Header
Home> Tips  

 

 

 

 

Vitamin D and Sunshine

Vitamin D and sunshine both are same components. It is very important for everyone, especially newborn children. Vitamin D is a basic foods supplements for children. Vitamin D is also called the sunshine. It is very useful and important for bones and teeth’s health. The most important and needy compound is Vitamin D in Humans. Children’s needs to 200 unit of Vitamin D daily and Young’s needs to 400 unit of Vitamin D daily. Vitamin D is added to staple foods, such as milk. Vitamin D circulates in the blood as a hormone. If Vitamin D level is falls, so it causes rickets disease in children’. Please first take advice to your Doctor then apply any type of tips. In this page, you can read Vitamin D and Sunshine benefits ,Vitamin D Benefits In Urdu and Roman Hindi.

Desitreatments banner

Vitamin D and Sunshine Benefits

Vitamin D Benefits In Urdu

Maa ka doodh aik naumaulood bache ke liye behtareen ghiza hai. Qudrat ne is anmol khazane mein wo tamam zarori ghizaai ajzaa shamil kar rakhe hain jo ke zindagi ke pehle do dhaai barson mein is ki ghizaai zaroriyat ko bakhobi pora kar sakte hain. Lekin bache ki umer mein izafey ke sath is ki ghizaai zaroriyat mein bhi izafa hota rehta hai. Zindagi ke pehle saal ke dauran he bache ko behtareeb nashonuma ke liye jin ghizaai ajzaa ki zarorat hoti hai un mein vitamin D aik bunyadi hesiyat rakhta hai.

Vitamin D jis ko ke Sunshine vitamin bhi kaha jata hai. Bones and teeth ki mazboti aur barhotri mein bohat aeham kirdar ada karta hai. Jo ke choti aant se calcium ko absorb karne mein madadgaar sabit hota hai. Is ke ilawa cancer, diabetes aur heart diseases se bachao mein bhi muaawin hota hai.

Doodh aur doodh se bani hui ashiya vitamin D aur calcium hasil karne ka behtareen zariya hai. Is ke ilawa yeh vitamin mukhtalif ghizai anaajon aur fishes ki mukhtalif iqsaam maslan tuna aur sadden aur dry fruits mein wafer miqdar mein paya jata hai. Lekin chunke aam taur par aik aam aadmi ke liye in zaraey se vitamin D ka husool mushkil hota hai lehaza qudrat ne is silsile mein bhi Noo e insane ki bharpor madad ki hai yani is sunshine vitamin ko hum sooraj ki roshni se baraherast hasil kar sakte hain. Hamare jism ki jild ultra violet rays se yeh vitamin absorb karne ki salahiyat rakhti hai.

Jaded taren tehqeeq ke mutabiq daily 10 se 15 minute tak dhoop lene se aap ki skin ke mutabiq vitamin D absorb kar sakti hai, lekin is silsile mein skin cancer ke khadshat ke pesh nazar log kuch tahaffuzaat ka shikar hain. Chunke garam mumalik mein waise bhi garmi ki shiddat kuch ziyada hone ki wajah se log dhoop se har mumkin bachne ki koshish karte hain. Doctors ki advice ke mutabiq alal subha ya 10 baje se pehle sirf chand minute dhoop mein rehne se aap ki din bhar ki vitamin D ki zarorat pori ho jati hai.

Research ke mutabiq sher khuwar bachon ko taqreeban daily 200 unit aur balghaan ko 400 unit vitamin D ki zarorat hoti hai. Garam mumalik mein hum apne bachon ko dhoop mein nahi nikaalte is wajah se rickets ki bemari mein mubtila ho jate hain. Rickets jis ki maujodgi ka pata x ray aur blood test se lagaya ja sakta hai. Is mein bones ki nashonuma pori tarha nahi ho pati aur future mein bones ke terhe hone, totne aur fracture ke imkanaat ziyada paaey jate hain. Is ke ilawa tangon ke murhne aur back bone ke terhe hone ka khadsha bhi ho sakta hai. Rickets ke shikar bache aasani se blood ki kami ya anemia ka shikar ho jate hain. Is ke ilawa calcium ki shadid kami ka shikar naujawan bachon mein baaz auqaat daurey parhne ke imkanaat ko nazar andaaz nahi kiya ja sakta.

Lehaza vitamin D jo ke darasal aik hormone hai. Jahan hamare jism mein calcium ko istemal kar ke bones aur teeth ski mazboti aur nashonuma ka zariya hai, wahin par yeh humen mukhtalif dangerous bemariyon se bachne mein madad deta hai. Bal key un kehye key eh bemariyon ke khilaf aik dhal ke taur par istemal kiya ja sakta hai. Lehaza sard mumalik mein Doctors naujawan Maa Baap ko yeh hidayat zaror dete hain ke wo apne naumaulood aur sher khuwar bachon ko is sunshine vitamin se mustafeed karaeyn, ta ke future mein wo sehatmand aur mazboot jism ke maalik ban saken.

 

 

Copy Right 2012-2015 www.Meriduniya11.com