf packet se nikaal kar istemal karna hota hai. Behtareen nataiyj ke liye wax se pehle talcum powder laga len. Balon ki barhne wali simt mein wax lagaey. Wax karne ke bad thande pani se mutasira hissa wash kar len aur moisturizer lagaey.

Fawaid : Jism ke un hisson mein jahan balon ki nashonuma ziyada hoti hai masaln Arms and legs wahan ki safai ke liye yeh best hai. Yeh amal ba aasani khud kiya ja sakta hai. Is tarha balon ki nashonuma kam hoti hai. 2 se 8 week tak dabara waxing ki zarorat nahi rehti.

Nuqsanat : Sensetive skin ki sorat mein hot wax garam kar ke lagane se skin jal sakti hai. Cold wax karne ke bad allergy bhi mutawaqqa hai.

Epilators : Electrical machine jis mein ghomne wale coil ya tweezers hote hain. Har baal ko root se nikalti hai. Taweel muddat qabil e istemal rehti hai. Dobara baal patle nikalte hain.

Fawaid : Ba aasani istemal ki ja sakti hai. 2 se 4 week tak baal nahi nikalte.
Istemal se pehle koi chemical murakkab kagane ki zarorat nahi hoti. Yeh machine taweel muddat tak istemal ki ja sakti hai. Maussir aur tez rafter tariqakaar hai.

Nuqsanat : Takleef dey hai kyun ke aik waqt mein kae baal kheench kar nikalte hain. Machine thori expensive hoti hai. Murdah khuliyat nahi jhartey.

Electrolysis : Aaj kal medical electrolysis device is tarah banai ja rahi hain. Jo kam se kam muddat mein balon ki nashonuma wale markaz ko tabah kar deti hain. Aik intehai bareek silaai numa aala balon ke follicles mein dakhil kiya jata hai. Baal bagher kisi nuqsan ke nochne se nikal aate hain. Root khatam kar ke follicles ko balon ki mazeed nashonuma rok deti hain. Is tariqey mein har 3 se 4 week mein aik session dohraya jata hai. Electrolysis skin keg her zarori balon se nijaat hasil karne ka mustaqil hal hai. Lekin yeh waqt talab aur qadre mehanga hai. Behter yehi hai ke istemal se pehle kisi mahir dermatologist se advice li jae.

Faide : Ziyada tar salons mein maujood hai. Baal mustaqil taur par khatam ho sakte hain. Gher zarori balon se nijaat ka tez tareen hal hai.

Nuqsanat : Jild par chubhan ka aehsaas shadid hota hai. Treatment ke dauran baal dobara nikalne lagte hain. Kuch cases mein balon se mukammal nijaat ki guarantee nahi di jati.

Laser Treatment : Is treatment mein makhsoos rays se nikalne wali roshni mutasira hisse par dali jati hai. Is hisse ke tamam baal saaf ho jate hain. Laser baal mein jazb ho kar root tak pohanchti hai. Tez hararat root mein dakhil ho kar follicles ko tabah kar deti hai aur is amar ko yaqeeni banati hai ke baal dobara nahi niklenge. Sirf laser treatment he in balon ko khatam kar sakti hai. Jo batadreej nashonuma kea mal mein hon kyun ke jild ke mukhtalif hisson par maujood balon ki nashonuma ki cycle mukhtalif hoti hai. Lehaza mahir kuch maah bad yeh amal dohrane ka mashwara dete hain. Yeh aik der paa tariqa ilaaj hai. Face par aankhon ke ird gird ke hiss eke ilawa karwai ja sakti hai.

Fayde : Tez tariqa ilaaj hai. Baal dobara jald nahi aate. Gori rangat aur gehre balon ke liye maussir hai.

Nuqsanat : Treatment ke dauran baal nikalte hain. Jild ki mukhtalif iqsam ke sath nataiyj bhi mukhtalif hote hain. Sunehre, safeyd aur surkh baal nahi nikalte.

Threading : Makhsoos thread ko aik khas andaaz se ghuma ke baal nikale jate hain. Aik se zaiyd baal nikale ja sakte hain. Waxing aur tweezing ke muqable mein yeh amal ziyada takleef dey bhi hai.

Fawaid : Face, eye brows aur upper lips ki safai ke liye maussir tariqa hai. Balon ke barhne ki rafter kam hoti hai.

Nuqsanat : Eye brows aur upper lips ki jild chonke sensitive hoti hai, lehaza yahan surkhi ho sakti hai. Koi mahir he threading kar sakta hai.

Hair Removing Cream and Lotion : Yeh cream, lotion, gel, foam ki shakal mein hoti hain. Inhe jild par baraherast spatula ki madad se lagaya jata hai. Yeh mukammal taur par alkaline yani khari hoti hain. Jo balon ko jild ki satah par he gala kar waste kar deti hain. Shaver ke muqabley mein yeh gehri safaai karti hain. Baal jaldi nahi ugtey, chand he minutes mein nataiyj hasil ho sakte hain. In creams ko eye brows ya upper lips jaise hassas hisson par istemal nahi karna chahiye, na face ke deegar hisson par gher zarori balon ki safai ke liye in ka istemal kiya jata hai.

Fawaid : Istemal mein easy aur tezi se kaam karti hain. Qeemat mein mehangi nahi hoti aur aasani se dastiyab ho jati hain.

Nuqsanat : Skin zod hasi ka sabab ban sakti hain. Baaz creams ki nagawar mehak ho sakti hai aur saans ke patients ke liye muzir hai. Aik week mein baal dobara barh jate hain.

Epilators For Face:

Shaving : Yeh balon ki safai ka sab se waqti hal hai. Lekin is tariqey se fori nijaat hasil ki ja sakti hai. Yeh bhi yaad rakhiye ke shaving karne se balon ke barhne ki rafter rang aur in ka texture nahi badalta.

Shaving For Men: Subha jagte he shaving nahi karni chahiye. Kam az kam 20 minute intezar karen ta ke son eke dauran jild pe aai hui soiling kam ho jae. Pehle shaving cream laga kar balon ko nam kar len. Aahistegi se shave karen, koshish karen ke jild par cut na lagne paye.

Tip : Shaving cream ki jagah meyari hair conditioner bhi istemal kiya ja sakta hai. Yeh skin ko shaving ke bad ta deyr naram o mulaiym rakhta hai.

Shaving For Women : Ghusul ke baad razer istemal karen ta ke masamaat khul jaye aur baal ba aasani nikal aaye. Balon ke barhne ki simt mein raser chalayein. Shaving ke baad moisturizer lagaey. Lekin shaving khawateen (women) ki nazuk jild aur posheeda hisson ke liye namauzon tareeqeykaar hai, is se ijtenaab bhi zarori hai.

Fawaid : Ba aasani istemal kiya ja sakta hai.

Nuqsanat : Yeh amal jaldi jaldi dohrana parhta hai. Baal tezi se barh sakte hain. Zakham lagne ka khadsha rehta hai.

Bleaching : Agar aap ki skin ki rangat jild par maujood balon se halki hai to unhe bleach kar ke jild se hum rang kiya ja sakta hai. Lekin yeh sirf chand weeks ke liye gher numayan hote hain. Phir kuch he din bad dobara asal rangat mein laut aate hain. Face par bleach karne se pehle cream ke meyari hone ka yaqeen kar len aur bazoo ya kalai par zara bleach bana kar lagaey ta ke wo aap ki jild ko suit kar rahi hai ya nahi. Yeh maloom ho jae. Baaz auqat fori nataiyj nahi milte. Lehaza 24 hours nad bhi kalai ya bazoo ke is hisse ka muaaiyna karen, jahan bleach lagai thi, agar kisi qisam ki zod hasi, soiling, surkhi ya kharish zahir nahi hoti to bleach skin ko suit kar gai hai.

Fawaid : Ba aasani khud ki ja sakti hai. Takleef nahi hoti. 2 se 3 week tak baal jild se hum rang rehte hain.

Nuqsanat : Na qabil e bardasht badboo jo aankhon mein jalan ka sabab banti hai. Sensitive skin ke liye gher mauzoo hai.

 

 

Copy Right 2012-2014 www.Meriduniya11.com